ଭୁବନେଶ୍ୱର,୧୦।୯(ଅଭୟ ଦାଶ): ଦେଶର ପ୍ରମୁଖ ଅଟୋମୋବାଇଲ୍ସ କମ୍ପାନୀ ରେନଲ୍ଟ (ରେନୋ) ଇଣ୍ଡିଆର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିିତ ଅଲ୍ ନ୍ୟୁ କାଇଗର (ଅର୍ବାନ ନାଇଟ ଲିମିଟେଡ ଏଡିଶନ)ର ସର୍ବଭାରତୟ ଉନ୍ମୋଚନ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ସ୍ବୀକୃତିପ୍ରାପ୍ତ ଡିଲର ସୁପର ସେଲ୍ସ ରେନଲ୍ଟ ଭୁବନେଶ୍ୱର ନର୍ଥ (ସୁପର ସେଲ୍ସ ଅଟୋମୋବାଇଲ୍ସ ପ୍ରାଇଭେଟ ଲିମିଟେଡ)ର ପାହାଳ ଭୁବନେଶ୍ୱର ପକ୍ଷରୁ ଶନିବାର ଏକ ସ୍ବତନ୍ତ୍ର ଅନାବରଣ ଉତ୍ସବର ଆୟୋଜନ କରାଯାଇଥିଲା। ଉକ୍ତ ଉତ୍ସବରେ ଭାରତୀୟ ଷ୍ଟେଟ ବ୍ୟାଙ୍କର ଆର.ଏମ., କଟକ ସୁବାସ ଚନ୍ଦ୍ର ବେହେରା ସମ୍ମାନିତ ଅତିଥି ଭାବେ ଯୋଗଦେଇ ଏହାର ଅନାବରଣ ସହ ବଜାର ପ୍ରବେଶ କରାଇଥିଲେ। ଅନ୍ୟମାନଙ୍କ ମଧ୍ୟରେ ସୁପର ସେଲ୍ସ ଅଟୋମୋବାଇଲ୍ସ ପ୍ରାଇଭେଟ ଲିମିଟେଡ୍ର ନିର୍ଦ୍ଦେଶକ ଆଦର୍ଶ ଧାଓ୍ବନ, ଜିଏମ୍ ବିଭୂତି ଭୂୟାଁଙ୍କ ସମେତ ଶୋ’ରୁମ୍ର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ। ବିଶେଷ କରି ରେନୋର ଉକ୍ତ ମଡେଲରେ ଅନେକଗୁଡ଼ିଏ ଆଧୁନିକ ବୈଶିଷ୍ଟ୍ୟ ସାଙ୍ଗକୁ କେତେକ ଅତ୍ୟାଧୁନିକ ସୁବିଧା ଓ ଫିଚରକୁ ନୂତନ ଭାବେ ସାମିଲ କରାଇଛି। ଏପରି କି ୩ଟି ଭାରିଆଣ୍ଟ ଆର୍ଏକ୍ସଜେଡ୍ ପେଟ୍ରୋଲ ଏମ୍ଟି୧.୦ ଏଲ ଇସିଇବିଏସ୬.୨ଏଲଇ, ଆରଏକ୍ସଜେଡ୍ ପେଟ୍ରୋଲ ଏମଟି୧.୦ ଏଲ ଟ୍ୟୁବ୍ରୋ ବିଏସ୬.୨ଏଲଇ, ଆର୍ଏକ୍ସଜେଡ୍ ପେଟ୍ରୋଲ ଏକ୍ସ -ଟ୍ରୋନିକ ୧.୦ ଏଲ ଟ୍ୟୁବ୍ରୋ ବିଏସ୬.୨ଏଲଇରେ ଅଲ ନ୍ୟୁ କାଇଗର ଆକର୍ଷଣୀୟ ବ୍ଲାକ କଲରରେ ଉପଲବ୍ଧ। ଉଲ୍ଲେଖଯୋଗ୍ୟ, ଅଲ୍ ନ୍ୟୁ କାଇଗର (ଅର୍ବାନ ନାଇଟ ଲିମିଟେଡ ଏଡିଶନ)ର ବଜାର ମୂଲ୍ୟ (ଏକ୍ସ ଶୋ’ରୁମ ମୂଲ୍ୟ) ଯଥାକ୍ରମେ ୮,୯୪,୯୮୯ ଟଙ୍କା, ୧୦,୧୪,୯୮୯ ଟଙ୍କା ଏବଂ ୧୧,୧୪,୮୯୮ ଟଙ୍କା ରହିଛି।
