କିଭ୍,୨୨।୩: ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦା ୟୁକ୍ରେନ ଗସ୍ତ ଯାଇ କିଭ୍ରେ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ଭେଟିଥିଲେ। ଏହି ସାକ୍ଷାତ ସମୟରେ ଉଭୟ ନେତା ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରିଥିଲେ।
ଦୁଇ ନେତାଙ୍କ ଆଲୋଚନା ପରେ ମିଳିତ ବିବୃତ୍ତିରେ ରୁଷିଆର ଆକ୍ରୋଶକୁ ସମାଲୋଚନା କରାଯାଇଥିଲା। ଏହି ବିବୃତ୍ତିରେ କୁହାଯାଇଛି, ରୁଷିଆର ଆକ୍ରୋଶ ନ୍ୟାୟ ଉପରେ ଆଧାରିତ ଅନ୍ତର୍ଜାତୀୟ ଆଦେଶକୁ ଉଲ୍ଲଂଘନ କରୁଛି। ଏଥି ସହିତ ଏହା ଜାତିସଂଘର ମୌଳିକ ନୀତିର ଉଲ୍ଲଂଘନ ବୋଲି ବିବୃତ୍ତିରେ କୁହାଯାଇଛି। ଫୁମିଓ କିଶିଦା ଏବଂ ଭୋଲୋଡିମିର ଜେଲେନସ୍କି ମଧ୍ୟ ଦୁଇ ଦେଶ ମଧ୍ୟରେ ସହଯୋଗ ବୃଦ୍ଧି କରିବାକୁ ସହମତ ହୋଇଥିଲେ।
ଜାପାନର ପ୍ରଧାନମନ୍ତ୍ରୀ ୟୁକ୍ରେନ ଗସ୍ତରେ ଯାଇଥିବାବେଳେ ଚାଇନା ରାଷ୍ଟ୍ରପତି ସି ଜିନପିଙ୍ଗ ରୁଷିଆ ଗସ୍ତରେ ଯାଇଥିଲେ। ୟୁକ୍ରେନ ଗସ୍ତ ପରେ କିଶିଦା ପୋଲାଣ୍ଡରେ ପହଞ୍ଚିଛନ୍ତି। ଭାରତ ଗସ୍ତ କରିବା ପରେ ଜାପାନର ପ୍ରଧାନମନ୍ତ୍ରୀ ୟୁକ୍ରେନ ଗସ୍ତରେ ଯାଇଥିଲେ।
