ମୁମ୍ବାଇ: ଦେଶୀ ଗର୍ଲ ପ୍ରିୟଙ୍କା ଚୋପ୍ରା ତାଙ୍କ କର୍ଓ୍ବାଚୌଥ ଫଟୋ ଶେୟାର କରିଛନ୍ତି। ଗୁରୁବାର ପ୍ରିୟଙ୍କା କର୍ଓ୍ବାଚୌଥ୍ ସ୍ବାମୀ ନିକ୍ଙ୍କ ସହ ପାଳନ କରିଥିଲେ। ତେବେ ଗତକାଲି ବଲିଉଡ୍ର ରବିନା ଟଣ୍ଡନ, କ୍ୟାଟ୍ରିନା କୈଫ୍, ମୌନୀରାୟଙ୍କ ପରି ଅନେକ ଅଭିନେତ୍ରୀ ଏହି ବିଶେଷ ଦିନକୁ ନିଜ ପରିବାର ଏବଂ ସାଙ୍ଗମାନଙ୍କ ସହ ପାଳନ କରିଥିଲେ। ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଆଜି ପ୍ରିୟଙ୍କା ତାଙ୍କ କର୍ଓ୍ବାଚୌଥ୍ର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଫଟୋରେ ସେ ଲାଲ୍ ଚୁଡ଼ି ପିନ୍ଧିଥିବା ବେଳେ ସ୍ବାମୀ ନିକ୍ଙ୍କ ନାମରେ ମେହେନ୍ଦୀ କରିଥିବା ଦେଖିବାକୁ ମିଳିଛି।
ପ୍ରିୟଙ୍କା ନିକ୍ଙ୍କ ସହ ଚଳିତବର୍ଷ ୩ୟ କର୍ଓ୍ବାଚୌଥ୍ ପାଳନ କରିଛନ୍ତି। ଆଜି ପ୍ରିୟଙ୍କା ତାଙ୍କ ସୋସିଆଲ ମିଡିଆରେ ଏହି ବିଶେଷ ମୁହୂର୍ତ୍ତର ଫଟୋ ଶେୟାର କରିଛନ୍ତି। ଗୋଟିଏ ହାତରେ ସୁନ୍ଦର ଲାଲ ରଙ୍ଗର ଚୁଡ଼ି ପିନ୍ଧିଥିବା ବେଳେ ଅନ୍ୟ ପଟେ ସେ ଏକ ଷ୍ଟାଇଲିସ ମଙ୍ଗଳସୂତ୍ର,ବ୍ରେସଲେଟ ଧରିଛନ୍ତି। ଏହା ସହିତ ସେ ହାତରେ ପୂଜା ଥାଳି ଧରିଥିବା ମଧ୍ୟ ନଜର ଆସିଛନ୍ତି। ଫଟୋଗୁଡ଼ିକୁ ପ୍ରଶଂସକମାନେ ବେଶ୍ ପସନ୍ଦ କରିଛନ୍ତି।
