ଓଡ଼ଗାଁ,୨୯ା୯(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ବ୍ଲକ ବାଣ୍ଠପୁର ପଞ୍ଚାୟତ ଅଧୀନ ତୁଲୁବି ଗ୍ରାମକୁ ବିଖ୍ୟାତ ଗ୍ରାମରେ ପରିଣତ କରିଥିବା ପାହାଡ଼ି ମଣିଷ ହରିହର ବେହେରାଙ୍କ ମଙ୍ଗଳବାର ପରଲୋକ ହୋଇଥିଲା ା ତାଙ୍କ ପରିବାରକୁ ସହାୟତା ପ୍ରଦାନ କରିବାକୁ ସବୁ ମହଲରେ ଦାବି ହେଉଛି ା ନାବାଳକରୁ ସାବାଳକ ଓ ପରେ ପରିଣତ ବୟସ ପର୍ଯ୍ୟନ୍ତ ପାହାଡ଼ କାଟି ଗାଁକୁ ରାସ୍ତା ଫିଟାଇଥିବା ହରିହରଙ୍କ ପରଲୋକ ପରେ ତାଙ୍କ ପରିବାରର ୫ ସଦସ୍ୟା ଓ ଏକମାତ୍ର ଶିଶୁ ପୁତ୍ର ଅସହାୟ ହୋଇପଡିଛନ୍ତି ା ଜୀବନ ସାରା କୋଡି, କୋଦାଳ, ପିଲି ଶଗଡ ଦ୍ୱାରା ବଣ, ପାହାଡ କାଟି ଗାଁକୁ ରାସ୍ତା ଫିଟାଇବାରେ ନିମଗ୍ନ ରହିଥିବା ହରିହରଙ୍କ ସମ୍ପର୍କରେ ୨୦୧୦ ମାର୍ଚ୍ଚ ୨୮ରେ ଧରିତ୍ରୀରେ ଏକ ରିପୋର୍ଟ ପ୍ରକାଶ ପାଇବା ପରେ ସେ ଲୋକ ଲୋଚନବକୁ ଆସିଥିଲେ ା ହରିହରଙ୍କ ପରଲୋକ ପରେ ତାଙ୍କର ଦୁଇ ବିଧବା ସ୍ତ୍ରୀ, ଶିଶୁପୁତ୍ର, ବିଧବା ଭାଉଜ ସହିତ ଭାଣିଜୀ ଆଦି ୫ ପ୍ରାଣୀ କୁଟୁମ୍ବ ଅସହାୟ ହୋଇ ପଡିଛନ୍ତି ା ଏପରିସ୍ଥଳେ ଅସହାୟ ପରିବାରଙ୍କୁ ଛାତ୍ର କଂଗ୍ରେସ ସଭାପତି ଦିଲ୍ଲୀପ କୁମାର ବିଷୋୟୀ ବୁଧବାର ଭେଟି ସରକାରୀ ସହାୟତା ପ୍ରଦାନ କରିବାକୁ ବ୍ଲକ ପ୍ରଶାସନ ନିକଟରେ ଅନୁରୋଧ କରିଛନ୍ତି ା ବିଡିଓଙ୍କ ଅନୁପସି୍ଥତିିରେ ଅତିରିକ୍ତ ବିଡିଓ ଦିଲ୍ଲୀପଙ୍କ ଅନୁରୋଧ ପତ୍ର ଗ୍ରହଣ କରିବା ସହିତ ଆଲୋଚନା କରି ସରକାରୀ ସହାୟତା ପାଇଁ ପ୍ରତିଶ୍ରୁତି ଦେଇଛନ୍ତି ା
