ନୂଆଦିଲ୍ଲୀ, ୨୬।୮: କଂଗ୍ରେସର ନେତୃତ୍ୱ ସଙ୍କଟ ନେଇ ଦଳୀୟ ଅସନ୍ତୋଷ ଏବେ ପଦାରେ ପଡ଼ିଛି। ଦଳରେ ସୋନିଆ ଗାନ୍ଧୀ ଅଧ୍ୟକ୍ଷା ବୋଲାଉଥିଲେ ମଧ୍ୟ ପ୍ରକୃତ ନିୟନ୍ତ୍ରଣ ରାହୁଲ ଗାନ୍ଧୀଙ୍କ ହାତରେ ଥିବା ଅଭିଯୋଗ ହୋଇଛି। ଏନେଇ ଦିଗ୍ ବିଜୟ ସିଂ ମୁହଁ ଖୋଲିଛନ୍ତି। ଦଳରେ ଜାରି ରହିଥିବା ଏହି ସ୍ଥିତିଯୋଗୁ ଧୀରେଧୀରେ ଅସନ୍ତୋଷ ବୃଦ୍ଧି ହୋଇଥିବା ସେ କହିଛନ୍ତି। ରାହୁଲ ଅଧ୍ୟକ୍ଷ ନ ରହିଲେ ବି ସେ ପର୍ଦ୍ଦା ପଛର ନାୟକ ଭାବେ ଦାୟିତ୍ୱ ତୁଲାଉଥିବା ଦିଗ୍ ବିଜୟ କହିଛନ୍ତି। ଏହା ଦଳର ବରିଷ୍ଠ ନେତାଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି। ରାଜ୍ୟ ସଭା ନିର୍ବାଚନ ପରେ ଦଳରେ ବିଦ୍ରୋହୀ ନେତାଙ୍କ ସଂଖ୍ୟା ବଢ଼ିଥିବା ସେ କହିଛନ୍ତି। ରାହୁଲ ମୁକୁଲ ବନାନି ଏବଂ କେ.ସି. ବେଣୁଗୋପାଳଙ୍କ ପରିବର୍ତ୍ତେ ରାଜୀବ ସାତଓ୍ବଙ୍କ ନାମାଙ୍କନ ପାଇଁ ରାହୁଲଙ୍କ ସମର୍ଥନ ରହିଥିଲା। ଲେଖା ଯାଇଥିବା ଚିଠିରେ ୧୦୦ ଜଣ କଂଗ୍ରେସ ନେତା ଦସ୍ତଖତ କରିବାର ଯୋଜନା ଥିଲା। ତେବେ ବହୁ ନେତା ପଛକୁ ହଟିଯାଇଥିବା ଦିଗ୍ ବିଜୟ କହିଛନ୍ତି। ସେମାନଙ୍କ ଉପରେ କାଳେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ ନେତା ମାନେ ଭୟ କରିଥିଲେ।
