ନୀଳଗିରି, ୧୫/୦୬,(ପ୍ରଶାନ୍ତ କୁମାର ବିଶ୍ବାଳ):କଳାକନା ବୁଲାଇଲେ ଦୁର୍ବୃତ୍ତ। ରବିବାର ରାତି ପ୍ରାୟ ୮ଟା ୩୦ ରୁ ୯ ଟା ୩୦ ମିନିଟ ସମୟରେ ଚୋରି ହୋଇଥିବାର ଅନୁମାନ। ପରିବାର ଲୋକେ ସଜନାଗଡ଼ ମା’ ଭୂଧାରଚଣ୍ଡୀଙ୍କ ପୀଠ ସମ୍ମୁଖରେ ରଜ ପର୍ବ ଉପଲକ୍ଷେ ମେଳା ଲାଗିଥିବାରୁ ବଜାରରେ ଥିବା ତାଙ୍କର ଲୁଗାଦୋକାନକୁ ସମସ୍ତ ପରିବାର ଲୋକ ଯାଇଥିଲେ। ଘରେ କେହି ନ ଥିବାର ସୁଯୋଗ ନେଇ କଳା କନା ବୁଲାଇଲେ ଦୁର୍ବୃତ୍ତ।
ସୂଚନାଯୋଗ୍ୟ, ନୀଳଗିରି ବ୍ଲକ ସଜନାଗଡ ପଞ୍ଚାୟତ ବେହେରାସାହି ଗ୍ରାମ ତଥା ୧୯ ନଂ ର୍ଯଯଯ ରାଜପଥ ସେରଗଡ ନୀଳଗିରି ଝରଣଘାଟି ରାସ୍ତା ପାଶର୍ବରେ ଶତୃଘନ ଦାସ ଙ୍କ ନିଜର ଘର। ଶ୍ରୀ ଦାସ ଓ ସମସ୍ତ ପରିବାର ଲୋକେ ରବିବାର ସନ୍ଧ୍ୟାରେ ବଜାରରେ ଥିବା ତାଙ୍କର ଲୁଗା ଦୋକାନକୁ ଯାଇଥିଲେ। ଲୁଗା ଦୋକାନ ବନ୍ଦ କରି ରାତ୍ରି ୧୦ ଘଟିକା ସମୟରେ ଘରକୁ ଫେରିବା ବେଳକୁ ଘର ସାମ୍ନାରେ ଥିବା ଗେଟରେ ତାଲାଭଙ୍ଗା ହୋଇଥିବା ଦେଖିବାକୁ ପାଇଥିଲେ। ପରେ ଘର ଭିତରେ ପଶିବା ବେଳକୁ ଆଲମିରା ଭାଙ୍ଗି ୬ଲକ୍ଷ ୫୦ ହଜାର ଟଙ୍କା, ୧୪ ଲକ୍ଷର ସୁନା ଗହଣା ନ ଥିବାର ଦେଖିବାକୁ ପାଇଥିଲେ। ଆସବାବପତ୍ର ସବୁ ବିଛାଡି ହୋଇ ପଡିଥିବାବେଳେ ଚୋର ଘର ପଛପଟେ ଦେଇ ଆସିଥିବା ଅନୁମାନ କରାଯାଉଛି। ଏନେଇ ନୀଳଗିରି ଥାନାରେ ଅଭିଯୋଗ ହୋଇଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ପୋଲିସ ନଂ ୨୭୧/୨୬ରେ ମାମଲା ରୁଜୁ କରି ସୋମବାର ଘଟଣାସ୍ଥଳକୁ ଯାଇ ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ ସହାୟତାରେ ତଦନ୍ତ କରିବାର ସୂଚନା ଦେଇଛନ୍ତି ନୀଳଗିରି ଥାନାର ଆଇ.ଆଇ.ସି ଗୋବର୍ଦ୍ଧନ ନାୟକ।
Dharitri – Odisha’s No.1 Odia Daily
