ଲୋକପ୍ରିୟ ଟିଭି ଶୋ’ କୌନ୍ ବନେଗା କରୋଡପତିରେ ଭାଗ ନେଇ କୋଟି କୋଟି ଟଙ୍କା ଜିତୁଥବା ପ୍ରତିଯୋଗୀ ପରବର୍ତ୍ତୀ ସମୟରେ ବେଶ୍ ଚର୍ଚ୍ଚାରେ ରୁହନ୍ତି। ସେମିତି ଜଣେ ପ୍ରତିଯୋଗୀ ହେଉଛନ୍ତି ଆଇପିଏସ ରବି ମୋହନ ସଇନି ୨୦୦୧ରେ କେବିସି ଜୁନିୟରର ଏକ ସ୍ବତନ୍ତ୍ର ସଂସ୍କରଣରେ ରବି ଏକ କୋଟି ଟଙ୍କା ପୁରସ୍କାର ରାଶି ଜିତିଥିଲେ। ସେତେବେଳେ ତାଙ୍କୁ ମାତ୍ର ୧୪ବର୍ଷ ହୋଇଥିଲା। ରବି ମୋହନ ସାଇନି ୨୦୧୪ରେ ୟୁପିଏସ୍ସି ପରୀକ୍ଷାରେ ଉତ୍ତୀର୍ଣ୍ଣ ହୋଇ ଗୁଜୁରାଟ କ୍ୟାଡରର ଆଇପିଏସ ଅଧିକାରୀ ହୋଇଥିଲେ।
ରବି ମୋହନ ସଇନିଙ୍କୁ ଏବେ ୩୩ବର୍ଷ। ସେ ଗୁଜରାଟର ପୋରବନ୍ଦରରେ ଏସପି ପଦରେ ଯୋଗ ଦେଇଥିଲେ। ଏହାପୂର୍ବରୁ ରବିଙ୍କୁ ରାଜକୋଟ ସିଟିରେ ଡିସିପି ଭାବରେ ନିଯୁକ୍ତ କରାଯାଇଥିଲା। ରବି ମୂଳତଃ ଅଲୱାର ବାସିନ୍ଦା। ତାଙ୍କ ପିତା ନୌସେନାରେ ଥିଲେ। ରବି ବିଶାଖାପାଟନମର ନାଭାଲ ପବ୍ଲିକ ସ୍କୁଲରୁ ପାଠ ପଢିଥିଲେ। ଏକ ସାକ୍ଷାତକାରରେ ସେ କହିଥିଲେ ଯେ, ସେ ମହାତ୍ମା ଗାନ୍ଧୀ ମେଡିକାଲ କଲେଜ ଜୟପୁରରୁ ଏମବିବିଏସ କରିଛନ୍ତି। ଏମ୍ବିବିଏସ୍ ପରେ ସେ ଇଣ୍ଟର୍ନସିପ ସମୟରେ ସିଭିଲ ସର୍ଭିସ ପାଇଁ ମନୋନୀତ ହୋଇଥିଲେ। ତାଙ୍କ ପିତା ନୌସେନାରେ ଥିଲେ, ତେଣୁ ତାଙ୍କ ଦ୍ୱାରା ପ୍ରଭାବିତ ହୋଇ ଆଇପିଏସ ବାଛିଥିଲେ। ୨୦୧୪ରେ ସଇନିଙ୍କୁ ଚୟନ କରାଯାଇଥିଲା। ୟରବି ମୋହନ କେବିସିରେ ଏକ କୋଟି ଜିତିଥିଲେ। କିନ୍ତୁ ତାଙ୍କୁ ସମ୍ପୂର୍ଣ୍ଣ ରାଶି ଦିଆଯାଇ ନ ଥିଲା। କାରଣ କେବିସି ନିୟମ ଅନୁଯାୟୀ ୧୮ ବର୍ଷ ବୟସ ପରେ ତାଙ୍କୁ ପୁରସ୍କାର ରାଶି ଦିଆଯାଇଥିଲା। ସେତେବେଳେ ସେ ଦଶମ ଶ୍ରେଣୀରେ ପଢୁଥିଲେ।
