ପ୍ରତିଶୋଧ ନିଆଯିବ

ଲଣ୍ଡନ,୨୪।୧: ଇରାନର ସବୁଠୁ ଶକ୍ତିଶାଳୀ ସାମରିକ ବଳ ହେଉଛି ଇସ୍‌ଲାମିକ୍‌ ରିଭୋଲ୍ୟୁଶନାରି ଗାର୍ଡ କର୍ପ୍ସ (ଆଇଆର୍‌ଜିସି)। କାସିମ ସୋଲେମାନି ୧୯୯୮ରୁ ମୃତ୍ୟୁ ପର୍ଯ୍ୟନ୍ତ ଏହାର ମେଜର ଜେନେରାଲ ଥିଲେ। ଏହି ଦୁର୍ଦ୍ଧର୍ଷ କମାଣ୍ଡରଙ୍କୁ ଗତବର୍ଷ ଜାନୁୟାରୀ ୩ରେ ଟ୍ରମ୍ପ୍‌ଙ୍କ ନିର୍ଦ୍ଦେଶକ୍ରମେ ଇରାକ ରାଜଧାନୀ ବାଗଦାଦରେ ଡ୍ରୋନ୍‌ ଆକ୍ରମଣରେ ହତ୍ୟା କରାଯାଇଥିଲା। ସୋଲେମାନିଙ୍କ ଶେଷକୃତ୍ୟ ୭ ତାରିଖରେ ସମ୍ପନ୍ନ ହେବା ପରେ ଇରାକସ୍ଥିତ ଆମେରିକାର ସେନା ଶିବିରକୁ ଇରାନ କ୍ଷେପଣାସ୍ତ୍ର ମାଡ଼ କରିଥିଲା। ଆଇଆର୍‌ଜିସିର ଦୃଢ଼ ସମର୍ଥକ ନ୍ୟୁଜ୍‌ ଏଜେନ୍ସି ତସ୍‌ନିମ ପକ୍ଷରୁ ଏହାର ବର୍ଷେ ପରେ ଜାରି ଉକ୍ତ ପୋଷ୍ଟରେ ସୋଲେମାନିଙ୍କ ହତ୍ୟାର ପ୍ରତିଶୋଧ ଅବଶ୍ୟ ନିଆଯିବ ବୋଲି ଟୁଇଟ୍‌ କରାଯାଇଛି। ଟ୍ରମ୍ପ୍‌ଙ୍କ ୪ ବର୍ଷର ଶାସନ ଶେଷ ହେବା ପରେ ସେ ବୁଧବାର ହ୍ବାଇଟ୍‌ ହାଉସ୍‌ ଛାଡ଼ି ଫ୍ଲୋରିଡା ଯାଇଥିଲେ। ସେଠାରୁ ଟ୍ରମ୍ପ୍‌ ପାମ୍‌ ବିଚ୍‌ସ୍ଥିତ ଇଣ୍ଟରନ୍ୟାଶନାଲ ଗଲ୍ଫ କ୍ଲବ୍‌ ୱେଷ୍ଟରେ ଗଲ୍ପ ଖେଳି ସମୟ ବିତାଇଥିଲେ। ତେଣୁ ଟ୍ରମ୍ପ୍‌ ଗଲ୍ଫ ଖେଳୁଥିବା ବେଳର ଏକ ପ୍ରତୀକାମତ୍କ ଫଟୋ ସହ ଇରାନ ତାଙ୍କୁ ହତ୍ୟା ପାଇଁ ଏହି ଧମକ ଦେଇଥିବା କୁହାଯାଉଛି। ଇରାନର ସବୁଠୁ କୁଖ୍ୟାତ୍‌ ସାମରିକ ନେତା ସୋଲେମାନି ମଧ୍ୟପ୍ରାଚ୍ୟରେ ଆମେରିକୀୟ ସୈନ୍ୟଙ୍କ ପ୍ରତି ଘାତକ ବିପଦ ସଦୃଶ ଛିଡ଼ା ହୋଇଥିଲେ। ସେ ନିହତ ହେବା ନେଇ ଟ୍ରମ୍ପ୍‌ ଘୋଷଣା କରିଥିଲେ, ବିଶ୍ୱର ନମ୍ବର ୱାନ୍‌ ଆତଙ୍କବାଦୀଙ୍କୁ ଆମେରିକା ସୈନ୍ୟ ଆକାଶମାର୍ଗରୁ ଆକ୍ରମଣ କରି ମାରିଦେଇଛନ୍ତି। ସେତେବେଳେ ଇରାନ ଏହାର ପ୍ରତିଶୋଧ ନିଆଯିବ ବୋଲି ଧମକ ଦେଇଥିଲା। ସୋଲେମାନିଙ୍କ ମୃତ୍ୟୁର ବାର୍ଷିକୀ ବେଳେ ଇରାନ ଜବାବ ଦେବ ବୋଲି ୱାଶିଂଟନ ଆଶଙ୍କା କରିଥିଲା। ସମ୍ଭାବ୍ୟ ଆକ୍ରମଣକୁ ଏଡ଼ାଇବା ଲାଗି ପାରସ୍ୟ ଉପସାଗରରେ ବହୁ ସଂଖ୍ୟକ ଆମେରିକୀୟ ସୈନ୍ୟଙ୍କୁ ସଶସ୍ତ୍ର ଯୁଦ୍ଧଜାହାଜ ସହ ମୁତୟନ କରାଯାଇଥିଲା। ତେବେ ଶ୍ରାଦ୍ଧବାର୍ଷିକୀ ବେଳେ ଉଭୟ ପକ୍ଷରୁ କୌଣସି ଆକ୍ରମଣାମତ୍କ କାର୍ଯ୍ୟ ହୋଇ ନ ଥିଲା।

ଟୁଇଟ୍‌ରେ କ’ଣ ଥିଲା

ତସ୍‌ନିମ ପକ୍ଷରୁ ଟୁଇଟ୍‌ କରାଯାଇଥିବା ପୋଷ୍ଟରେ ଟ୍ରମ୍ପ୍‌ଙ୍କ ଭଳି ଦେଖାଯାଉଥିବା ଜଣେ ବ୍ୟକ୍ତିଙ୍କ ଫଟୋ ସହ କ୍ୟାପ୍‌ଶନ ଲେଖାଯାଇଥିଲା, ଜେନେରାଲ ସୋଲେମାନିଙ୍କ ହତ୍ୟା ପାଇଁ ନିର୍ଦ୍ଦେଶ ଦେଇଥିବା ଓ ତାକୁ ପାଳନ କରିଥିବା ବ୍ୟକ୍ତିଙ୍କ ଉପରେ ନିଶ୍ଚିତ ଭାବେ ଠିକଣା ବେଳରେ ପ୍ରତିଶୋଧ ନିଆଯିବ। ଏଥିରେ ଜଣେ ବ୍ୟକ୍ତି ପ୍ରତିକ୍ରିୟା ଦେଇ ଲେଖିଥିଲେ, ’ସୋଲେମାନିଙ୍କ ଜୋତା ତାଙ୍କ ହତ୍ୟାକାରୀଙ୍କ ମୁଣ୍ଡଠାରୁ ଅଧିକ ମୂଲ୍ୟବାନ’। ଉକ୍ତ ପୋଷ୍ଟକୁ ଇରାନର ସୁପ୍ରିମ ଲିଡର ଆୟାତୋଲ୍ଲା ଅଲି ଖାମେନେଇ ରିଟୁଇଟ୍‌ କରିଥିବା ଖବର ଆସିଥିଲା। ତେବେ ତାହା ସର୍ବୋଚ୍ଚ ନେତାଙ୍କ ନାମରେ ଜାଲ୍‌ ଆକାଉଣ୍ଟ ଦର୍ଶାଇ ଟୁଇଟର୍‌ ପକ୍ଷରୁ ତାକୁ ରଦ୍ଦ କରିଦିଆଯାଇଛି। ନ୍ୟୁଜ୍‌ ଏଜେନ୍ସି ମଧ୍ୟ ମୂଳ ଟୁଇଟ୍‌କୁ ଡିଲିଟ୍‌ କରିଦେଇଛି।

ବାପା ହିରୋ, ଟ୍ରମ୍ପ୍‌ ପରାଜିତ

ତସ୍‌ନିମ୍‌ରେ ଗୁରୁବାର ଏକ ରିପୋର୍ଟ ପ୍ରକାଶ ପାଇଥିଲା। ସେଥିରେ ସୋଲେମାନିଙ୍କ ଝିଅ ଜେଇନାବ ସୋଲେମାନି ବୁଧବାର କରିଥିବା ଏକ ଟୁଇଟ୍‌ ସମ୍ପର୍କରେ ଉଲ୍ଲେଖ କରାଯାଇଥିଲା। ଜେଇନାବ ବାପାଙ୍କ ଉଦ୍ଦେଶ୍ୟରେ ଲେଖିଥିଲେ, ତୁମକୁ ହତ୍ୟା ପାଇଁ ଟ୍ରମ୍ପ୍‌ ନିର୍ଦ୍ଦେଶ ଦେଇଥିଲେ। ତୁମେ ସବୁଦିନ ହିରୋ ହୋଇ ରହିବ। କିନ୍ତୁ ଟ୍ରମ୍ପ୍‌ ପରାଜିତ, ଏକଘରିକିଆ ହୋଇ ଓ ଭାଙ୍ଗିପଡ଼ି ହ୍ବାଇଟ୍‌ ହାଉସ୍‌ ଛାଡ଼ି ଚାଲିଯାଇଛନ୍ତିି।

 

 


Enter your email to get our daily news in your inbox.

All Right Reserved By Dharitri.Com

କାହିଁକି ଏହି ଦେଶରେ ବନ୍ଦ ହେଲା କୋଭିଡ୍‌ ଭାକ୍ସିନ

କୋପେନହାଗେନ,୧୧।୩ : ଟିକାକରଣ ପ୍ରକ୍ରିୟାରୁ ଆଷ୍ଟ୍ରାଜେନିକାକୁ ବାଦ୍‌ ଦେଇଛି ଡେନମାର୍କ। ଭାକ୍ସିନ ନେବା ପରେ କିଛି ବ୍ୟକ୍ତିଙ୍କ ଠାରେ ରକ୍ତ ଜମାଟ ବାନ୍ଧିବା (ବ୍ଲଡ୍‌ କ୍ଲଟ୍ସ)...

ମ୍ୟାନ୍‌ମାର ଗସ୍ତରେ ଜିନ୍‌ପିଙ୍ଗ୍‌

ନାଏପିଡ଼ା,୧୮ା୧ (ଏଏଫ୍‌ପି): ଚାଇନା ରାଷ୍ଟ୍ରପତି ଜି ଜିନ୍‌ପିଙ୍ଗ୍‌ ଦୁଇଦିନିଆ ମ୍ୟାନ୍‌ମାର୍‌ ଗସ୍ତରେ ଯାଇ ଶୁକ୍ରବାର ଏହାର ରାଜଧାନୀରେ ପହଞ୍ଚତ୍ଛନ୍ତି। ସଙ୍କଟରେ ପଡ଼ିଥିବା ଅଙ୍ଗ୍‌ ସାନ୍‌ ସୁ...

ଲକ୍‌ଡାଉନ୍‌ ହଟିଲେ ମଧୁମେହ ରୋଗୀଙ୍କୁ ବିପଦ

ଲଣ୍ଡନ,୨୬ା୫: ଲକ୍‌ଡାଉନ ହଟାଯିବା ପରେ ମଧ୍ୟ ମଧୁମେହ ରୋଗୀଙ୍କୁ ଘର ଭିତରେ ରହିବାକୁ ପଡ଼ିପାରେ। କାରଣ କରୋନା ସଂକ୍ରମଣର ଅଧିକ ଆଶଙ୍କା ଥିବା ବର୍ଗରେ ସେମାନେ...

ଦଲାଇ ଲାମା ବାଛିବାର ଅଧିକାର ଚାଇନାର ନାହିଁ

ତାଓ୍ବାଙ୍ଗ(ଅରୁଞ୍ଚଳ ପ୍ରଦେଶ),୨୫।୧୦: ପରବର୍ତ୍ତୀ ଦଲାଇ ଲାମାଙ୍କ ଚୟନ ପ୍ରକ୍ରିୟାରେ ଚାଇନା ମୁଣ୍ଡ ଖେଳାଇବାକୁ କେହି ନୁହେଁ। ଚାଇନିଜ ସରକାର ବୌଦ୍ଧ ଧର୍ମରେ ବିଶ୍ୱାସ କରନ୍ତି ନାହିଁ।...

ଟୁଇଟରରେ ସଭିଙ୍କୁ ଅନଫଲୋ କଲେ ଇମ୍ରାନ ଖାନ

ଇସ୍ଲାମାବାଦ,୮।୧୨- ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ନିଜ ଅଫିସିଆଲ ଟୁଇଟର ଆକାଉଣ୍ଟରୁ ପ୍ରଥମ ସ୍ତ୍ରୀ ଜେମିମା ଗୋଲ୍ଡସ୍ମିଥଙ୍କ ସମେତ ସଭିଙ୍କୁ ଅନ୍‌ଫଲୋ କରିଛନ୍ତି। ଏଥି ଲାଗି...

ଆଫଗାନ ସେନା ଘାଟିକୁ ତାଲିବାନର ଟାର୍ଗେଟ

କାବୁଲ,୪ା୩(ଏଏଫ୍‌ପି): ଆଫଗାନିସ୍ତାନର ସେନା ଘାଟି ଉପରେ ତାଲିବାନ ପକ୍ଷରୁ ଏକାଧିକ ଆକ୍ରମଣ କରାଯାଇଛି। ଫଳରେ ଆମେରିକା-ଆଫଗାନିସ୍ତାନ ଶାନ୍ତି ଆଲୋଚନାର ସଫଳତାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।...

ଚାଇନାରେ କରୋନାଭାଇରସ ପୀଡିତଙ୍କୁ ଦିଆଯାଉଛି କଇଁଛ ମାଂସ!

ବେଜିଂ,୮।୨: କରୋନାଭାଇରସ ଏବେ ଚାଇନାରେ ମହାମାରୀର ରୂପ ନେଇଛି। ଏବେସୁଦ୍ଧା ଏଥିରେ ପ୍ରାୟ ୭୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ୩୪ ହଜାରରୁ ଊର୍ଦ୍ଧ୍ୱ ଏଥିରେ...

ବ୍ରାଜିଲ ବାରରେ ଗୁଳିମାଡ: ୪ ମୃତ

ରିଓ-ଡି-ଜେନେରିୟୋ,୩୦।୬: ବ୍ରଜିଲର ରିଓ-ଡି-ଜେନେରିଓରେ ଥିବା ଏକ ବାରରେ ଗୁଳିମାଡ ଫଳରେ ଅତିକମ୍‌ରେ ୪ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଥିବା ସୂଚନା ମିଳିଛି। ପ୍ରତ୍ୟେକ୍ଷଦର୍ଶୀଙ୍କ...

Advertisement


Archives

Model This Week