ମୁମ୍ବାଇ,୨୭।୪: ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିଶଙ୍କ ସହଧର୍ମିଣୀ ଅମୃତା ଫଡନବିଶ ବୁଧବାର ଲୋକମତ ଆଓ୍ବାର୍ଡ କାର୍ଯ୍ୟକ୍ରମରେ ରାଜ ଠାକରେଙ୍କ ସାକ୍ଷାତକାର ନେଇଥିଲେ। ଅମୃତା ଫଡନବିଶଙ୍କ ସହ ଏନସିପି ଏମପି ଅମୋଲ କୋହ୍ଲେବି ଆଉ ଜଣେ ଆଙ୍କର ଭାବେ ପ୍ରଶ୍ନ ପଚାରିଥିଲେ।
ଅମୃତା ରାଜ ଠାକରେଙ୍କୁ ଏକ ତେରଛା ପ୍ରଶ୍ନ କରିଥିଲେ କି ଯଦି ଶିବସେନାର ନେତୃତ୍ୱ ରାଜ ଠାକରେଙ୍କ ହାତରେ ଥାଆନ୍ତା ତେବେ ଏତେ ଦୁର୍ଦ୍ଦଶା ବୋଧହୁଏ ହୋଇ ନ ଥାଆନ୍ତା। ଏହାର ଉତ୍ତରରେ ରାଜ ଠାକରେ କହିଥିଲେ ମୁଁ ପୁରୁଣା କଥା ସବୁ ଭୁଲି ଯାଇଛି। ଆପଣଙ୍କ ପ୍ରଶ୍ନ ହାଇପୋଥେଟିକାଲ। ମୁଁ ଏବେ ଏହାର କି ଉତ୍ତର ଦେବି, ଏବେ ମୋର ନିଜର ପାର୍ଟି ରହିଛି ତାକୁ ନେଇ ମୁଁ ଆଗକୁ ବଢୁଛି।
ଅମୃତାଙ୍କ ପ୍ରଶ୍ନ ଉପରେ ରାଜ ଠାକରେ ଗୋଟିଏ ଶବ୍ଦରେ ସମସ୍ତ ବଡ ବଡ ନେତାଙ୍କ ଉପରେ ଉତ୍ତର ଦେଇ ଉପଦେଶ ବି ଦେଇଛନ୍ତି।
ଏକନାଥ ଶିନ୍ଦେଙ୍କ ପାଇଁ କହିଛନ୍ତି ସାବଧାନ ରୁହ। ସେମିତି ଉଦ୍ଧବ ଠାକରେଙ୍କୁ ଉପଦେଶ ଦେଇ କହିଛନ୍ତି ସ୍ବୟଂ ଭୁ। ଆଦିତ୍ୟ ଠାକରେଙ୍କ ପାଇଁ କହିଛନ୍ତି ସ୍ବୟଂ ଭୁ। ଅଜିତ ପାଓ୍ବାରଙ୍କୁ ପରାମର୍ଶ ଦେଇ କହିଛନ୍ତି, ଚାଚାଙ୍କ ଆଡକୁ ଟିକେ ଧ୍ୟାନ ଦିଅନ୍ତୁ। ଦେବେନ୍ଦ୍ର ଫଡଦବିଶଙ୍କ ପାଇଁ ରାଜ ଠାକରେ କହିଛନ୍ତି ସମ୍ପର୍କ ରଖିଥାଆନ୍ତୁ।
