ମୁମ୍ବାଇ,୧୭।୯: ଦେଶର ପ୍ରମୁଖ ଅନୁଷ୍ଠାନ ପତଞ୍ଜଳି ଆଗାମୀ ୪୦ ବର୍ଷ ଲାଗି ଯୋଜାନା ପ୍ରସ୍ତୁତ କରିଛନ୍ତି। ସେହିପରି ଯୋଗଗୁରୁ ରାମଦେବ ପତଞ୍ଜଳି ଗ୍ରୁପ୍ର ୪କମ୍ପାନୀଙ୍କ ଆଇପିଓ ଆଣିବେ ବୋଲି ଶୁକ୍ରବାର ଘୋଷଣା କରିଛନ୍ତି। ଏହାଛଡା ୨୦୨୭ ପାଇଁ ପତଞ୍ଜଳି ବ୍ୟାପକ ଯୋଜନା ସହ ୫ ବର୍ଷରେ ୫ ବୃହତ୍ ଗୋଲ ମଧ୍ୟ ପୂରଣ କରିବ ବୋଲି ବାବା ରାମଦେବ ମତବ୍ୟକ୍ତ କରିଛନ୍ତି। ସେ ପୂର୍ବରୁ ଲିଷ୍ଟେଡ କମ୍ପାନୀ ପତଞ୍ଜଳି ଫୁଡସ୍ ଲିମିଟେଡ୍ ନେଇ ତାଙ୍କର ଆଗାମୀ ଯୋଜନାର ସୂଚନା ମଧ୍ୟ ଦେଇଛନ୍ତି। ବିଶେଷକରି ପାମ୍ ଅଏଲ ମାମଲାରେ କମ୍ପାନୀକୁ ଆତ୍ମନିର୍ଭର କରିବା ପାଇଁ ପତଞ୍ଜଳି ସମୂହ ୧୫ ଲକ୍ଷ ଏକରରୁ ଅଧିକ ଜମିରେ ପାମ୍ ଗଛ ଲଗାଇବ ବୋଲି ବାବା ରାମଦେବ ଘୋଷଣା କରିଛନ୍ତି। ଏହି ବୃକ୍ଷ ୧୧ ରାଜ୍ୟଙ୍କ ୫୫ ଜିଲାରେ ଲଗାଯିବା ସହ ପତଞ୍ଜଳିର ଦାବି କୌଣସି ଘରୋଇ କମ୍ପାନୀର ଭାରତରେ ଏହା ସବୁଠୁ ବଡ଼ ପାମ୍ ଚାଷ ହେବ। ଏଥିରୁ ୫ରୁ ୭ ବର୍ଷରେ ବାର୍ଷିକ ୨ ହାଜର କୋଟି ଟଙ୍କାର ରିଟର୍ନ ମିଳିବ ବୋଲି ରାମଦେବ ଲକ୍ଷ୍ୟ ଧାର୍ଯ୍ୟ କରିଛନ୍ତି। ସେହିଭଳି ଥରେ ପାମ୍ ଗଛ ଲଗାଗଲେ ୪୦ ବର୍ଷ ପର୍ଯ୍ୟନ୍ତ ଆୟ ହେବ ବୋଲି ରାମଦେବ କହିଛନ୍ତି। ବୟାନରେ କମ୍ପାନୀ କହିଛି , ପାମ୍ ଅଏଲ ଭଳି ଖାଦ୍ୟ ତୈଳରେ କେବଳ କମ୍ପାନୀ ନୁହେଁ ଭାରତ ମଧ୍ୟ ଆତ୍ମନିର୍ଭର ହୋଇପାରିବ। ପାମୋଲିନ ଆମଦାନୀ ଲାଗି ବୈଦେଶିକ ମୁଦ୍ରାଭଣ୍ଡାରରୁ ହେଉଥିବା ୩ ଲକ୍ଷ କୋଟି ଟଙ୍କାର ବ୍ୟୟ ଅଟକିଯିବ। ଫଳରେ ଟଙ୍କାର ମୂଲ୍ୟ ମଧ୍ୟ ବଢ଼ିବ। ଉଲ୍ଲେଖଯୋଗ୍ୟ,ଦେଶର ଖାଉଟି ବଜାରରେ ଖାଦ୍ୟ ତୈଳର ଦୁଇ କମ୍ପାନୀ ଆଦାନୀ ୱିଲମର ଓ ରାମଦେବଙ୍କ ପତଞ୍ଜଳି ଫୁଡସ୍ ମଧ୍ୟରେ ମୁହଁ।ମୁହିଁ ମୁକାବିଲା ହେଉଛି। କେମିତି ବି କେଉଁ ରାସ୍ତାରେ ଏହି ଦୁଇ କମ୍ପାନୀ ଲୋକଙ୍କ ରୋଷେଇଶାଳରେ ପହଞ୍ଚି ଯାଉଛନ୍ତି। ଉଭୟ କମ୍ପାନୀ ମଧ୍ୟ ଶେୟାର ମାର୍କେଟରେ ପଞ୍ଜୀକୃତ ହୋଇଛନ୍ତି।
