ରିପୋର୍ଟ ସ୍ପଷ୍ଟ କଲା ‘ଦୂଷିତ ପାଣି’

ରାୟଗଡ଼ା ଅଫିସ,୧୮ା୭: ରାୟଗଡ଼ା ଜିଲା କାଶୀପୁରରେ ଝାଡ଼ାବାନ୍ତିରେ ୭ ଜଣଙ୍କ ମୃତ୍ୟୁ ଘଟିବା ସହ ୩୫ରୁ ଊର୍ଦ୍ଧ୍ୱ ଆକ୍ରାନ୍ତ ଚିକିତ୍ସାଧୀନ ଅଛନ୍ତି। ଏହି ଘଟଣା ଏବେ ସମଗ୍ର ରାଜ୍ୟରେ ଚିନ୍ତାର ବିଷୟ ହୋଇଛି। ବିଧାନସଭାରେ ଏହି ପ୍ରସଙ୍ଗ ଉଠିବା ପରେ କାଶୀପୁର ବ୍ଲକର ବିଭିନ୍ନ ଅଞ୍ଚଳରେ ଝାଡ଼ାବାନ୍ତିର କାରଣ ଏବଂ ସ୍ଥାୟୀ ପ୍ରତିକାର ନିମନ୍ତେ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ପଦକ୍ଷେପ ନିଆଯାଇଛି। ଭୁବନେଶ୍ୱର ସ୍ଥିତ ଆର୍‌ଏମ୍‌ଆର୍‌ସିରୁ ଏକ ରାଜ୍ୟସ୍ତରୀୟ ଟିମ୍‌ ଯୁଗ୍ମ ନିର୍ଦ୍ଦେଶକ ବସନ୍ତ କୁମାର ପ୍ରଧାନଙ୍କ ନେତୃତ୍ୱରେ ଆସି ପ୍ରଭାବିତ ଗ୍ରାମ ଏବଂ ଟିକିରି ଡାକ୍ତରଖାନାକୁ ଯାଇ ଅନୁଧ୍ୟାନ କରିଛନ୍ତି। କୋରାପୁଟରୁ ଆସିଥିବା ସ୍ବାସ୍ଥ୍ୟ ଟିମ୍‌ ଏବଂ ବି.ବି.ପାଲଙ୍କ ନେତୃତ୍ୱରେ ଆର୍‌ଏମ୍‌ଆର୍‌ସି ରିସର୍ଚ୍ଚ ଟିମ୍‌ ପୁଣି ଜଳ ନମୁନା ସଂଗ୍ରହ କରିଛନ୍ତି। ସେହିପରି ପୂର୍ବରୁ ପରୀକ୍ଷା ପାଇଁ ନିଆଯାଇଥିବା ଜଳ ଏବଂ ମଳ ନମୁନାର ରିପୋର୍ଟ ଆସି ପହଞ୍ଚିଛି। ଦୂଷିତ ପାଣି ବୋଲି ରିପୋର୍ଟରୁ ଜଣାପଡ଼ିଛି। ଏ ନେଇ ଦାୟିତ୍ୱରେ ଥିବା ମେଡିକାଲ ଅଫିସର ଡା. ଭି.ଏଲ୍‌.ଏନ୍‌. ରାଜୁଙ୍କୁ ପଚାରିବାରୁ ସେ କହିଛନ୍ତି, ସମୟ ପୂର୍ବରୁ ରିପୋର୍ଟ ବିଷୟରେ କହିହେବ ନାହିଁ। ତେବେ ସିଡିଏମ୍‌ଓ ଡା. ଲାଲମୋହନ ରାଉତରାୟଙ୍କୁ ରିପୋର୍ଟ ବିଷୟରେ ପଚାରିବାରୁ ଜଳ ଦୂଷିତ ବୋଲି ରିପୋର୍ଟରୁ ସ୍ପଷ୍ଟ ହୋଇଥିବା କହିଛନ୍ତି। ମଳ ରିପୋର୍ଟ ଆହୁରି ଆସି ନ ଥିବା ସେ କହିଛନ୍ତି। ଅନ୍ୟପକ୍ଷରେ ଝାଡ଼ାବାନ୍ତି ବ୍ୟାପିଥିବା ଅଞ୍ଚଳରେ ସ୍ବାସ୍ଥ୍ୟ ବିଭାଗ ଟିମ୍‌ ଲୋକଙ୍କୁ ସଚେତନ କରିବା ସହ ଆକ୍ରାନ୍ତଙ୍କ ସଂଖ୍ୟା ଯେପରି ନ ବଢ଼ିବ ସେଥିପ୍ରତି ଦୃଷ୍ଟି ଦିଆଯାଉଛି ବୋଲି ସିଡିଏମ୍‌ଓ କହିଛନ୍ତି। ସେହିପରି ରବିବାର କାଶୀପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରୁ ୩୦ ଆକ୍ରାନ୍ତଙ୍କୁ ଉଷାପଡ଼ା ହସ୍ପିଟାଲକୁ ସ୍ଥାନାନ୍ତର କରାଯାଇଛି। ଆରଏମ୍‌ଆର୍‌ସି ରିସର୍ଚ୍ଚ ଟିମ୍‌ ଡୁଡୁକାବାହାଲ ଗ୍ରାମରୁ ପୁଣି କୂଅ ପାଣିର ନମୁନା ସଂଗ୍ରହ କରି ନେଇଥିବା ସୂଚନା ମିଳିଛି। ଡୁଡୁକାବାହାଲ ଗ୍ରାମରେ ଏହାମଧ୍ୟରେ ଆଉ ୫ରୁ ଊର୍ଦ୍ଧ୍ୱ ଲୋକ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ଗାଁରେ ପାନୀୟ ଜଳର ଅନ୍ୟ ଉତ୍ସ ନ ଥିବାରୁ କୂଅପାଣି ଉପରେ ଭରସା କରିବାକୁ ବାଧ୍ୟ ହେଉଥିବା ଗ୍ରାମବାସୀ କହିଛନ୍ତି। ରାଜ୍ୟସ୍ତରୀୟ ସ୍ବାସ୍ଥ୍ୟ ଟିମ୍‌ ଆକ୍ରାନ୍ତଙ୍କ ବିଷୟରେ ବୁଝିବା ସହ ସ୍ବାସ୍ଥ୍ୟାବସ୍ଥା ସ୍ଥିର ଥିବା କହିଛନ୍ତି। ଅପରପକ୍ଷେ ରାୟଗଡ଼ା ବିଧାୟକ ମକରନ୍ଦ ମୁଦୁଲି, ଜିଲା ପରିଷଦ ଅଧ୍ୟକ୍ଷା ସରସ୍ବତୀ ମାଝି, ବିଡିଓ ଦେବାଶିଷ କର ଟିକିରି, ଡୁଡୁକାବାହାଲ, ଶଙ୍କରଡ଼ା, କୁଚେଇପଦର, ଥୁଆପଡ଼ା ସେବାଶ୍ରମକୁ ଯାଇ ଲୋକଙ୍କ ସ୍ବାସ୍ଥ୍ୟାବସ୍ଥା ବୁଝିଛନ୍ତି। ବିଶୁଦ୍ଧ ପାନୀୟ ଜଳ ଯୋଗାଣ ନିମନ୍ତେ ବିଧାୟକ ବିଡିଓଙ୍କୁ ନିର୍ଦ୍ଦେଶ ଦେଇଛନ୍ତି। ଗାଁରେ ଥିବା ନଳକୂପ ଚାରିପଟେ ଘୋଡ଼ାଇବା ସୁବିଧା ନ ଥିବାରୁ ବର୍ଷାଜଳ ଏବଂ ଅନ୍ୟ ଆବର୍ଜନା ପାଣି ମିଶି କୂଅପାଣି ଦୂଷିତ ହେଉଛି। ଏହାକୁ ବ୍ୟବହାର କରି ଲୋକେ ଝାଡ଼ାବାନ୍ତିରେ ଆକ୍ରାନ୍ତ ହେଉଥିବା ସ୍ବାସ୍ଥ୍ୟ ବିଭାଗର ପ୍ରାଥମିକ ତଦନ୍ତରୁ ଜଣାପଡ଼ିଛି। ତେଣୁ ଶୀଘ୍ର ଅଚଳ ପଡ଼ିଥିବା ସୋଲାର ପମ୍ପ କାର୍ଯ୍ୟକ୍ଷମ କରିବାକୁ ବିଧାୟକ ବିଡିଓଙ୍କୁ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଳମ୍ବରେ ଉଠୁଛନ୍ତି କି? ହୋଇପାରେ ଏହି ବଡ଼ ସମସ୍ୟା

ଠିକ୍‌ ସମୟରେ ଖାଇବା ଏବଂ ଶୋଇବା ଆମକୁ ଅନେକାଂଶରେ ସୁସ୍ଥ ରଖିଥାଏ। ହେଲେ କେତେକ ବ୍ୟକ୍ତି ବିଳମ୍ବରେ ଖାଦ୍ୟ ଖାଇବା ଏବଂ ଶୋଇବାକୁ ଅଭ୍ୟାସରେ ପରିଣତ କରିଦେଇଥାଆନ୍ତି।…

ମୃତ୍ୟୁ ପୂର୍ବରୁ ନିଜ ଶ୍ରାଦ୍ଧ କରାଇଲେ ୮୦ ବର୍ଷୀୟ ବୃଦ୍ଧ; ୯୦୦ ଲୋକଙ୍କୁ ଦେଲେ ଭୋଜି, ଅଞ୍ଚଳରେ ଚର୍ଚ୍ଚା

ଲକ୍ଷ୍ନୌ,୧୬।୧୧: ସାଧାରଣତଃ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ଶ୍ରାଦ୍ଧ ଭୋଜିର ଆୟୋଜନ କରାଯାଏ । କିନ୍ତୁ ଉତ୍ତରପ୍ରଦେଶର ବାଗପତ ଜିଲା ଜୋହଡ଼ି ଗାଁରେ ଏକ ନିଆରା ଘଟଣା…

ବିବାହ ପାଇଁ କୋର୍ଟ କିମ୍ବା ପୁରୋହିତଙ୍କ ନିକଟକୁ ଯିବାର ଆବଶ୍ୟକତା ନାହିଁ! Self-Respect Wedding)କ’ଣ? ଯାହା ଏବେ ଟ୍ରେଣ୍ଡ କରୁଛି?

ନୂଆଦିଲ୍ଲୀ,୧୬।୧୧: ଆଜିକାଲିର ଆଧୁନିକ ଯୁଗରେ, ବିବାହ କେବଳ ପାରମ୍ପରିକ ‘ସାତ ଫେରା’ କିମ୍ବା ରୀତିନୀତି ମଧ୍ୟରେ ସୀମିତ ହୋଇ ରହିନାହିଁ; ବିବାହ କରିବାର ଧାରାରେ ପରିବର୍ତ୍ତନ ଆସୁଛି।…

ଶୋଇଥିବା ବେଳେ ଘର ଉପରକୁ ମାଡ଼ିଗଲା କାର୍, ଡ୍ରାଇଭର ଫେରାର

ମୋହନା,୧୬।୧୧(ମନ୍ମଥ ମିଶ୍ର): ଗଜପତି ଜିଲା ମୋହନା ଥାନା ପିଣ୍ଡିକି ଗାଁର ୩୨୬ ଏ ଜାତୀୟ ରାଜପଥର ରାସ୍ତା କଡରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି ।…

ଗୋଟିଏ ମ୍ୟାଚରେ ବିହାରର ଅଧିନାୟକତ୍ୱ କରିବା ପରେ, କୁଆଡ଼େ ଗଲେ ବୈଭବ ସୂର୍ଯ୍ୟବଂଶୀ? ସେ ନିଜ ଦଳକୁ କାହିଁକି ଛାଡ଼ିଦେଲେ? ଜାଣନ୍ତୁ…

ନୂଆଦିଲ୍ଲୀ,୧୬।୧୧: ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀ ବର୍ତ୍ତମାନ ଦେଶ ତଥା ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛନ୍ତି। ପ୍ରଶଂସକମାନେ ତାଙ୍କ କ୍ରିକେଟ ଯାତ୍ରା ଉପରେ ତୀକ୍ଷ୍ଣ ନଜର…

ଓଡ଼ିଶାରେ ୧୮,୪୫୧ ଦିବ୍ୟାଙ୍ଗ ଶିଶୁ: କୋରାପୁଟ ଜିଲାରେ ସର୍ବାଧିକ

ଭୁବନେଶ୍ୱର,୧୬ା୧୧(ସୁଚିସ୍ମିତା ସାହୁ): ରାଜ୍ୟରେ ଶୂନରୁ ୬ ବର୍ଷ ବୟସ ମଧ୍ୟରେ ୧୮ ହଜାର ୪୫୧ ଜଣ ଦିବ୍ୟାଙ୍ଗ ଶିଶୁ ରହିଛନ୍ତି। ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ…

ଡିସେମ୍ବର ପ୍ରଥମ ସପ୍ତାହରୁ ପାର୍ଲାମେଣ୍ଟ ଶୀତ ଅଧିବେଶନ

ନୂଆଦିଲ୍ଲୀ,୧୬ା୧୧(ପି.ଟି.): ପାର୍ଲାମେଣ୍ଟର ଶୀତ ଅଧିବେଶନ ଡିସେମ୍ବର ପ୍ରଥମ ସପ୍ତାହରୁ ଆରମ୍ଭ ହୋଇପାରେ। ଭୋଟର ତାଲିକାର ସ୍ବତନ୍ତ୍ର ସଘନ ସଂଶୋଧନ (ଏସ୍‌ଆଇଆର୍‌)କୁ ନେଇ ବୃଦ୍ଧି ପାଉଥିବା ଏକ ସଂଘର୍ଷପୂର୍ଣ୍ଣ…

ସମ୍ପର୍କ ଭାଙ୍ଗିବାରୁ ପ୍ରେମିକାଙ୍କ ୨ କୁକୁରଙ୍କୁ ହତ୍ୟା

କୋଲକାତା, ୧୬ା୧୧: ଦକ୍ଷିଣ କୋଲକାତାର ବିକ୍ରମଗଡ଼ ଅଞ୍ଚଳରେ ଏକ ଲୋମହର୍ଷକ କାଣ୍ଡ ଘଟିଛି। ଜଣେ ଯୁବତୀ ସମ୍ପର୍କ ଭାଙ୍ଗି ଅଲଗା ହୋଇଯିବାରୁ ତାଙ୍କର ପ୍ରେମିକ (ଲିଭ୍‌-ଇନ୍‌ ପାର୍ଟନର)…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?