ସିମୁଳିଆ,୧୫।୧୨(ସନ୍ତୋଷ ନାୟକ): ବାଲେଶ୍ୱର ଜିଲା ସିମୁଳିଆ ବ୍ଲକରେ ଲୁଟ୍ପାଟ୍ ବଢିବାରେ ଲାଗିଛି। ବ୍ଲକର ସଦରମହକୁମା ମାର୍କୋଣାରେ ଗୋ-ଖାଦ୍ୟ, ମାଛ ଓ କୁକୁଡ଼ା ଖାଦ୍ୟ ବିକ୍ରି କରୁଥିବା ଦେବବ୍ରତ ସାମଲ ନାମକ ଯୁବ ବ୍ୟବସାୟୀ ଦୋକାନଠାରୁ ପ୍ରାୟ ୩ଶହ ମିଟର ଦୂର ନିଜ ଘରକୁ କେନାଲ ବନ୍ଧରେ ବାଇକ୍ରେ ଫେରୁଥିଲେ। ଏହି ସମୟରେ ସାମ୍ନାପଟୁ ଅନ୍ୟ ଏକ ବାଇକରେ ମୁହଁରେ କପଡ଼ା ଗୁଡାଇ ଆସୁଥିବା ୩ଜଣ ଯୁବକ ତାଙ୍କୁ ଅଟକାଇଥିଲେ। ଜଣେ ଦୁର୍ବୃତ୍ତ ଦେବବ୍ରତଙ୍କ ପେଟରେ ବନ୍ଧୁକ ଲଗାଇ ଧମକାଉଥିବା ବେଳେ ସେ ତାଙ୍କୁ ଠେଲିଦେଇ ନିକଟରେ ଥିବା ପଡ଼ୋଶୀଙ୍କ ଘରକୁ ଦୌଡ଼ି ପଳାଇଥିଲେ। ଦୌଡୁଥିବା ବେଳେ ଭୟରେ ପଡ଼ିଯିବାରୁ ତାଙ୍କ ଗୋଡ଼ରେ ଆଘାତ ଲାଗିଛି। ପରେ ଦୁର୍ବୃତ୍ତମାନେ ଦେବବ୍ରତଙ୍କ ବାଇକକୁ ଗୋଇଠା ମାରି କେନାଲ ପାର୍ଶ୍ୱରେ ଥିବା ନୟନଯୋରିକୁ ଗଡ଼ାଇ ଦେଇଥିଲେ। ଘଟଣା ସମ୍ପର୍କରେ ସେ ଥାନାରେ ଅଭିଯୋଗ କରିଛନ୍ତି ା
