ମୁମ୍ବାଇ: ବ୍ୟାକ ଟୁ ବ୍ୟାକ ୨ଟି ଫ୍ଲପ ଫିଲ୍ମ ଭେଟି ଦେଇଥିବା ଅକ୍ଷୟ କୁମାର ଏବେ ଆମିର ଖାଁଙ୍କୁ ଟକ୍କର ଦେବାକୁ ଆସୁଛନ୍ତି । ନିକଟରେ ଖିଲାଡି ବୟ ଅକ୍ଷୟ କୁମାରଙ୍କ ଫିଲ୍ମ ‘ପୃଥ୍ୱିରାଜ’ ରିଲିଜ ହୋଇଥିଲେ ବି ଏହା ଦର୍ଶକଙ୍କୁ ଏତେଟା ପସନ୍ଦ ଆସିନାହିଁ । ଏବେ ଆମିର ଖାଁଙ୍କ ଅଭିନୀତ ଫିଲ୍ମ ‘ଲାଲ ସିଂ ଚଢା’ ରିଲିଜ ଅପେକ୍ଷାରେ ଥିବା ବେଳେ ଅକ୍ଷୟ ତାଙ୍କ ଅଗାମୀ ଫିଲ୍ମ ‘ରକ୍ଷା ବନ୍ଧନ’ର ରିଲିଜ ଡେଟ ଶେୟାର କରିଛନ୍ତି ।
ଅକ୍ଷୟ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ପୋଷ୍ଟ ଶେୟାର କରିଛନ୍ତି ଯାହା ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏଥିରେ ସେ ‘ରକ୍ଷା ବନ୍ଧନ’ର ରିଲିଜ ଡେଟ ସମ୍ପର୍କରେ ସୂଚନା ଦେଇଛନ୍ତି । ତେବେ ୧୧ ଅଗଷ୍ଟ ୨୦୨୨ରେ ‘ରକ୍ଷା ବନ୍ଧନ’ ସିନେମା ହଲରେ ରିଲିଜ ହେବ ବୋଲି ଅକ୍ଷୟ କହିଛନ୍ତି ।
ଆନନ୍ଦ ଏଲ ରୟଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅକ୍ଷୟଙ୍କ ସହ ଭୂମି ପେଡନେକରଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଅକ୍ଷୟ ଫିଲ୍ମର ରିଲିଜ ଡେଟ ଘୋଷଣା କରିବା ପରେ ଏବେ ପ୍ରଶଂସକ ଏହାକୁ ବଡ ଉତ୍ସୁକତାର ସହ ଅପେକ୍ଷା ରଖିଛନ୍ତି ।
Bringing you all a story of the purest form of bond that will remind you of yours! ❤️#RakshaBandhan releasing in cinemas on 11th August, 2022.#ReturnToFeelings#RakshaBandhan11August pic.twitter.com/nDVOgVz5vJ
— Akshay Kumar (@akshaykumar) June 16, 2022
