ମୁମ୍ବାଇ: କେନ୍ଦ୍ର ସରକାର ବରିଷ୍ଠ ବ୍ୟାଙ୍କର୍ସ ତଥା ରିଜର୍ଭ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ (ଇଡି) ଭାବେ କାର୍ଯ୍ୟ କରୁଥିବା ଟି. ରବିଶଙ୍କରଙ୍କୁ କେନ୍ଦ୍ରୀୟ ବ୍ୟାଙ୍କର ଆଗାମୀ ଡେପୁଟି ଗଭର୍ନର ଭାବେ ମନୋନୀତ କରିଛନ୍ତି। ସେ ଏହି ନୂତନ ପଦବୀରେ ଆଗାମୀ ତିନି ବର୍ଷ ପର୍ଯ୍ୟନ୍ତ କାର୍ଯ୍ୟ କରିବେ ବୋଲି ଜଣାପଡିଛି। ଭାରତୀୟ ରିଜର୍ଭ ବ୍ୟାଙ୍କର ଚତୁର୍ଥ ଡେପୁଟି ଗଭର୍ନର ଭାବେ କେନ୍ଦ୍ର ସରକାରଙ୍କ ଏକ କମିଟି ଟି. ରବି ଶଙ୍କରଙ୍କୁ ମନୋନୀତ କରିଛି। ଏ ସମ୍ପର୍କରେ ‘ଡିପାର୍ଟମେଣ୍ଟ୍ ଅଫ୍ ପର୍ସୋନେଲ୍ ଆଣ୍ଡ୍ ଟ୍ରେନିଙ୍ଗ୍’ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତିରୁ ଏହି ସୂଚନା ମିଳିଛି। ୧୯୯୦ରେ ସେ କେନ୍ଦ୍ରୀୟ ବ୍ୟାଙ୍କର ଜଣେ ରିସର୍ଚ୍ଚ ଅଫିସର ଭାବେ ଯୋଗଦେଇଥିଲେ। ବନାରସ ବିଶ୍ୱବିଦ୍ୟାଳୟରୁ ଉଚ୍ଚଶିକ୍ଷା ହାସଲ କରିିଥିବା ରବି ଶଙ୍କର ଋଣ ପରିଚାଳନା ସମେତ ଭାରତୀୟ ରିଜର୍ଭ ବ୍ୟାଙ୍କର ବହୁ ଗୁରୁତ୍ୱପୂର୍ଣ୍ଣ ବିଭାଗ ପରିଚାଳନା କରୁଥିଲେ। ନିକଟରେ ଅବସର ଗ୍ରହଣ କରିଥିବା ଆରବିଆଇର ଡେପୁଟି ଗଭର୍ନର ବି.ପି.କାନୁନ୍ଗୋଙ୍କ ସ୍ଥାନରେ ସେ ଯୋଗଦେବେ ବୋଲି ଜଣାପଡିଛି। ଏପ୍ରିଲରେ
