ନୂଆଦିଲ୍ଲୀ,୧୪।୭: ଭାରତର ଖୁଚୁରା ମୁଦ୍ରାସ୍ଫୀତି ଜୁନ୍ ମାସରେ ୨.୧୦%କୁ ହ୍ରାସ ପାଇଛି, ଯାହା ୨୦୧୯ ଜାନୁଆରୀ ପରେ ନିମ୍ନତମ ସ୍ତର ବୋଲି ସରକାରୀ ତଥ୍ୟରୁ ଜଣାପଡ଼ିଛି। ଖାଦ୍ୟ ଦ୍ରବ୍ୟର ମୂଲ୍ୟ ବୃଦ୍ଧି ଧୀମା ହେବା ଏବଂ ଅନୁକୂଳ ବେସ୍ ଇଫେକ୍ଟ ଯୋଗୁଁ ଏହି ହ୍ରାସ ଘଟିଛି।ଏହା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI)ର ୪% ମଧ୍ୟମ ମିଆଦୀ ଲକ୍ଷ୍ୟଠାରୁ କମ୍ ରହିଥିବା ପଞ୍ଚମ ମାସ ଏବଂ ୬% ଉଚ୍ଚ ସୀମାଠାରୁ କମ୍ ରହିଥିବା ଅଷ୍ଟମ ମାସ। ସରକାରୀ ବିବୃତି ଅନୁଯାୟୀ, “ଜୁନ୍ ୨୦୨୫ରେ ମୁଦ୍ରାସ୍ଫୀତି ମେ’ ୨୦୨୫ ତୁଳନାରେ ୭୨ ବେସିସ୍ ପଏଣ୍ଟ ହ୍ରାସ ପାଇଛି।”
ଏହା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI)ର ୪% ମଧ୍ୟମ ମିଆଦୀ ଲକ୍ଷ୍ୟଠାରୁ କମ୍ ରହିଥିବା ପଞ୍ଚମ ମାସ ଏବଂ ୬% ଉଚ୍ଚ ସୀମାଠାରୁ କମ୍ ରହିଥିବା ଅଷ୍ଟମ ମାସ। ସରକାରୀ ବିବୃତି ଅନୁଯାୟୀ, “ଜୁନ୍ ୨୦୨୫ରେ ମୁଦ୍ରାସ୍ଫୀତି ମେ’ ୨୦୨୫ ତୁଳନାରେ ୭୨ ବେସିସ୍ ପଏଣ୍ଟ ହ୍ରାସ ପାଇଛି।” ମେ’ରେ ମୁଦ୍ରାସ୍ଫୀତି ୨.୮୨% ଥିବା ବେଳେ ଜୁନ୍ ୨୦୨୪ରେ ଏହା ୫.୦୮% ଥିଲା। ଜୁନ୍ ହେଉଛି ଦ୍ୱିତୀୟ ମାସ ଯେତେବେଳେ ମୁଦ୍ରାସ୍ଫୀତି ୩%ରୁ କମ୍ ରହିଛି।
କୋଟାକ୍ ମହିନ୍ଦ୍ରା ବ୍ୟାଙ୍କର ମୁଖ୍ୟ ଅର୍ଥନୀତିବିତ୍ ଉପାସନା ଭାରଦ୍ୱାଜ କହିଛନ୍ତି, “ଖାଦ୍ୟ ମୂଲ୍ୟରେ ନରମ ପରିବେଶ ଯୋଗୁଁ ମୁଦ୍ରାସ୍ଫୀତି ଆଶାଠାରୁ କମ୍ ରହିଛି। ତେବେ, କୋର୍ ମୁଦ୍ରାସ୍ଫୀତିରେ କିଛି ବୃଦ୍ଧି ଦେଖାଯାଇଛି। ମଣ୍ଡି ମୂଲ୍ୟ ଅନୁଯାୟୀ, କିଛି ପନିପରିବା ଛଡ଼ା ଖାଦ୍ୟ ମୂଲ୍ୟ ସ୍ଥିର ରହିଛି। ଆମେ ଆଶା କରୁଛୁ ଯେ ୨୦୨୫-୨୬ ଆର୍ଥିକ ବର୍ଷରେ ମୁଦ୍ରାସ୍ଫୀତି RBIର ୩.୭% ଆକଳନଠାରୁ ପ୍ରାୟ ୫୦ ବେସିସ୍ ପଏଣ୍ଟ କମ୍ ରହିବ।”
ସେ ଆହୁରି କହିଛନ୍ତି, “ନିୟନ୍ତ୍ରିତ ମୁଦ୍ରାସ୍ଫୀତି ମୁଦ୍ରା ନୀତି ଆହୁରି ଶିଥିଳ କରିବାକୁ ସୁଯୋଗ ଦେଉଛି, କିନ୍ତୁ RBI ଆଗାମୀ ୧-୨ଟି ବୈଠକରେ ସ୍ଥିତି ବଜାୟ ରଖି ବିଶ୍ୱବ୍ୟାପୀ ଅନିଶ୍ଚିତତା ଓ ନୀତି ସ୍ଵଭାବ ନିରୀକ୍ଷଣ କରିବ।”
ଜୁନ୍ରେ RBIର ମୁଦ୍ରା ନୀତି କମିଟି (MPC) ବେଞ୍ଚମାର୍କ ରେପୋ ହାରକୁ ୫୦ ବେସିସ୍ ପଏଣ୍ଟ ହ୍ରାସ କରି ୫.୫% କରିଥିଲା। ଏହା ୨୦୨୫ରେ ତୃତୀୟ କ୍ରମାଗତ ସୁଧ ହାର ହ୍ରାସ ଥିଲା, ଯେତେବେଳେ RBI ନୀତି ଅବସ୍ଥାନକୁ “ନିରପେକ୍ଷ”କୁ ବଦଳାଇଥିଲା। RBI ଗଭର୍ଣ୍ଣର ସଞ୍ଜୟ ମାଲହୋତ୍ରା କହିଛନ୍ତି, “ଗତ ଛଅ ମାସରେ ମୁଦ୍ରାସ୍ଫୀତି ନାଟକୀୟ ଭାବେ ହ୍ରାସ ପାଇଛି। ଅକ୍ଟୋବର ୨୦୨୪ରେ ଏହା ସହନଶୀଳ ସୀମା ଉପରେ ଥିବା ବେଳେ ଏବେ ଲକ୍ଷ୍ୟଠାରୁ ବହୁତ କମ୍ ରହିଛି।”
ଜୁନ୍ ତଥ୍ୟ ଆଧାରରେ RBI ଆର୍ଥିକ ବର୍ଷ ୨୦୨୫-୨୬ (FY26) ପାଇଁ ଖୁଚୁରା ମୁଦ୍ରାସ୍ଫୀତି (CPI) ପୂର୍ବାନୁମାନକୁ ୪%ରୁ ହ୍ରାସ କରି ୩.୭% କରିଛି। ତ୍ରୈମାସିକ ପୂର୍ବାନୁମାନ ହେଉଛି: Q1: ୨.୯%, Q2: ୩.୪%, Q3: ୩.୫%, Q4: ୪.୪%।RBI କିଛି ଝୁଁକି ସମ୍ପର୍କରେ ମଧ୍ୟ ସତର୍କ କରିଛି। ଯଦିଓ ମୁଦ୍ରାସ୍ଫୀତି ହ୍ରାସ ପାଇଛି, ସରବରାହ ପକ୍ଷରେ ଚ୍ୟାଲେଞ୍ଜ ଏବଂ ବିଶ୍ୱବ୍ୟାପୀ କାରଣଗୁଡ଼ିକୁ ନିବିଡ଼ ନୀରିକ୍ଷଣ ଆବଶ୍ୟକ।
ମୁଦ୍ରାସ୍ଫୀତି ହ୍ରାସରେ ଖାଦ୍ୟ ମୂଲ୍ୟର ଧୀମା ବୃଦ୍ଧି ଏକ ପ୍ରମୁଖ ଭୂମିକା ଗ୍ରହଣ କରିଛି। ବିଶ୍ଲେଷକମାନେ କହିଛନ୍ତି ଯେ ଜରୁରୀ ସାମଗ୍ରୀର ଉନ୍ନତ ଯୋଗାଣ ଏବଂ ସରକାରଙ୍କ ଦ୍ୱାରା ଖାଦ୍ୟ ଭଣ୍ଡାରର ଉନ୍ନତ ପରିଚାଳନା ମୂଲ୍ୟ ନିୟନ୍ତ୍ରଣରେ ସାହାଯ୍ୟ କରିଛି। ଗତ ବର୍ଷ ଏହି ସମୟରେ ଉଚ୍ଚ ମୁଦ୍ରାସ୍ଫୀତି ଥିବା ଯୋଗୁଁ ବେସ୍ ଇଫେକ୍ଟ ମଧ୍ୟ ଏହାକୁ ଆହୁରି ଗୁରୁତ୍ୱପୂର୍ଣ୍ଣ କରିଛି।
