ଦେବଗଡ଼,୧୫ା୧୨(ଡି.ଏନ.ଏ):ଆଗାମୀ ୧୫ ଦିନ ମଧ୍ୟରେ ଫସଲ ବୀମାରାଶି ପ୍ରଦାନ ପାଇଁ ଜିଲା ପ୍ରଶାସନ ତଥା ସମବାୟ ବିଭାଗ ପକ୍ଷରୁ ପ୍ରତିଶ୍ରୁତି ଦିଆଯାଇଛି ା ଏହି ପ୍ରତିଶ୍ରୁତି ପରେ ସୋମବାର ଜିଲା କୃଷକ ସଂଘ ସମର୍ଥନରେ ଚାଷୀମାନଙ୍କ ଦ୍ୱାରା ଆରମ୍ଭ ହୋଇଥିବା ଆମରଣ ଅନଶନ ପ୍ରତ୍ୟାହୃତ ହୋଇଛି ା ସୂଚନା ଥାଉ କି ଦେବଗଡ ଜିଲା ରିଆମାଳ ବ୍ଲକ ଅନ୍ତର୍ଗତ ନୂଆଁଡିହୀ, ଖିଲେଇ, ଟିଙ୍କବୀର, ତାରଙ୍ଗ, ନାଉଲିପଡା, ବୁଡିଦୋ ସମସତ ବିଭିନ୍ନ ଗ୍ରାମ ପଞ୍ଚାୟତର ବହୁ ଚାଷୀଙ୍କୁ ବର୍ତ୍ତମାନ ପର୍ଯ୍ୟନ୍ତ ଗତ୨୦୧୯ ମସିହାର ଫସଲ ବୀମାରାଶି ମିଳି ନ ଥିବାରୁ ସେମାନେ ବହୁବାର ବିଭାଗୀୟ କର୍ତ୍ତୃପକ୍ଷ ଏବଂ ଦେବଗଡ ଜିଲାପାଳଙ୍କ ଦ୍ୱାରସ୍ଥ ହୋଇ ଗୁହାରି କରିଥିଲେ ା ଏହି କ୍ରମରେ ବୀମାରାଶିରୁ ବଞ୍ଚିତ ଚାଷୀମାନେ ବୀମାରାଶି ପ୍ରଦାନ ଦାବିରେ ଶେଷଥର ପାଇଁ ଗତ ୩ ତାରିଖରେ ପୁଣିଥରେ ଜିଲାପାଳଙ୍କ ଦ୍ୱାରସ୍ଥ ହେବାସହ ତୁରନ୍ତ ବକେୟା ବୀମାରାଶି ପ୍ରଦାନ କରା ନ ଗଲେ ଡିସେମ୍ବର ୧୪ରୁ ଜିଲା କୃଷକ ସଂଘ ଜରିଆରେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ କରିବାକୁ ଲିଖିତ ଚେତାବନୀ ଦେଇଥିଲେ ା ଏହାସତ୍ତ୍ୱେ ସେମାନଙ୍କୁ ବୀମାରାଶି ନ ମିଳିବାରୁ ସୋମବାର ସେମାନେ ଜିଲା କୃଷକ ସଂଘର ସମର୍ଥନରେ ଚାଷୀ ମକରଧ୍ୱଜ ପ୍ରଧାନ, ପ୍ରମୋଦ ବେହେରା, ଲାଲ କୁମାର ମହାନନ୍ଦ, ପ୍ରସନ୍ନ ବେହେରା, ସୁବାସ ପ୍ରଧାନ, ଖେଡୁ ବେହେରା,ସୁଶାନ୍ତ ସାହୁ, ପ୍ରଦ୍ୟୁମ୍ନ ପ୍ରଧାନ, ସଚ୍ଚିନ୍ଦ୍ର ପ୍ରଧାନ ଓକୁନୁ ପ୍ରଧାନ ପ୍ରମୂକ ଦେବଗଡ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଥିଲେ ା ଅନଶନ ସ୍ଥଳରେ ଜିଲା କୃଷକ ସଂଘ ସଭାପତି ପ୍ରମୋଦ ଝାଙ୍କର, ଉପସଭାପତି ବିଜୟ ପ୍ରଧାନ, ସମ୍ପାଦକ ଯଯାତି କିଶୋର ବିଶ୍ୱାଳ, ସଂଗ୍ରାମଜିତ କୁଅଁର ଓ ଜିଲା କଂଗ୍ରେସ କମିଟି ସଭାପତି ଉମାଶଙ୍କର ସାହୁ ଉପସ୍ଥିତ ରହି ଅନଶନକାରୀଙ୍କୁ ସମର୍ଥନ କରିଥିଲେ ା ସୂଚନା ପାଇ ଅପରାହ୍ନ ପ୍ରାୟ ୩ଟା ସମୟରେ ଆସିଷ୍ଟାଣ୍ଟ କଲେକ୍ଟର ସୁଶାନ୍ତ କୁମାର ନାୟକ ଓ ଏ.ଆର୍.ସି.ଏସ୍.ନିମାଇଁ ଚରଣ ନାୟକ ପ୍ରମୁଖ ଅନଶନ ସ୍ଥଳିରେ ପହଞ୍ଚି ଅନଶନକାରୀଙ୍କ ସହ ଆଲୋଚନା କରିବା ସହ ସେମାନଙ୍କ ନିକଟରୁ ଏ ସମ୍ପର୍କୀତ ଦାବିପତ୍ର ଗ୍ରହଣ କରିଥିଲେ ା ଆଗାମୀ ଜାନୁୟାରୀ ୫ ତାରିଖ ମଧ୍ୟରେ ବୀମାରାଶି ପ୍ରଦାନ ପାଇଁ ଏ.ଆର୍.ସି.ଏସ୍.ନାୟକ ଲିଖିତ ପ୍ରତିଶ୍ରୁତି ଦେବାରୁ ଆମରଣ ଅନଶନ ପ୍ରତ୍ୟାହୃତ ହୋଇଥିଲା ା
