ଭଞ୍ଜନଗର,୮।୬(ବାବୁଲା ପ୍ରଧାନ):ଗଞ୍ଜାମ ଜିଲା ଭଞ୍ଜନଗର ବ୍ଲକ ଯୋଗୀମାରୀ ଠାରେ ରଜକ ସମାଜ ଉପରଅଣଗିରୀ ମୁଠାର ବାର୍ଷିକ ବୈଠକ ଓ ନୂତନ କର୍ମକର୍ତ୍ତା ଚୟନ ସୋମବାର ଅନୁଷ୍ଠିତ ହୋଇଯାଇଛି। ଘୁମୁସର ତାଲୁକା ରଜକ ସମାଜ କାଯ୍ୟକର୍ତ୍ତା ନିଳାଞ୍ଚଳ ସେଠୀ, ରାମଚନ୍ଦ୍ର ସେଠୀ ଏଥିରେ ଅତିଥି ଭାବେ ଯୋଗଦେଇ ସମାଜର ବିଭିନ୍ନ ସମସ୍ୟା ଓ ତାହାର ସମାଧାନ, ଜାତି ଓ ଅଞ୍ଚଳର ବିକାଶ ନିମନ୍ତେ ଏକତା ମନୋଭାବ ସହ ଭବିଷ୍ୟତର ପିଢ଼ିକୁ ଉତ୍ତମ ଶିକ୍ଷା ଦେବାକୁ ମତବ୍ୟକ୍ତ କରିଥିଲେ। ସମ୍ପାଦକ ପ୍ରବୀଣ ସେଠୀ ବାର୍ଷିକ ବିବରଣୀ ପଠନ କରିଥିଲେ।
ଏହି ଅବସରରେ ନୂତନ କର୍ମକର୍ତ୍ତା ଚୟନ ହୋଇଥିଲା। ସଭାପତି ଭାବେ ରାଧା ମୋହନ ସେଠୀ, ଉପସଭାପତି କୈଳାସ ଚନ୍ଦ୍ର ସେଠୀ, ସମ୍ପାଦକ କହ୍ନେଇ ଚରଣ ବେହେରା, କୋଷାଧ୍ୟକ୍ଷ ସୁଦର୍ଶନ ସେଠୀ,ସହ ସମ୍ପାଦକ ଭାବେ ପ୍ରବୀଣ ସେଠୀ ସର୍ବସମ୍ମତି କ୍ରମେ ମନୋନୀତ ହୋଇଥିଲେ। ବୈଠକରେ ଉପର ଅଣଗିରୀ ମୁଠାର ବିଭିନ୍ନ ଗ୍ରାମରୁ ଆସିଥିବା ଶତାଧିକ ରଜକ ଭାଇ ଆଲୋଚନାରେ ଭାଗ ନେଇଥିଲେ। ମିଟୁ ସେଠୀ, ସନ୍ତୋଷ ସେଠୀ, ରବି ନାରାୟଣ ସେଠୀ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିବାରେ ସହଯୋଗ କରିଥିଲେ।
Dharitri – Odisha’s No.1 Odia Daily
