ନୂଆଦିଲ୍ଲୀ,୨୨।୧୨: ପୂର୍ଣ୍ଣିଆର ସ୍ୱାଧୀନ ସାଂସଦ ପପ୍ପୁ ଯାଦବ ତାଙ୍କ ପୁଅ ସାର୍ଥକ ରଞ୍ଜନଙ୍କ IPL ଦଳରେ ଚୟନ ହେବା ପରେ ଖୁସି ହୋଇ ଭୋଜି ଦେଇଥିଲେ । ତାଙ୍କ ଗାଁରେ ଏକ ଭୋଜିର ଆୟୋଜନ କରିବା ସହିତ ଗରିବ ଲୋକଙ୍କୁ ଚାଦର ବଣ୍ଟନ କରି ଉତ୍ସବ ପାଳନ କରିଥିଲେ। ରବିବାର ଦିନ ଯାଦବ ତାଙ୍କ ପୈତୃକ ଗାଁ ଖୁର୍ଦାରେ ପହଞ୍ଚିବା ପରେ ତାଙ୍କୁ ଶୁଭେଚ୍ଛା ଜଣାଇବା ପାଇଁ ଲୋକଙ୍କ ଗହଳି ଜମିଥିଲା ।
ପୁଅ ଖୁସିରେ ପପୁ ଦେଇଥିବା ଭୋଜିରେ ହଜାର ହଜାର ଲୋକ ଯୋଗ ଦେଇଥିଲେ। ଉଲ୍ଲେଖନୀୟ ଯେ KKR IPL ମିନି-ନିଲାମରେ ଲୋକସଭା ସାଂସଦ ପପ୍ପୁ ଯାଦବଙ୍କ ପୁଅ ସାର୍ଥକ ରଞ୍ଜନଙ୍କୁ ମଧ୍ୟ କିଣିଥିଲା। ସାର୍ଥକଙ୍କୁ KKR ୩୦ ଲକ୍ଷ ମୂଲ୍ୟରେ କିଣିଥିଲା। ସାର୍ଥକ ଏବେ IPLରେ ଶାହରୁଖ ଖାନଙ୍କ ଦଳ ପାଇଁ ଖେଳିବେ। ସାର୍ଥକ ଏପର୍ଯ୍ୟନ୍ତ ଦୁଇଟି ଫାଷ୍ଟକ୍ଲାସ ମ୍ୟାଚ୍ ଏବଂ ପାଞ୍ଚଟି T୨୦ ମ୍ୟାଚ୍ ଖେଳିଛନ୍ତି।
ତାଙ୍କ ପୁଅର ସଫଳତାରେ ସେ ବହୁତ ଖୁସି ଥିବା ପରି ମନେ ହେଉଥିଲା। ପପୁ ଯାଦବଙ୍କୁ ବ୍ୟକ୍ତିଗତ ଭାବରେ ଲୋକମାନଙ୍କୁ ଖାଦ୍ୟ ପରିବେଷଣ କରୁଥିବାର ଦେଖାଯାଇଥିଲା। ଏହା ପରେ, ସେ ଅସହାୟ ଲୋକଙ୍କୁ କମ୍ବଳ ମଧ୍ୟ ବଣ୍ଟନ କରିଥିଲେ। ଘଟଣାସ୍ଥଳରେ ପହଞ୍ଚିଥିବା ଲୋକମାନେ କହିଥିଲେ, ଖୁର୍ଦାର ମାଟିର ପୁଅ ସାର୍ଥକ ରଞ୍ଜନ ଦେଶ ଏବଂ ବିଶ୍ୱ ପାଇଁ ଆଶ୍ଚର୍ଯ୍ୟଜନକ କାର୍ଯ୍ୟ କରୁଛନ୍ତି। ତାଙ୍କ ପାଇଁ ଏହାଠାରୁ ଗର୍ବର କଥା ଆଉ କ’ଣ ହୋଇପାରେ ।
