ଜମିରେ ଶଢୁଛି ପାଚିଲା ଧାନ

ବାଲେଶ୍ୱର ଅଫିସ, ୧୧।୧୦-ବାଲେଶ୍ୱର ଜିଲା ଜଳେଶ୍ୱର ବ୍ଲକରେ ଚାଷୀମାନେ ଖରିଫ ଚାଷ କରି ଚିନ୍ତାରେ ପଡ଼ିଛନ୍ତି। ନିମ୍ନମାନର ବିହନ ସେମାନଙ୍କ ପାଇଁ କାଳ ପାଲଟିଛି। ନିର୍ଦ୍ଧାରିତ ସମୟ ପୂର୍ବରୁ ଜମିରେ ଧାନ ପାଚିଯାଉଥିବା ବେଳେ ଲଘୁଚାପଜନିତ ଲଗାଣ ବର୍ଷା ସମସ୍ୟାକୁ ଦ୍ୱିଗୁଣିତ କରିଛି। ଫଳରେ ପାଚିଲା ଧାନ ଜମିରେ ସଢୁଛି। ବିହନ ଯୋଗାଣ କରିଥିବା ଘରୋଇ କମ୍ପାନୀ ବିରୋଧରେ ଚାଷୀମାନେ ଅଭିଯୋଗ କରିଥିଲେ ମଧ୍ୟ ପ୍ରଶାସନ ତରଫରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିବା ସ୍ଥାନୀୟ ଚାଷୀ ଅଭିଯୋଗ କରିଛନ୍ତି।
ରାଜ୍ୟ ଓ କେନ୍ଦ୍ର ସରକାର କୃଷି କ୍ଷେତ୍ରରେ ବିଭିନ୍ନ ପ୍ରକାରର ଯୋଜନା ପ୍ରସ୍ତୁତ କରିଛନ୍ତି। ବିହନ ଯୋଗାଣଠାରୁ ଆରମ୍ଭ କରି ରାସାୟନିକ ସାର, ଔଷଧ, କୃଷି ବ୍ୟବହୃତ ଉନ୍ନତମାନର କୃଷି ଯନ୍ତ୍ରପାତି ରିହାତି ମୂଲ୍ୟରେ ଯୋଗାଇ ଦେଉଛନ୍ତି। ଏଥିସହିତ ଆବଶ୍ୟକ କ୍ଷେତ୍ରରେ ସୁଧ ଛାଡ଼ କରିଦିଆଯାଉଛି। ଜଳେଶ୍ୱର ବ୍ଲକ ଅନ୍ତର୍ଗତ ବର୍ତ୍ତନା, ଖୁଲୁଡ଼ା, ବାଇଗଣବାଢ଼ିଆ, ପଶ୍ଚିମବାର୍ଡ଼, ଝାଡ଼ପିମ୍ପଳ, ନାମ୍ପୋ, ସମ୍ପତିଆ, ଖାଲିନା, ସୁଗୋ, ନଶ୍ଚିମପୁର, ଗଡ଼ସାହି ବାଲିଆପାଳ, ପାଇକସିଦା ପଞ୍ଚାୟତର ୯୦ପ୍ରତିଶତ ଲୋକ ଚାଷ ଉପରେ ନିର୍ଭର କରିଥାନ୍ତି। ଚଳିତବର୍ଷ ଖରିଫ ଚାଷ ପାଇଁ ସରକାର ଉକ୍ତ ଅଞ୍ଚଳରେ ପର୍ଯ୍ୟାପ୍ତ ପରିମାଣର ବିହନ ଯୋଗାଇ ନ ଦେବାରୁ ସେମାନେ ବାଧ୍ୟ ହୋଇ ଘରୋଇ କମ୍ପାନୀ ଦ୍ୱାରା ବିକ୍ରି ହେଉଥିବା ବିହନକୁ ଜମିରେ ବ୍ୟବହାର କରିଥିଲେ। ସାଧାରଣତଃ ଉକ୍ତ ଅଞ୍ଚଳରେ ଖରିଫ୍‌ ଚାଷ ୫ମାସରୁ ସାଢ଼େ ୫ମାସ ମଧ୍ୟରେ ଅମଳ କରାଯାଇଥାଏ। ପ୍ରତିବର୍ଷ ଚାଷୀମାନେ ରାଜ୍ୟ ସରକାରଙ୍କ ପକ୍ଷରୁ ମିଳୁଥିବା ଉନ୍ନତମାନର ବିହନ ୧୦କିଲୋକୁ ୧୭୦ରୁ ୧୮୫ ଟଙ୍କାରେ କିଣି ଚାଷ କରିଥାନ୍ତି। ଯାହା ନିର୍ଦ୍ଧାରିତ ସମୟରେ ଅମଳ ହୋଇଥାଏ। କିନ୍ତୁ ଚଳିତବର୍ଷ ସରକାରୀ ବିହନ ନ ମିଳିବାରୁ ଦଲାଲଙ୍କ ପ୍ରଲୋଭନରେ ଶୀକାର ହୋଇ ଚାଷୀମାନେ ଏକ ଘରୋଇ କମ୍ପାନୀର ବିହନ ‘ପ୍ରିମିୟମ ସ୍ବର୍ଣ୍ଣ’ ୧୦ କିଲୋକୁ ୭୫୦ ଟଙ୍କା ଓ ‘ବମ୍ପି ଗୋଲ୍ଡ’ ୫ କିଲୋକୁ ୩୫୦ ଟଙ୍କାରେ କିଣି ଚାଷ କରିଥିଲେ। ତାହା ରୋଇବାର ୧୫ଦିନ ମଧ୍ୟରେ ଧାନ ବାହାରିଥିବା ବେଳେ ଧାନଗୁଡ଼ିକ ଅଗାଡ଼ି ହୋଇଯାଇଥିଲା। ମାତ୍ର ଯେଉଁସବୁ ଧାନ ରହିଲା ତାହା ୩ମାସ ମଧ୍ୟରେ ତାହା ପାଚିଯାଇଛି। ଲଗାଣ ଲଘୁଚାପ ଜନିତ ବର୍ଷା ଯୋଗୁ ଚାଷଜମିରେ ପାଣି ଜମି ରହିଥିବାରୁ ଅମଳ ପାଇଁ କୌଣସି ଗାଡ଼ି ପଶିପାରୁ ନାହିଁ କି କରୋନା ଯୋଗୁ ଅମଳ ପାଇଁ ଲୋକେ ମଧ୍ୟ ମିଳୁନାହାନ୍ତି। ଚାଷୀ କଷ୍ଟେମଷ୍ଟେ ଅମଳ କରିବାକୁ ଚେଷ୍ଟା କରୁଥିବା ବେଳେ ଜମିରେ ପାଚିଲା ଧାନ ସଢୁଛି। ଏ ବିଷୟରେ ଚାଷୀ ଜିଲାପାଳ, ଜିଲା କୃଷି ଅଧିକାରୀ, ସ୍ଥାନୀୟ ବିଡ଼ିଓ, ତହସିଲଦାର ଏପରିକି ବାଲେଶ୍ୱର ଏମ୍‌ପି ତଥା କେନ୍ଦ୍ରମନ୍ତ୍ରୀଙ୍କୁ ଅବଗତ କରିଥିଲେ। ଫଳରେ କୃଷି ବିଭାଗ ତରଫରୁ ଏକ ଟିମ୍‌ ଉକ୍ତ ଅଞ୍ଚଳକୁ ଯାଇ ଚାଷଜମି ପରିଦର୍ଶନ କରିବା ସହ ତଦନ୍ତ ରିପୋର୍ଟ ଉପରିସ୍ଥ ଅଧିକାରୀଙ୍କୁ ପ୍ରଦାନ କରିଛନ୍ତି। କିନ୍ତୁ ଏପର୍ଯ୍ୟନ୍ତ କୌଣସି ସୁଫଳ ମିଳି ନାହିଁ । ଚାଷୀମାନେ ମହାମାରୀ କରୋନା ସମୟରେ ଚାଷ କରିଥିବା ବେଳେ ଏହାର ପ୍ରତିକାର ନ ହେଲେ ଆଗାମୀ ଦିନରେ ସମସ୍ତ ଚାଷୀ ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେବେ ନଚେତ୍‌ ବିଷ ପିଇ ଆମତ୍ହତ୍ୟା କରିବେ ବୋଲି ଚାଷୀ ପ୍ରତାପ ଚନ୍ଦ୍ର ସେନାପତି, ସତ୍ୟବ୍ରତ ବେହେରା, ପୁରୁଷୋତ୍ତମ ଜେନା, ବିଦ୍ୟାଧର ବେହେରା ପ୍ରମୁଖ ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ବକ୍ରେଶ୍ୱର ମନ୍ଦିରରେ ଲୁଟେରାଙ୍କ ଆତଙ୍କ, ତାଲା ଭାଙ୍ଗି ଲୁUdନେଲେ ଅଳଙ୍କାର

ଖଇରା, ୧୫।୧୧ (ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ଥାନା ଅନ୍ତର୍ଗତ ଟିପିସଗଡ଼ିଆସ୍ଥିତ ପ୍ରସିଦ୍ଧ ବକ୍ରେଶ୍ୱର ଶୈବପୀଠରୁ ବିଳମ୍ବିତ ରାତିରେ ଚୋରି ହୋଇଥିବା ନେଇ ଖଇରା ଥାନାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?