ଚଣ୍ଡିଗଡ଼,୩୧।୫: ପଞ୍ଜାବୀ ଗାୟକ ସିଦ୍ଧୁ ମୂସଓ୍ବୋଲା ହତ୍ୟା ଘଟଣା ପରେ ପଞ୍ଜାବରେ ଗ୍ୟାଙ୍ଗଓ୍ବାର ହୋଇପାରେ ବୋଲି ପୋଲିସ ଆଶଙ୍କା ବ୍ୟକ୍ତ କରିଛି। ଅନ୍ୟ ଜଣେ ଲୋକପ୍ରିୟ ଗାୟକଙ୍କ ଜୀବନ ପ୍ରତି ବିପଦ ଥିବା ମଧ୍ୟ ପୋଲିସ କହିଛି। ସୁରକ୍ଷା କାରଣରୁ ତାଙ୍କ ନାମ ପ୍ରକାଶ କରାଯାଇ ନ ଥିବାବେଳେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କର ସେ ଅତି ଘନିଷ୍ଠ ବୋଲି କୁହାଯାଉଛି। ବିଷ୍ଣୋଇ ଗ୍ୟାଙ୍ଗଠାରୁ ଗୌରବ ପଟିଆଲ ଓରଫ ଲକି ଗ୍ୟାଙ୍ଗ ଅଧିକ ଶକ୍ତିଶାଳୀ। ଆର୍ମେନିଆରୁ ନିଜ ଗ୍ୟାଙ୍ଗ ପରିଚାଳନା କରୁଥିବା ଲକି ପଟିଆଲଙ୍କର ପାକିସ୍ତାନର ବାବର ଖାଲ୍ସା ଆତଙ୍କବାଦୀ ହରବିନ୍ଦର ସିଂ ରିଣ୍ଡାଙ୍କ ସହ ଘନିଷ୍ଠ ସମ୍ପର୍କ ଥିବା ସୁରକ୍ଷା ଏଜେନ୍ସି ସୂତ୍ରରୁ ଜଣାପଡ଼ିଛି।
