ନୂଆଦିଲ୍ଲୀ,୨।୬: କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ରେସଲିଂ ଫେଡେରେଶନ ଅଫ ଇଣ୍ଡିଆ (ଡବ୍ଲୁଏଫଆଇ) ମୁଖ୍ୟ ବ୍ରିଜ୍ଭୂଷଣ ଶରଣ ସିଂଙ୍କୁ ନେଇ ଭାଜପା ଉପରେ ବର୍ଷିଛନ୍ତି। ଏକ ଖବରକାଗଜ ରିପୋର୍ଟ ଶେୟାର କରି ଟୁଇଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟ୍ୟାଗ କରି ପଚାରିଛନ୍ତି, ନରେନ୍ଦ୍ର ମୋଦି ଜୀ, ଏହି ଗୁରୁତର ଅଭିଯୋଗ ବିଷୟରେ ପଢନ୍ତୁ। ଆଉ ଦେଶକୁ କୁହନ୍ତୁ ଯେ ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ କାହିଁକି ନିଆଯାଇନାହିଁ? ପ୍ରିୟଙ୍କା ଗାନ୍ଧୀ ଏକ ଖବରକାଗଜ ରିପୋର୍ଟ ଶେୟାର କରିଛନ୍ତି, ଯେଉଁଥିରେ ବ୍ରିଜ୍ଭୂଷଣଙ୍କ ବିରୋଧରେ ଏକ କିମ୍ବା ଦୁଇଟି ନୁହେଁ ବରଂ ୧୦ଟି ଯୌନ ନିର୍ଯ୍ୟାତନା ମାମଲା ରହିଛି।
୮ ଏପ୍ରିଲରେ ୨ଟି ଏଫ୍ଆଇଆର କରାଯାଇଥିଲା। ଉଭୟ ଏଫ୍ଆଇଆରରେ ଆଇପିସି ଧାରା ୩୫୪, ୩୫୪ଏ, ୩୫୪ ଡି ଏବଂ ୩୪ ଉଲ୍ଲେଖ କରାଯାଇଛି।
