କୋଲକତା,୨୨।୧୧: ତୃତୀୟ ତଥା ଶେଷ ଟି -୨୦ ମ୍ୟାଚରେ ଟିମ ଇଣ୍ଡିଆ ନ୍ୟୁଜିଲାଣ୍ଡକୁ ୭୩ ରନ୍ରେ ପରାସ୍ତ କରିଛି। କୋଲକାତାର ଇଡେନ ଗାର୍ଡେନ୍ସରେ ଭାରତୀୟ ଅଧିନାୟକ ରୋହିତ ଶର୍ମା, ଦୀପକ ଚହର ଏବଂ ହର୍ଷଲ ପଟେଲ ଚମତ୍କାର ପ୍ରଦର୍ଶନ କରିଥିଲେ। ରୋହିତ ୩୧ ଟି ବଲରେ ୫୬ ରନ ସଂଗ୍ରହ କରିଥିଲେ। ଏଥିରେ ପାଞ୍ଚ ଚୌକା ଓ ତିନି ଛକା ସାମିଲ ଥିଲା। ହର୍ଷଲ ପଟେଲ (୧୧ ବଲରୁ ୧୮ ରନ) ଏବଂ ଚହର (ଆଠଟି ବଲରୁ ୨୧ ରନ)ଙ୍କ ଅବଦାନରେ ୧୮୪ ରନ ସ୍କୋର କରିବାରେ ସଫଳ ହୋଇଥିଲା। ଶେଷ ପାଞ୍ଚ ଓଭରରେ ଭାରତୀୟ ବ୍ୟାଟ୍ସମ୍ୟାନ ୫୦ ରନ ସଂଗ୍ରହ କରିଥିଲେ।
ଚହର ଶେଷ ଓଭରରେ ଆଦାମ ମିଲନଙ୍କୁ ପ୍ରହାର କରିଥିଲେ। ୨୦ ତମ ଓଭରରେ, ଚହର ଦୁଇଟି ଚୌକା ବ୍ୟତୀତ ୯୫ ମିଟର ଲମ୍ବା ଛକା ମଧ୍ୟ ମାରିଥିଲେ। ଏହି ଛକା ଦେଖି ରୋହିତ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ସେ ଦୀପକ ଚହରଙ୍କୁ ସାଲ୍ୟୁଟ ମାରିଥିଲେ। ମ୍ୟାଚ ପରେ ରୋହିତ ଶର୍ମା ହର୍ଷଲ ଏବଂ ଚହରଙ୍କୁ ମଧ୍ୟ ପ୍ରଶଂସା କରିଥିଲେ। ସେ କହିଛନ୍ତି, ଆମେ ମଝି ଓଭରରେ ଭଲ କରିପାରିଥାନ୍ତେ କିନ୍ତୁ ଆମର ନିମ୍ନ ଅର୍ଡର ବ୍ୟାଟ୍ସମ୍ୟାନମାନେ ବ୍ୟାଟିଂ କରିଥିବାରୁ ମୁଁ ଖୁସି।
https://twitter.com/ashMSDIAN7/status/1462442920229826560
