ଶାରଜା,୩।୧୦: ଆଇପିଏଲ ୨୦୨୧ର ୪୮ତମ ମ୍ୟାଚ ଶାରଜା କ୍ରିକେଟ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ପଞ୍ଜାବ କିଙ୍ଗ୍ସ ଧ୍ୟରେ ଖେଳାଯାଉଛି। ବେଙ୍ଗାଲୁରୁ ଅଧିନାୟକ ବିରାଟ କୋହଲି ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି। ପଞ୍ଜାବ କିଙ୍ଗସ ପ୍ରଥମେ ବୋଲିଂ କରିବ। ବିରାଟ କୋହଲି ତାଙ୍କ ଦଳରେ କୌଣସି ପରିବର୍ତ୍ତନ କରିନାହାଁନ୍ତି। ପଞ୍ଜାବ କିଙ୍ଗ୍ସ ସେମାନଙ୍କ ଦଳରେ ତିନୋଟି ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିଛି। ଏହି ମ୍ୟାଚ୍ ପଞ୍ଜାବ ପାଇଁ ‘କର ବା ମର’ ସ୍ଥିତି ହୋଇଛି। ପ୍ଲେ ଅଫ୍ରେ ପହଞ୍ଚିବା ପାଇଁ ଦଳକୁ ଏହି ମ୍ୟାଚ୍ ଜିତିବାକୁ ପଡିବ।
ପ୍ରଥମ ଆଇପିଏଲ ଟାଇଟଲ ସନ୍ଧାନରେ ଥିବା ଆରସିବି, ସାତୋଟି ବିଜୟ ଏବଂ ଚାରିଟି ପରାଜୟ ସହିତ ୧୧ଟି ମ୍ୟାଚରୁ ୧୪ପଏଣ୍ଟ ସହ ତୃତୀୟ ସ୍ଥାନରେ ଅଛି । ଆଉ ଦୁଇଟି ପଏଣ୍ଟ ସହିତ, ଆରସିବି ପ୍ଲେ ଅଫରେ ସ୍ଥାନ ନିଶ୍ଚିତ କରିବ। ସେହିପରି ପଞ୍ଜାବ କିଙ୍ଗସ ୧୨ଟି ମ୍ୟାଚରୁ ପାଞ୍ଚଟି ବିଜୟ ସହ ପଏଣ୍ଟ ସହ ଦଳ ପଞ୍ଚମ ସ୍ଥାନରେ ରହିଛି। ସାତୋଟି ମ୍ୟାଚରେ ଦଳ ପରାଜୟର ସମ୍ମୁଖୀନ ହୋଇଛି।
