ବର୍ଷାଦିନେ ପାଣିପାଗକୁ ଲକ୍ଷ୍ୟ କରି ପୋଷାକ
ପିନ୍ଧିଲେ ଷ୍ଟାଇଲିସ୍ ଦେଖାଯିବା ସହିତ ପରିବେଶକୁ ଉପଭୋଗ କରିହେବ। ତେଣୁ ଏହି ଋତୁରେ କିଭଳି ପୋଷାକ ଚୟନ କରିବେ ଜାଣି ରଖନ୍ତୁ..
ପୋଷାକ: ବର୍ଷାଦିନ ପାଇଁ ଏଭଳି ପୋଷାକ ଚୟନ କରନ୍ତୁ ଯେପରି ବର୍ଷା ପାଣି ପଡିବା ମାତ୍ରେ ତାହା ସଙ୍ଗେ ସଙ୍ଗେ ଓଦା ହୋଇ ଯାଉ ନ ଥିବ। ଏହା ସହିତ ଓଦା ହେଲେ ଶୀଘ୍ର ଶୁଖି ପାରୁଥିବ। ପ୍ଲାଜୋ, ଟ୍ରାଉଜର କିମ୍ବା ମ୍ୟାକ୍ସି ଡ୍ରେସ ଭଳି ପୋଷାକ ପିନ୍ଧନ୍ତୁ ନାହିଁ। ଆଙ୍କେଲ ଲେନ୍ଥ କିମ୍ବା ସର୍ଟସ ଅବା ସ୍କର୍ଟ ଆଦି ପିନ୍ଧନ୍ତୁ।
ରଙ୍ଗ: ବର୍ଷାଦିନେ ରାସ୍ତାଘାଟରେ ପାଣି କାଦୁଅର ସମସ୍ୟା ରହିଥାଏ। ତେଣୁ ଏହି ଋତୁରେ ଧଳା ରଙ୍ଗର ପୋଷାକ ଆଦୌ ପିନ୍ଧନ୍ତୁ ନାହିଁ। କାରଣ ଦାଗ ଲାଗିବାର ସମ୍ଭାବନା ବହୁତ ରହିଥାଏ। ଏହି ଋତୁରେ ରଙ୍ଗିନ ପୋଷାକ ପିନ୍ଧନ୍ତୁ। ରଙ୍ଗିନ ପୋଷାକ ଋତୁ ଅନୁସାରେ ଭଲ ମ୍ୟାଚିଂ କରିବା ସହିତ ଦାଗ ଲାଗିବାର ଭୟ ମଧ୍ୟ ରହି ନ ଥାଏ।
ଫାବ୍ରିକ: ବର୍ଷାଦିନେ ଏଭଳି ଫାବ୍ରିକର କପଡା ପିନ୍ଧନ୍ତୁ, ଯାହା ଆରାମଦାୟକ ହେବା ସହିତ ଶୀଘ୍ର ଶୁଖି ପାରୁଥିବ। ତେଣୁ ଡେନିମ୍ କିମ୍ବା ସିଲ୍କ ଭଳି ଫାବ୍ରିକର ଡ୍ରେସ ବ୍ୟବହାର କରନ୍ତୁ ନାହିଁ। ଏହି ଋତୁରେ କର୍ଟନ ଫାବ୍ରିକ ବହୁତ ଭଲ ଏବଂ ଏହା ତ୍ୱଚା ପାଇଁ ମଧ୍ୟ ଭଲ।
ଜୋତା :ଏହି ଋତୁରେ ଲେଦର ଓ ଭେଲଭେଟ୍ ମ୍ୟାଟେରିଆଲର ଜୋତା ବ୍ୟବହାର କରନ୍ତୁ ନାହିଁ। ବର୍ଷାଦିନ ପାଇଁ ଫ୍ଲିପ୍ଫ୍ଲପ୍ ଜୋତା ପିନ୍ଧିନ୍ତୁ ଷ୍ଟାଇଲିସ୍ ଦେଖାଯିବା ସହିତ ପାଣି ଲାଗିଲେ ଜୋତା ବି ଖରାପ ହେବ ନାହିଁ।
