ୟୁଏଇ,୩୦।୯: ଚଳିତ ବର୍ଷ ଅକ୍ଟୋବର-ନଭେମ୍ବର ମାସରେ ୟୁଏଇ ଏବଂ ଓମାନରେ ଟି -୨୦ ବିଶ୍ୱକପ ଖେଳାଯିବ। ଏହି ଟୁର୍ନାମେଣ୍ଟ ଜିତିବା ପାଇଁ ଟିମ ଇଣ୍ଡିଆ ହେଉଛି ସବୁଠାରୁ ବଡ ଦାବିଦାର। ବିଶ୍ୱକପ ପାଇଁ ଭାରତୀୟ ଦଳ ଘୋଷଣା କରାଯାଇଛି। ଏହି ସମୟରେ ଟିମ ଇଣ୍ଡିଆର ତାରକା ବ୍ୟାଟ୍ସମ୍ୟାନ ରୋହିତ ଶର୍ମା ସମଗ୍ର ବିଶ୍ୱକୁ ଚେତାବନୀ ଦେଇଛନ୍ତି। ଭାରତୀୟ ଉପ-ଅଧିନାୟକ ରୋହିତ ଶର୍ମା କହିଛନ୍ତି ଯେ, ତାଙ୍କ ଟି -୨୦ ବିଶ୍ୱ ଜିତିବା ସହ ଇତିହାସର ପୁନରାବୃତ୍ତି ପାଇଁ ସବୁକିଛି କରିବ। ୨୦୦୭ରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଭାରତ ଟି -୨୦ ବିଶ୍ୱକପର ପ୍ରଥମ ଟୁର୍ନାମେଣ୍ଟ ଜିତିଥିଲା। ଆଗାମୀ ଟୁର୍ନାମେଣ୍ଟ ଅକ୍ଟୋବର ୧୭ରୁ ୟୁଏଇ ଏବଂ ଓମାନରେ ଖେଳାଯିବ। ୨୦୦୭ ରେ ଦକ୍ଷିଣ ଆଫ୍ରିକାରେ ଟାଇଟଲ ଜିତିଥିବା ଭାରତୀୟ ଦଳର ଏକ ଅଂଶ ଥିବା ରୋହିତ ଏକ ଇନଷ୍ଟାଗ୍ରାମ ପୋଷ୍ଟରେ କହିଛନ୍ତି ଯେ, ଏହି ଆଇସିସି ଟି -୨୦ ବିଶ୍ୱକପ୍ରେ ଇତିହାସ ପୁନରାବୃତ୍ତି କରିବା ପାଇଁ ଆମ ପ୍ରତ୍ୟେକେ ଚେଷ୍ଟା କରିବୁ। ଆମେ ଏହା ପାଇଁ ଆସୁଛୁ । ମୁଁ ଏହାକୁ ଜିତିବାକୁ ଆସୁଛି। ’
ପ୍ରଥମ ଟୁର୍ନାମେଣ୍ଟରେ ହୋଇଥିବା ବିଜୟକୁ ସ୍ମରଣ କରି ରୋହିତ କହିଛନ୍ତି, ୨୪ ସେପ୍ଟେମ୍ବର ୨୦୦୭, ଜୋହାନ୍ସବର୍ଗ, ଯେଉଁ ଦିନ ଏକ ବିଲିୟନ ଲୋକଙ୍କ ସ୍ବପ୍ନ ସାକାର ହେଲା। କିଏ ସେହି ସମୟରେ ଭାବିଥିଲା ଯେ ଆମ ଭଳି କମ ଅଭିଜ୍ଞ ଦଳ ଇତିହାସ ସୃଷ୍ଟି କରିବ। ଆମେ କେବେ ହାର ମାନି ନ ଥିଲୁ ବୋଲୀ ରୋହି କହିଛନ୍ତି।
ଇଣ୍ଡିଆନ ପ୍ରିମିୟର ଲିଗରେ ମୁମ୍ବାଇ ଇଣ୍ଡିଆନ୍ସକୁ ଆଗେଇ ନେଉଥିବା ରୋହିତ ଏବଂ ଅଧିନାୟକ ବିରାଟ କୋହଲି ଭାରତର ଶକ୍ତିଶାଳୀ ବ୍ୟାଟିଂ ଲାଇନ ଅପରେ ଗୁରୁତ୍ୱପୂର୍ଣ୍ଣ ସଦସ୍ୟ ହେବେ। ଚାରି ଶତକ ଏବଂ ୨୨ ଅର୍ଦ୍ଧଶତକ ସହିତ ହାରାହାରି ୩୨.୫୪ ହାରରେ ରୋହିତ ୧୧୧ଟି -୨୦ ଅନ୍ତର୍ଜାତୀୟରେ ୨,୮୪୬ରନ ସ୍କୋର କରିଛନ୍ତି।
