ଗଞ୍ଜାମ,୫।୬(ବିଦ୍ୟାଧର ସାହୁ): ଗଞ୍ଜାମ ଏନଏସିର ୱାର୍ଡ ନମ୍ବର ୫ର ମୁଖ୍ୟ ରାସ୍ତାର ଅବସ୍ଥା ଶୋଚନୀୟ ହୋଇପଡ଼ିଛି। ରାସ୍ତାର ଅବସ୍ଥା ଏତେ ଖରାପ ଯେ, ସାଇକେଲ, ବାଇକ ହେଉ କିମ୍ବା ଚାରି ଚକିଆ ଯାନ ଟିକେ ବି ଏପଟ ସେପଟ ହେଲେ ଦୁର୍ଘଟଣା ସୁନିଶ୍ଚିତ। କିଛିଦିନ ହେବ ଗଞ୍ଜାମ ଏନଏସିର ମୁଖ୍ୟ ରାସ୍ତା କୁହାଯାଉଥିବା ଦାମଦରପୁର ଛକଠାରୁ ସାନବଜାର, ବଡବଜ଼ାର ଏବଂ ଜୟଶ୍ରୀ ଛକ. ପୋଲିସ ଷ୍ଟେଶନ ଯାଏ ଆଲୋକର ବ୍ୟବସ୍ଥା କରାଯାଉଥିବା ଦେଖିବାକୁ ମିଳୁଛି। ହେଲେ ଏଠି ଲାଇଟ ଲଗାଇବା ପାଇଁ ଠିକା ନେଇଥିବା ଠିକାଦାରଙ୍କ ମନମାନୀ ଦେଖିବାକୁ ମିଳୁଛି। ମାସେରୁ ଅଧିକ ହେବ ଚାରିପଟେ ରାସ୍ତାକୁ ଖୋଳାଯାଉଛି l କିନ୍ତୁ କାମ ସରିଗଲା ପରେ ଖୋଳା ଯାଇଥିବା ଡିଭାଇସନକୁ ମରାମତି କରାଯାଉନାହିଁ। ଯାହା ଫଳରେ ଛୋଟ ଛୋଟ ପିଲାମାନେ ବଜାରକୁ ସାଇକେଲରେ ଆସୁଥିବା ସମୟରେ ଟାୟାରକୁ ମେଟଲ ବାଜିକି ତଳେ ଛିଟିକି ପଡୁଛନ୍ତି। ସେଇଭଳି କିଛି ବାଇକ ବି ସ୍ଲିପ ହୋଇ ପଡୁଥିବା ଦୃଶ୍ୟ ନଜରକୁ ଆସିଛି। ହେଲେ ଠିକାଦାରଙ୍କ ମନମାନୀ ପାଇଁ ଏହି ସବୁ କାମ କେବେ ସରିବ ବୋଲି ସାଧାରଣରେ ଚର୍ଚ୍ଚା ହୋଉଛି। ଏଥିପ୍ରତି ଏନଏସି ପ୍ରଶାସନ ଦୃଷ୍ଟି ଦେବାପାଇଁ ଦାବି କରିଛନ୍ତି l
Dharitri – Odisha’s No.1 Odia Daily
