କେସିଙ୍ଗା,୨୩।୩(ଡି.ଏନ୍.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକ ଉପାଧ୍ୟକ୍ଷ ନିର୍ବାଚନ ବୁଧବାର ଶେଷ ହୋଇଛି। ଏଥିରେ ଦେଓଗାଁ ଗ୍ରାମ ପଞ୍ଚାୟତର ସମିତି ସଭ୍ୟା ରାଜଲକ୍ଷ୍ମୀ ପଟ୍ଟନାୟକ ଓ ପାଷ୍ଟିକୁଡି ଗ୍ରାମ ପଞ୍ଚାୟତର ସମିତି ସଭ୍ୟା ସୀତା ଚୌଧୁରୀଙ୍କ ମଧ୍ୟରେ ପ୍ରତିନ୍ଦ୍ୱନ୍ଦ୍ୱିତା ହୋଇଥିଲା। ରାଜଲକ୍ଷ୍ମୀ ୧୬ ଖଣ୍ଡ ଭୋଟ ପାଇ ବିଜୟୀ ହୋଇଥିବାବେଳେ ସୀତା ୧୦ ଖଣ୍ଡ ଭୋଟ ପାଇଥିବା କରଳାମୁଣ୍ଡା ବିଡିଓ ତଥା କେସିଙ୍ଗା ଇଲେକ୍ସନ ଅଫିସର ପ୍ରିୟ ଦର୍ଶନୀ ମିର୍ଦ୍ଦା ସୂଚନା ଦେଇଛନ୍ତି। ଏହି ନିର୍ବାଚନ କାର୍ଯ୍ୟକୁ ଶାନ୍ତିଶୃଙ୍ଖଳା ସହ କରିବାକୁ ହେଲେ କେସିଙ୍ଗା ପୋଲିସ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।
