ବିପଦ ସଙ୍କୁଳ ବ୍ରିଜ ମରାମତି ଦାବି
8:16 amSeptember 22, 2023September 22, 2023 / 05

ଦଶପଲ୍ଲା,୨୨ା୯(ପ୍ରକାଶ କୁମାର ପାଣି): ଦଶପଲ୍ଲା ଦୁର୍ଗା ବଜାରସ୍ଥିତ କୁଆଁରିଆ ନଦୀ ଉପରେ ଥିବା ବ୍ରିଜଟି ବିପଦସଙ୍କୁଳ ଅବସ୍ଥାରେ ରହିଛି। ବ୍ରିଜର ବିଭିନ୍ନ ସ୍ଥାନରେ ଏକାଧିକ ଖାଲ ସୃଷ୍ଟି ହୋଇଛି। ଫଳରେ ଯାତାୟତରେ ବାଧା ସୃଷ୍ଟି ହେଉଛି। ଯାତାୟତ ବେଳେ ଉକ୍ତ ଖାଲରେ ବାଇକ୍‌ , ସ୍କୁଟର ପଡି ଦୁର୍ଘଟଣାଗସ୍ତ ହେଉଛି। ଚାଳକମାନେ ଆହତ ହେଉଥିବା ନଜିର ରହିଛି। ବର୍ଷା ହେଲେ ବ୍ରିଜ ଉପରେ ପାଣି ଜମି ରହୁଛି। ଏନେଇ ବିଭାଗୀୟ ଅଧିକାରୀମାନେ ଅବଗତ ଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ଅଭିଯୋଗ ହୋଇଛି। ଉକ୍ତ ବ୍ରିଜଟି ୫୭ ନଂ. ଜାତୀୟ ରାଜପଥରେ ରହିଛି। ଏବେ ପାର୍ବଣ ଋତୁ ଚାଲିଛି। ଜାତୀୟ ରାଜପଥ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ଦାବି ହୋଇଛି।