ମେଲବୋର୍ନ, ୧୦ା୧୧ (ପି.ଟି.)-ଭାରତ ବିପକ୍ଷ ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଅଷ୍ଟ୍ରେଲିଆ ଦଳ ତରଫରୁ ଓପନିଂ କରିବା ଲାଗି ଯୁବ ଖେଳାଳି ଓ୍ବିଲ୍ ପୁକୋଭସ୍କିଙ୍କୁ ସୁଯୋଗ ଦେବା ଉଚିତ୍ ବୋଲି ଇନାନ ଚାପେଲ ଓ ମାଇକେଲ କ୍ଲାର୍କଙ୍କ ସମେତ ବହୁ ପୂର୍ବତନ ଅଧିନାୟକ ମତବ୍ୟକ୍ତ କରିଛନ୍ତି। ଭିକ୍ଟୋରିଆର ପୁକୋଭସ୍କି ଶେଫିଲ୍ଡ ଶିଲ୍ଡ ଘରୋଇ କ୍ରିକେଟ ପ୍ରତିଯୋଗିତାରେ କ୍ରମାଗତ ଦୁଇଟି ଦ୍ୱିଶତକ ହାସଲ କରିଛନ୍ତି। ଗତ ସପ୍ତାହରେ ସାଉଥ ଅଷ୍ଟ୍ରେଲିଆ ବିପକ୍ଷରେ ସେ ୨୫୫ରନ କରି ଅପରାଜିତ ରହିଥିବାବେଳେ ନିକଟରେ ଓ୍ବେଷ୍ଟର୍ନ ଅଷ୍ଟ୍ରେଲିଆ ବିପକ୍ଷରେ ସେ ୨୦୨ ରନ କରିଛନ୍ତି। ଏହି ୨୨ ବର୍ଷୀୟ କ୍ରିକେଟର ଏହି ସିଜନରେ ୪୫୭ ରନ ସ୍କୋର କରିସାରିଲେଣି। ଡିସେମ୍ବର ୧୭ରୁ ଅଷ୍ଟ୍ରେଲିଆର ଭାରତ ବିପକ୍ଷ ଟେଷ୍ଟ ସିରିଜ ଆରମ୍ଭ ହେବ। ଏଥିରେ ପୁକୋଭସ୍କିଙ୍କୁ ନିହାତି ସୁଯୋଗ ଦେବା ଉଚିତ୍ ବୋଲି କ୍ଳାର୍କ କହିଛନ୍ତି। ଭାରତ ଭଳି ଶକ୍ତିଶାଳୀ ଦଳ ବିପକ୍ଷରେ ତାଙ୍କୁ ଡେଭିଡ୍ ଓ୍ବାର୍ନରଙ୍କ ଓପନିଂ ପାର୍ଟନର କରାଯାଉ। ମାର୍ନସ ଲାବୁସାନେ ୩ୟ ଏବଂ ଷ୍ଟିଭ୍ ସ୍ମିଥ୍ ୪ର୍ଥ ସ୍ଥାନରେ ବ୍ୟାଟିଂ କରିବାକୁ ଆସିଲେ ଭଲ। ଅନ୍ୟପକ୍ଷରେ ୧୯୭୧ରୁ ୧୯୭୫ ପର୍ଯ୍ୟନ୍ତ ଭାରତର ଅଧିନାୟକ ଦାୟିତ୍ୱ ତୁଲାଇଥିବା ଚାପେଲ କହିଛନ୍ତି, ଟେଷ୍ଟ ଓପନର ଜୋ ବନର୍ସ ତୁଳନାରେ ପୁକୋଭସ୍କି ଲମ୍ବା ସମୟ ପାଇଁ ଜଣେ ଉନ୍ନତ ଓପନର। ଗତ ଗ୍ରୀଷ୍ମଋତୁରେ ଅଷ୍ଟ୍ରେଲିଆ ତରଫରୁ ଖେଳିବା ବେଳେ ବନର୍ସଙ୍କ ଆଭରେଜ ମାତ୍ର ୩୨ ରହିଥିଲା। ଚଳିତ ସିଜନରେ କୁଇନ୍ସଲାଣ୍ଡ ପାଇଁ ସେ ୭, ୨୯, ୦’ ଓ ୧୦ ରନ ସ୍କୋର କରିଥିଲେ। ତେଣୁ ବର୍ତ୍ତମାନ ପୁକୋଭସ୍କିଙ୍କୁ ଚେଷ୍ଟ କରି ଦେଖିବା ଉଚିତ୍ ବୋଲି ସେ କହିଛନ୍ତି। ୨୨ଟି ପ୍ରଥମଶ୍ରେଣୀ ମ୍ୟାଚ୍ରେ ପୁକୋଭସ୍କି ୫୭.୯୩ ଆଭରେଜରେ ୬ଟି ଶତକ ହାସଲ କରିଛନ୍ତି। ଭାରତ ବିପକ୍ଷ ପ୍ରଥମ ଟେଷ୍ଟରେ ଏହି ୟଙ୍ଗଷ୍ଟର ବ୍ୟାଟ୍ସମ୍ୟାନଙ୍କୁ ଖେଳାଯାଇବା ସପକ୍ଷରେ ଅଷ୍ଟ୍ରେଲିଆର ପୂର୍ବତନ ଓପନର ମାର୍କ ଓ୍ବ’ ମଧ୍ୟ ମତବ୍ୟକ୍ତ କରିଛନ୍ତି।
