Posted inଖେଳ

ଟୁର୍ନାମେଣ୍ଟ ଛାଡ଼ିବାକୁ ରାଜି, ହେଲେ ଟିକା ନେବି ନାହିଁ: ଜୋକାଭିଚ୍‌

ୱାଶିଂଟନ,୧୫।୨: ଗୋଟିଏ ପଟେ ମହାମାରୀ କରୋନା ସହ ଲଢ଼ିବା ଲାଗି ଟିକାକରଣକୁ ଗୁରୁତ୍ୱ ଦିଆଯାଉଥିବା ବେଳେ ଟିକା ନ ନେବା ଜିଦରେ ଅଟଳ ରହିଛନ୍ତି ଟେନିସ ସୁପରଷ୍ଟାର ନୋଭାକ ଜୋକୋଭିଚ। ତାଙ୍କୁ ଟିକା ନେବାକୁ ବାଧ୍ୟ କରାଗଲେ ସେ ବିଭିନ୍ନ ଟୁର୍ନାମେଣ୍ଟରୁ ଓହରି ଯିବାକୁ ବେଶୀ ପସନ୍ଦ କରିବେ ବୋଲି କହିଛନ୍ତି।

ନିକଟରେ ଟିକା ନେଇ ନଥିବାରୁ ଜୋକୋଭିଚ୍‌ଙ୍କୁ ଅଷ୍ଟ୍ରେଲିଆ ଓପନରେ ଖେଳିବାକୁ ଅନୁମତି ମିଳି ନ ଥିଲା। ଏପରିକି ଟୁର୍ନାମେଣ୍ଟ ପୂର୍ବରୁ ଅଷ୍ଟ୍ରେଲିଆରେ ପହଞ୍ଚିଥିବା ଜୋକଭିଚଙ୍କ ଭିସାକୁ ସସପେଣ୍ଡ କରାଯାଇଥିଲା ଓ ତାଙ୍କୁ ଅଟକ କେନ୍ଦ୍ରରେ ମଧ୍ୟ ରଖାଯାଇଥିଲା। ଏହି ଘଟଣା ପରେ ବିବିସିକୁ ସାକ୍ଷାତକାର ଦେଇ ଜୋକୋଭିଚ୍‌ କହିଛନ୍ତି, ନିଜ ଶରୀର ଉପରେ ନିଷ୍ପତ୍ତି ନେବା ମୋ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ। କୌଣସି ଟାଇଟଲ ମୋ ଶରୀରଠାରୁ ବଡ଼ ନୁହେଁ।

ସାକ୍ଷାତକାର ବେଳେ ଖବରଦାତା ଜୋକାଭିଚ୍‌ଙ୍କୁ ଯଦି ଟିକା ନ ନେବା ପାଇଁ ତାଙ୍କୁ ଫ୍ରେଞ୍ଚ ଓପନ ଏବଂ ୱିମ୍ବଲଡନ୍‌ ଭଳି ବଡ଼ ଟୁର୍ନାମେଣ୍ଟରେ ଭାଗ ନେବାକୁ ଅନୁମତି ମିଳିବ ନାହିଁ, ତାହେଲେ ଆପଣ କ’ଣ କରିବେ ବୋଲି ପଚାରିଥିଲେ। ଏହାର ଜବାବରେ ସେ କହିଛନ୍ତି, ହଁ ଏଥିପାଇଁ ମୁଁ ସବୁ କିଛି ଛାଡ଼ିବାକୁ ପ୍ରସ୍ତୁତ ରହିଛି। ମୋର ଶରୀର ଉପରେ ନିଷ୍ପତ୍ତି ନେବା ମୋ ପାଇଁ ଗୁରୁତ୍ୱପୂର୍ଣ୍ଣ। ଏହି ନୀତିରେ ମୁଁ କେବେ ହେଲେ ବୁଝାମଣା କରିନାହିଁ। ଯେତେଦିନ ଯାଏ ସମ୍ଭବ ମୁଁ ମୋ ଶରୀରକୁ ଯତ୍ନର ସହ ରଖିବାକୁ ଚେଷ୍ଟା କରିବି। ସେଥିପାଇଁ ସବୁକିଛି ଛାଡ଼ିବାକୁ ମୁଁ ରାଜି।

ତେବେ ସର୍ବିଆର ଏହି ଷ୍ଟାର ଟେନିସ ତାରକା ଟିକାକରଣ ଅଭିଯାନକୁ ନେଇ କହିଛନ୍ତି, ମୁଁ କେବେ ହେଲେ ଟିକାକରଣ ବିରୋଧରେ ନାହିଁ। ବିଶ୍ୱସ୍ତରରେ ସମସ୍ତେ ଭାଇରସକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛନ୍ତି। ମୁଁ ମଧ୍ୟ ଆଶା କରୁଛି ଭାଇରସ ଉପରେ ବ୍ରେକ ଲାଗିବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୨୦୨୦ ଟୋକିଓ ଅଲିମ୍ପିକ୍ସ : ଏଫଆଇଏଚ୍‌ ମେଡିକାଲ ଅଫିସର ପ୍ୟାନେଲରେ ଓଡ଼ିଶାର ବିଭୂ

ଭୁବନେଶ୍ୱର, ୧୨।୯(କ୍ରୀଡ଼ା ପ୍ରତିନିଧି)- ବିଶ୍ୱ କ୍ରୀଡ଼ାର ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣ ଜାପାନର ଟୋକିଓଠାରେ ୨୦୨୦ ଜୁଲାଇ ୨୪ରୁ ଅଗଷ୍ଟ ୯ ପର୍ଯ୍ୟନ୍ତ ଅନୁଷ୍ଠିତ ହେବ।...

ଇଂଲଣ୍ଡର ପ୍ରାକ୍ତନ କ୍ରିକେଟର କହିଲେ ‘ଅନ୍ତିମ ମ୍ୟାଚ୍‌ରେ ଭାରତକୁ ରୋକିବା କଷ୍ଟକର’

ନୂଆଦିଲ୍ଲୀ,୨।୩ : କ୍ରମାଗତ ଦୁଇଟି ବିଜୟ ଯୋଗୁ ଭାରତୀୟ ଦଳର ଆତ୍ମବିଶ୍ୱାସ ଢ଼େର ବଢ଼ିଛି। ଅହମ୍ମଦାବାଦସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ଇଂଲଣ୍ଡ ବିପକ୍ଷ ଚତୁର୍ଥ ତଥା...

ମହଙ୍ଗା ପଡ଼ିଲା ଷ୍ଟମ୍ପକୁ ଗୋଇଠା ମାରିବା

ଢାକା,୧୩।୬: ବାଂଲାଦେଶର ଶାକିବ ଅଲ ହାସନ ଘରୋଇ ଟି୨୦ ମ୍ୟାଚ୍‌ବେଳେ ଅମ୍ପାୟରଙ୍କୁ ଗାଳି ଗୁଲଜ କରିବା ସହ ଉଇକେଟକୁ ଗୋଇଠା ମାରିବା ମହଙ୍ଗା ପଡ଼ିଛି। ଏହି...

ଭାରତ- ଓ୍ବେଷ୍ଟଇଣ୍ଡିଜ ଦ୍ୱିତୀୟ ଦିନିକିଆ

ପୋର୍ଟ ଅଫ୍‌ ସ୍ପେନ୍‌,୧୧।୮(ପି.ଟି.)- ବର୍ଷା ଯୋଗୁ ପ୍ରଥମ ଦିନିକିଆ ଧୋଇଯିବା ପରେ ଭାରତ ଓ ଘରୋଇ ଓ୍ବେଷ୍ଟଇଣ୍ଡିଜ ରବିବାର ସିରିଜର ଦ୍ୱିତୀୟ ମ୍ୟାଚ୍‌ରେ ପରସ୍ପରକୁ ଭେଟିବେ।...

୧୯ ବର୍ଷରୁ କମ୍‌ କ୍ରିକେଟ ଦଳରେ ମାଲକାନଗିରିର ବିଟୁ ସାମିଲ

ମାଲକାନଗିରି,୨୫ା୧୨ (ସ.ପ୍ର.): ମାଲକାନଗିରି ଜିଲାର ବିଟୁ ଶାହା ଓଡିଶା କ୍ରିକେଟ ଦଳରେ ସାମିଲ ହୋଇଛନ୍ତି। ୧୯ ବର୍ଷରୁ କମ୍‌ ଓଡିଶା କ୍ରିକେଟ ଦଳରେ ସେ ସ୍ଥାନ...

୧୩ ବର୍ଷ ହେଲା ଅପେକ୍ଷା କରିଛନ୍ତି କାର୍ତ୍ତିକ

ଚେନ୍ନାଇ, ୨୪।୪- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ରେ ନିଜ ଘରୋଇ ଫ୍ରାଞ୍ଚାଇଜ୍‌ ପକ୍ଷରୁ ଖେଳିବାକୁ ସବୁ ଖେଳାଳିଙ୍କର ଇଚ୍ଛା ଥାଏ। ମାତ୍ର ଏପରି କେତେଜଣ ତାରକା...

ସଙ୍କଟରେ ପାକିସ୍ତାନ କ୍ରିକେଟ

ଲଣ୍ଡନ,୨୧।୯: ସୁରକ୍ଷାଗତ କାରଣ ଦର୍ଶାଇ ପାକିସ୍ତାନରୁ ନ୍ୟୁଜିଲାଣ୍ଡ ଫେରିବାର ୩ ଦିନ ପରେ ପାକିସ୍ତାନ କ୍ରିକେଟ ବୋର୍ଡ(ପିସିବି)କୁ ଆଉ ଏକ ଶକ୍ତ ଧକ୍କା ଲାଗିଛି। ପରବର୍ତ୍ତୀ...

ଭାରତ ପାଇଁ ୪ ପଦକ ନିଶ୍ଚିତ

ନୂଆଦିଲ୍ଲୀ, ୨୦ା୪ (ପି.ଟି.)-ପୋଲାଣ୍ଡର କିଲ୍‌ସିଠାରେ ଚାଲିଥିବା ଉଭୟ ପୁରୁଷ ଓ ମହିଳା ଓ୍ବାଲର୍‌ଡ ୟୁଥ୍‌ ବକ୍ସିଂ ଚାମ୍ପିୟନଶିପ୍‌ରେ ଏସିଆନ ଚାମ୍ପିୟନ ଭିନ୍‌କା ଓ ଅଲଫିୟା ପଠାନଙ୍କ...

Advertisement
Archives

Model This Week