ଜମିଲାଣି ରଜ ଉତ୍ସାହ

ପାଖେଇ ଆସୁଛି ରଜ। ପିଠାପଣାରେ ମହକିବ ଗାଁଠୁ ସହର। ଝିଅ, ବୋହୂମାନେ ନୂଆ ନୂଆ ପୋଷାକ ପିନ୍ଧି ହାତରେ ମେହେନ୍ଦି, ଗୋଡ଼ରେ ଅଳତା ଲଗାଇ ସଜେଇ ହେବେ। ବିଭିନ୍ନ ସ୍ଥାନରେ ଚାଲିବ ରଜ ମହୋତ୍ସବ। ସାଂସ୍କୃତିକ ସା ସହ ରଜ ପାନ, ପିଠାମିଠା ଖାଇ ପାଳନ କରିବେ ସଭିଏ। ଏଥିପାଇଁ ଏବେଠୁ ଉତ୍ସାହ ଦେଖିବାକୁ ମିଳୁଛି। ରାଜଧାନୀ ଭୁବନେଶ୍ୱର ସମେତ ସବୁଠି ଆରମ୍ଭ ହୋଇଯାଇଛି ଜୋରଦାର ପ୍ରସ୍ତୁତି। ୟୁନିଟ୍‌-୨ ମାର୍କେଟ ବିଲ୍ଡିଂଠୁ ନେଇ ବଡ଼ ବଡ଼ ଶପିଂ ମଲ୍‌ରେ ଭିଡ଼ ଲାଗି ରହିଛି। ମଲ୍‌ ସାମ୍ନାରେ ଦୋଳି ଲାଗିଛି। ସବୁବର୍ଷ ପରି ଏଥର ମଧ୍ୟ ଶପିଂ ମଲ୍‌ ପକ୍ଷରୁ ବିଭିନ୍ନ ପ୍ରତିଯୋଗିତାର ଆୟୋଜନ କରାଯାଇଛି। ସେପଟେ ଭଲ ବେପାର ପାଇଁ ସିନେମା ହଲ୍‌ ମାଲିକମାନେ ଆଶାବାନ୍ଧି ବସିଥିବାବେଳେ ଏଥର ପ୍ରେକ୍ଷାଳୟରେ ରାଜ୍‌ କରିବ ୩ ଓଡ଼ିଆ ସିନେମା। ସେହିପରି ହୋଟେଲ, କ୍ଲବ୍‌ ସମେତ ବିଭିନ୍ନ ବେସରକାରୀ ଅନୁଷ୍ଠାନ ପକ୍ଷରୁ ରଜ ମହୋତ୍ସବ ପାଳନ କରାଯିବ। ସାଂସ୍କୃତିକ ସାରେ ମନୋରଞ୍ଜନ କରିବେ କଳାକାର।

ଦୋଳିଖେଳ ପ୍ରତି ଆଗ୍ରହ କମୁଛି

ରଜ କହିଲେ ଦୋଳି ଖେଳକୁ ବୁଝାଏ। ମାତ୍ର ଏବେ ବୃକ୍ଷ ଯେଉଁଭଳି ଭାବେ କଟା ଯାଉଛି ଦୋଳି ଖେଳିବା ପାଇଁ ବଡ଼ ବଡ଼ ଗଛ ରହୁନାହିଁ। ସେ ଦୋଳିର ସ୍ଥାନ ଏବେ ପ୍ଲାଷ୍ଟିକ ଦୋଳି ନେଉଛି। କିଛି କିଛି ସ୍ଥାନରେ ପଟା ଦୋଳି ଲଗାଯାଇ ତାହାକୁ ଫୁଲ ଦ୍ୱାରା ଆକର୍ଷିତ ଢଙ୍ଗରେ ସଜାଯାଉଛି। ମାତ୍ର ସମୟ ବଦଳିବା ସହ ପୂର୍ବର ଦୋଳି ଖେଳର ମଜା ଆଉ ଆଗ ଭଳି ନାହିଁ। ସେହିଭଳି ଖାଳି ଦୋଳିରେ ବସି ଫଟୋ ପାଇଁ ଆଗଭର ହେଉଛନ୍ତି ଆଜିର ପିଢ଼ି। ଦୋଳିରେ ଟିକେ ବସିବା ପାଇଁ ହେଉଥିବା ଝଗଡ଼ାର ମଜା ବିଆ ଆଜି ଆଉ ନାହିଁ।

ସରୁନି ଶପିଂ, ବଢ଼ୁଛି ଭିଡ଼

ରଜ ପାଇଁ ଏବେ ଲୋକେ କିଣାକିଣିରେ ଲାଗି ପଡିଛନ୍ତି। ଏଥିପାଇଁ ବଜାରରେ ସକାଳୁ ରାତି ଯାଏ ଅସମ୍ଭାଳ ଭିଡ଼ ହେଉଛି। ଭିଡ଼ ଭିତରେ କିଣାକିଣି କରିବା କଷ୍ଟକର ହେଉଥିଲେ ମଧ୍ୟ ନିଆରା ଆନନ୍ଦ ମିଳୁଛି। ଏପରିକି ବହୁ ଲୋକ ମନ ପସନ୍ଦିଆ ପୋଷାକ ଓ ଅନ୍ୟାନ୍ୟ ସାମଗ୍ରୀ ପାଇଁ ବାରମ୍ବାର ବଜାରକୁ ଯାଉଥିବା ଦେଖିବାକୁ ମିଳୁଛି। ଦିନ ସରୁଥିଲେ ମଧ୍ୟ ଶପିଂ ସରୁନି। ମାର୍କେଟ ବିଲ୍ଡିଂଠୁ ନେଇ ଶପିଂ ମଲ୍‌ ପର୍ଯ୍ୟନ୍ତ ସବୁଠି ଭିଡ଼ ଜମୁଛି। ପ୍ରାୟ ସବୁଠି ରଜ ପାଇଁ ଭଲ ରିହାତି ରହିଛି।

ପ୍ରସ୍ତୁତ ହେଲେଣି ମିଠା, ପିଠା ଦୋକାନୀ
ପିଠା ଓଡ଼ିଆଙ୍କ ମନର ଆବେଗ। ପିଠାର ସ୍ବତନ୍ତ୍ରତା ନିଆରା। ରଜ ଆସିଲେ ପିଠା କଥା ମନକୁ ଆଗ ଆସେ। ଏଥିସହ ରଜରେ ମିଠାର ଚାହିଦା ମଧ୍ୟ ବଢ଼ିଯାଏ। ସେଥିପାଇଁ ରାଜଧାନୀ ରାସ୍ତାରେ ଛୋଟଠୁ ବଡ଼ ମିଠା ଓ ପିଠା ଦୋକାନୀ ଗ୍ରାହକଙ୍କୁ ଆକର୍ଷିତ କଲାଭଳି ରଜ ପିଠା ଓ ମିଠା ପ୍ରସ୍ତୁତି ପାଇଁ ଲାଗିପଡିଲେଣି। ଏପରିକି ରଜରେ ପିଠା ଖାଇବା ପାଇଁ ଆଗୁଆ ବରାଦ ଆସିଲାଣି ପିଠା ଦୋକାନୀଙ୍କୁ। ପୋଡ଼ପିଠା, କ୍ଷୀର ପୋଡ଼ପିଠା, କାକରା, ଛଣା ମଣ୍ଡା, ଚକୁଳି, ଚନ୍ଦ୍ରକାନ୍ତି, ମଣ୍ଡା, ଏଣ୍ଡୁରି ସହ ନୂଆ ଭେରାଇଟି ପିଠା ତିଆରି ପାଇଁ ଦୋକାନୀମାନେ ପ୍ରସ୍ତୁତ ହେଉଥିବା ଜଣାପଡିଛି।


Enter your email to get our daily news in your inbox.

All Right Reserved By Dharitri.Com

ଟାଇଲ୍ସ ସଫା କରିବେ କିପରି

ଘର ହେଉ କି ବାଥ୍‌ରୁମ୍‌ର ଚଟାଣକୁ ଆକର୍ଷଣୀୟ କରିବା ପାଇଁ ଆଜିକାଲି ଟାଇଲ୍ସ ବ୍ୟବହାର କରାଯାଉଛି। ତେବେ ଏହାକୁ କିପରି ସଫାକରିବେ କେତୋଟି ଟିପ୍ସ… ଭିନେଗାର...

ଷ୍ଟ୍ରୋକ୍‌ ଆଶଙ୍କା ଦୂର କରେ ମହୁ

ମହୁର ସ୍ବାଦ କାହାକୁ ବା ଭଲ ନ ଲାଗେ। ପିଲାଠୁ ବୁଢ଼ା ସମସ୍ତଙ୍କର ଏହା ପ୍ରିୟ। ଏହାର ସ୍ବାଦ ଯେମିତି, ଗୁଣ ବି ସେମିତି। ଏହାର...

ଶୀତଳତାର ପାରମ୍ପରିକ ଉପାୟ

ରୁତୁଚକ୍ରର ପଟ ପରିବର୍ତ୍ତନରେ ଗ୍ରୀଷ୍ମ ରୁତୁ ଆମ ପୁରପଲ୍ଲୀରେ ଏକ ଅନନ୍ୟ ଆଗମନୀ। ଧୂସର ଧରଣୀ, ଥୁଣ୍ଟା ବରଗଛ, ମଧ୍ୟାହ୍ନର ଅହେତୁକ ନୀରବତା, ଝିଙ୍କାରୀ କଣ୍ଠର...

ଘଣ୍ଟାକୁ ନେଇ ବାସ୍ତୁ; ସଠିକ୍‌ ଦିଗରେ ନ ଲଗାଇଲେ ହେବ ଅଶୁଭ, ଜାଣି ରଖନ୍ତୁ…

ବାସ୍ତୁଶାସ୍ତ୍ର ଅନୁଯାୟୀ, ଘରେ ଥିବା ପ୍ରତ୍ୟେକଟି ବସ୍ତୁର ପ୍ରଭାବ ଆମ ଜୀବନ ଉପରେ ପଡିଥାଏ। ସେମିତି ଏକ ବସ୍ତୁ ହେଉଛି ଘଡ଼ି ବା ଘଣ୍ଟା। ସମୟ...

ଏହି ରାଶିର ବ୍ୟକ୍ତିବିଶେଷ ଜୁନ୍‌ ୧୪ ପରେ ରୁହନ୍ତୁ ସତର୍କ, ନଚେତ୍‌…

ଗ୍ରହମାନଙ୍କର ରାଜକୁମାର ବୁଧ। ଖୁବ୍‌ଶୀଘ୍ର ରାଶି ପରିବର୍ତ୍ତନ କରିବାକୁ ଯାଉଛନ୍ତି। ବୁଧ ବୃଷ ରାଶିରୁ ମିଥୁନକୁ ୧୪ଜୁନ୍‌ର ପରିବର୍ତ୍ତନ କରିବେ। ବୁଧ ଗ୍ରହର ରାଶି ଚିହ୍ନରେ...

ଖରାଛୁଟିରେ ପିଲାମାନେ ବୋର୍‌ ହେଉଥିଲେ…କରନ୍ତୁ ଏସବୁ କାମ

ଖରାଛୁଟିରେ ପିଲାମାନେ ଘରେ ରହୁଛନ୍ତି ପୂରା ସମୟ। ଖେଳାବୁଲା ପରେ ବି ହାତରେ ଢେର୍‌ ସମୟ। ଏ ସମୟରେ ପିଲା ଯେମିତି ବୋର୍‌ ହେବେ ନାହିଁ...

ଅଂଶୁଘାତର ପ୍ରତିକାର

ଚିକିତ୍ସା ଶାସ୍ତ୍ର ମତାନୁଯାୟୀ ଛୋଟ ପିଲାମାନଙ୍କ ଶରୀରରେ ହାରାହାରି ତାପମାତ୍ରା ୯୭.୯ ଡିଗ୍ରୀ ଫାରେନାଇଟ(୩୬.୬ଡିଗ୍ରୀ ସେଲସିୟସ୍‌)ରୁ ୯୯ ଡିଗ୍ରୀ ଫାରେନାଇଟ (୩୭.୨ଡିଗ୍ରୀ ସେଲସିୟସ୍‌) ଏବଂ ପ୍ରାପ୍ତ...

ସୌରଜଗତର କ୍ଷୁଦ୍ର ଇତିହାସ

ଆଠଟି ଗ୍ରହ, ଗ୍ରହମାନଙ୍କର ଉପଗ୍ରହ, ବାମନଗ୍ରହ, ଗ୍ରହାଣୁପୁଞ୍ଜ, ଧୂମକେତୁ ଓ ଅଗଣିତ ପିଣ୍ଡକୁ ନେଇ ଆମ ସୌରଜଗତ ତିଆରି ହୋଇଛି। ଆଜି ଆମେ ବିନା ଦ୍ୱିଧା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri