ନୂଆଦିଲ୍ଲୀ,୧୫।୨: କ୍ୟାରିୟରର ସବୁଠାରୁ ଖରାପ ସମୟ ଦେଇ ଗତି କରୁଛନ୍ତି ଭାରତର ପୂର୍ବତନ ଅଧିନାୟକ ବିରାଟ କୋହଲି। ତିନୋଟିଯାକ ଫର୍ମାଟରେ ତାଙ୍କ ପ୍ରଦର୍ଶନ ବହୁତ ଖରାପ ରହିଛି। ଏବେ କୋହଲିଙ୍କ ଫର୍ମକୁ ନେଇ ବଡ଼ ବୟାନ ଦେଇଛନ୍ତି ଅଧିନାୟକ ରୋହିତ ଶର୍ମା।
ମଙ୍ଗଳବାର ଓ୍ବେଷ୍ଟଇଣ୍ଡିଜ ବିପକ୍ଷ ଟି-୨୦ ସିରିଜ ପୂର୍ବରୁ କୋହଲିଙ୍କୁ ନେଇ ଗଣମାଧ୍ୟମ ପ୍ରଶ୍ନର ଉତ୍ତର ଦେଇ ରୋହିତ କହିଛନ୍ତି, ‘ସେ କୌଣସି ଚାପରେ ଚାହାନ୍ତି। ଖୁବ୍ଶୀଘ୍ର ବଡ ଇନିଂସ ଖେଳିବେ। ଫର୍ମ କଥା ଦେଖାଗଲେ ସେ ବହୁତ ଭଲ ଫର୍ମରେ ଅଛନ୍ତି। ଏକ ଦଶନ୍ଧିରୁ ଅଧିକ ସମୟ ଧରି ଅନ୍ତର୍ଜାତୀୟ ଦଳର ଅଂଶବିଶେଷ ରହିଛନ୍ତି। ଅନ୍ତର୍ଜାତୀୟ କ୍ରିକେଟରେ ସେ ଏତେ ସମୟ ଅତିବାହିତ କରିଛନ୍ତି ଯେ ଚାପ ପରିସ୍ଥିତିର ମୁକାବିଲା କିଭଳି କରିହେବ ତାହା ଭଲ ଭାବେ ଜାଣନ୍ତି। ମୁଁ ଭାବୁଛି ସବୁକିଛି ଆପଣମାନଙ୍କଠାରୁ ଆରମ୍ଭ ହୋଇଛି। ଯଦି ଆପଣମାନେ କିଛି ସମୟ ଚୁପ୍ ରହିପାରିବେ ତେବେ ସବୁକିଛି ଠିକ୍ ହୋଇଯିବ। ’
କହିରଖୁଛୁ, ଓ୍ବେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ସିରିଜରେ କୋହଲି ମୋଟ ୨୬ ରନ୍ କରିଥିଲେ। ସେ ୮,୧୮ ଏବଂ ୦ ରନ୍ର ଇନିଂସ ଖେଳିଥିଲେ। ଏବେ ରୋହିତ କୋହଲିଙ୍କ ଏଭଳି ପ୍ରଦର୍ଶନର ଦୋଷ ଗଣମାଧ୍ୟମ ଉପରେ ଲଦିଛନ୍ତି।
