ସୁରଟ, ୨୯।୯ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଦୁଇ ଦିନିଆ ଗୁଜରାଟ ଗସ୍ତରେ ଗୁରୁବାର ସୁରଟରେ ପହଞ୍ଚିଛନ୍ତି। ଏଠାରେ ପହଞ୍ଚିବା ପରେ ସେ ଏକ ରୋଡ ଶୋ’ରେ ଯୋଗ ଦେଇଛନ୍ତି। ପ୍ରଧାନମନ୍ତ୍ରୀ ରାଜ୍ୟବାସୀଙ୍କୁ ୨୯ ହଜାର କୋଟି ଟଙ୍କାର ପ୍ରକଳ୍ପ ପ୍ରଦାନ କରିବେ। ଏଥି ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ବନ୍ଦେ ଭାରତ ଟ୍ରେନ ଏବଂ ମେଟ୍ରୋ ପ୍ରକଳ୍ପ ।
ଏହା ସହିତ ପ୍ରଧାନମନ୍ତ୍ରୀ ଭାବାନଗରରେ ଆଞ୍ଚଳିକ ବିଜ୍ଞାନ କେନ୍ଦ୍ରର ଉଦଘାଟନ କରିବେ। ଏହା ୨୦ ଏକରରୁ ଅଧିକ ପରିମିତ ଅଞ୍ଚଳରେ ପ୍ରାୟ ୧୦୦କୋଟି ଟଙ୍କା ବ୍ୟୟରେ ନିର୍ମିତ ହୋଇଛି।
ଏହା ସହିତ ପ୍ରଧାନମନ୍ତ୍ରୀ ଭାବନଗରରେ ଆଞ୍ଚଳିକ ବିଜ୍ଞାନ କେନ୍ଦ୍ରର ଉଦଘାଟନ କରିବେ। ଏହା ୨୦ ଏକରରୁ ଅଧିକ ପରିମିତ ଅଞ୍ଚଳରେ ପ୍ରାୟ ୧୦୦କୋଟି ଟଙ୍କା ବ୍ୟୟରେ ନିର୍ମିତ ହୋଇଛି।
ଏହି କେନ୍ଦ୍ରରେ ସାମୁଦ୍ରିକ ଜଳୀୟ ଗ୍ୟାଲେରୀ, ଅଟୋମୋବାଇଲ ଗ୍ୟାଲେରୀ, ଫିଜିଓଲୋଜି ଏବଂ ମେଡିସିନ ନୋବେଲ ପୁରସ୍କାର ଗ୍ୟାଲେରୀ, ଇଲେକ୍ଟ୍ରୋ ମେକାନିକ୍ସ ଗ୍ୟାଲେରୀ, ଜୈବ ବିଜ୍ଞାନ ଗ୍ୟାଲେରୀ ସହିତ ଅନେକ ଥିମ ଗ୍ୟାଲେରୀ ରହିଛି। ଆନିମେଟ୍ରୋନିକ ଡାଇନୋସର, ବିଜ୍ଞାନ ଥିମ ଆଧାରିତ ଖେଳଣା ଟ୍ରେନ, ପ୍ରକୃତି ଅନୁସନ୍ଧାନ ଟୁର୍, ମୋସନ ସିମୁଲେଟର, ପୋର୍ଟେବଲ ସୌର ଅବଜରଭେଟୋରୀ ଇତ୍ୟାଦି ବାହ୍ୟ ସ୍ଥାପନ ମାଧ୍ୟମରେ ପିଲାମାନଙ୍କ ପାଇଁ ଆବିଷ୍କାର ଏବଂ ଅନୁସନ୍ଧାନ ପାଇଁ ଏହି କେନ୍ଦ୍ର ଏକ ସୃଜନଶୀଳ ପ୍ଲାଟଫର୍ମ ପ୍ରଦାନ କରିବ ।
