ମୁମ୍ବାଇ: ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା ଆମେରିକାର ନିକ୍ ଜୋନାସଙ୍କୁ ବିବାହ କରିବା ପରେ ହଲିଉଡ୍ରେ ମଧ୍ୟ ବେଶ୍ ନାଁ କମାଇ ସାରିଲେଣି। ସେ ବଲିଉଡ୍ରୁ କ୍ୟାରିୟର ଆରମ୍ଭ କରି ଆଜି ହଲିଉଡ୍ର ନାମୀଦାମୀ କଳାକାରଙ୍କ ସହ ଅଭିନୟ କରୁଛନ୍ତି। ମାତ୍ର ପ୍ରିୟଙ୍କା ବଲିଉଡ୍ ଆଉ ହଲିଉଡ୍ ମଧ୍ୟରୁ କାହାକୁ ପସନ୍ଦ କରିବେ ତାଙ୍କ ପାଇଁ ବହୁତ କଷ୍ଟକର। ଖାସ୍ କରି ପ୍ରଶଂସକମାନଙ୍କୁ ଜଣାଇବା ପାଇଁ ପ୍ରିୟଙ୍କା ଇନ୍ଷ୍ଟାଗ୍ରାମରେ ଏକ ମଜାଳିଆ ରିଲ୍ ଶେୟାର କରିଛନ୍ତି।
ଏହି ଭିଡିଓରେ ଭିନ୍ନ ଭିନ୍ନ କଥାକୁ ନେଇ ପ୍ରିୟଙ୍କା ଅପଶନ୍ ରଖିଛନ୍ତି। ଯେଉଁଥିରେ ଗୋଟିଏ ଅପଶନ ତାଙ୍କୁ ଚୟନ କରିବାକୁ ହେବ। ଗୋଟିଏ କ୍ୱାଲିଟି ଆଉ ଗୋଟିଏରେ କ୍ୱାଣ୍ଟିଟି। ଏଥିମଧ୍ୟରୁ ପ୍ରିୟଙ୍କା କ୍ୱାଲିଟିକୁ ପସନ୍ଦ କରିଛନ୍ତି। ହଟ୍ କଫି ଏବଂ ଆଇସ୍ଡ କଫିକୁ ପସନ୍ଦ କରିଛନ୍ତି। ପ୍ରିୟଙ୍କାଙ୍କ ଏହି ମଜାଳିଆ ଭିଡିଓ ପ୍ରଶଂସକମାନଙ୍କର ଖୁବ୍ ପସନ୍ଦ ଆସିଛି।
ପ୍ରିୟଙ୍କା ଏବେ ହଲିଉଡ୍ ସିରିଜ ‘ସିଟାଡେଲ’ର ଶୁଟିଂରେ ବ୍ୟସ୍ତ ଅଛନ୍ତି। ଏହି ଶୁଟିଂ ସମୟରେ ପ୍ରିୟଙ୍କା ଆହତ ବି ହୋଇଛନ୍ତି। ଏହାକୁ ସେ ତାଙ୍କ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏହା ବ୍ୟତୀତ ହିନ୍ଦୀ ଫିଲ୍ମ ‘ଜୀ ଲେ ଜରା’ରେ ନଜର ଆସିବେ। ଆଲିଆ ଭଟ୍ଟ ଏବଂ କ୍ୟାଟ୍ରିନା କୈଫ୍ଙ୍କ ସହିତ ପ୍ରଥମଥର ନଜର ଆସିବେ ପ୍ରିୟଙ୍କା।
