ମୁମ୍ବାଇ: ତେଲୁଗୁ ସୁପରଷ୍ଟାର ପ୍ରଭାସ ଆଜିକାଲି ହେଡଲାଇନରେ ଅଛନ୍ତି। ତାଙ୍କର ଚଳଚ୍ଚିତ୍ର ସାଲାର ଖୁବ୍ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଅପେକ୍ଷା କରିଛନ୍ତି। ପ୍ରଭାସ ତାଙ୍କ ବୃତ୍ତିଗତ ଜୀବନ ସହିତ ବ୍ୟକ୍ତିଗତ ଜୀବନ ପାଇଁ ମଧ୍ୟ ର୍ଚ୍ଚାରେ ରହିଛନ୍ତି। ପ୍ରଭାସଙ୍କ ନାମ ଅନୁଷ୍କା ଶେଟ୍ଟୀଙ୍କ ସହ ଯୋଡି ହୋଇଥିଲା। ଆଦିପୁରୁଷ ସମୟରେ ପ୍ରଭାସଙ୍କ ନାମ କ୍ରିତି ସାନନ ସହିତ ମଧ୍ୟ ସଂଯୁକ୍ତ ଥିଲା। ପ୍ରଶଂସକମାନେ ପ୍ରଭାସଙ୍କ ବିବାହକୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ସମୟରେ ତାଙ୍କ ବିବାହକୁ ନେଇ ଏକ ବଡ ଅପ୍ଡେଟ୍ ଆସିଛି।
ପ୍ରଭାସଙ୍କ ମାଉସୀ ଶ୍ୟାମଳା ଦେବୀ ତାଙ୍କ ବିବାହ ବିଷୟରେ ପ୍ରକାଶ କରିଛନ୍ତି। ଏକ ସାକ୍ଷାତକାରରେ ଶ୍ୟାମଳା ଦେବୀ କହିଛନ୍ତି- ଆମ ସହିତ ମା’ ଦୁର୍ଗାଙ୍କର ଆଶୀର୍ବାଦ ଅଛ। ଭଗବାନ ଆମ ସମସ୍ତଙ୍କର ଭଲ ଯତ୍ନ ନେବେ। ପ୍ରଭାସ ନିଶ୍ଚିତ ଭାବରେ ବିବାହ କରିବେ ଏବଂ ଏହା ଶୀଘ୍ର ହେବ। ଆମେ ତୁମ ସମସ୍ତଙ୍କୁ (ମିଡିଆ) ବିବାହକୁ ନିମନ୍ତ୍ରଣ କରିବୁ।
ପ୍ରଭାସ ତାଙ୍କ ବିବାହ ପାଇଁ ସ୍ଥାନ ସ୍ଥିର କରିସାରିଛନ୍ତି। ଆଦିପୁରୁଷର ପ୍ରମୋଶନ ସମୟରେ ପ୍ରଭାସ ତାଙ୍କ ବିବାହ ଯୋଜନା ବିଷୟରେ କହିଥିଲେ। ଯେତେବେଳେ ପ୍ରଭାସଙ୍କୁ ବିବାହ ବିଷୟରେ ପଚରାଗଲା, ସେ କହିଥିଲେ- ମୁଁ ତିରୁପତିରେ ବିବାହ କରିବି। ଏହି ଘୋଷଣା ଶୁଣିବା ପରେ ପ୍ରଶଂସକମାନେ ବହୁତ ଖୁସି ହୋଇଯାଇଥିଲେ। ତେବେ ପ୍ରଭାସ କେବେ ବିବାହ କରିବାକୁ ଯାଉଛନ୍ତି ତାଙ୍କ ଉତ୍ତରରେ କହି ନାହାଁନ୍ତି।
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ପ୍ରଭାସଙ୍କ ସାଲାର ୨୨ ଡିସେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରରେ ପ୍ରଭାସଙ୍କ ସହ ଶ୍ରୁତି ହାସନ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରଟି ଶାହାରୁଖ ଖାନଙ୍କ ଫିଲ୍ମ ଡଙ୍କି ସହିତ ସଂଘର୍ଷ କରିବାକୁ ଯାଉଛି। ଖ୍ରୀଷ୍ଟମାସ ଅବସରରେ ଉଭୟ ଫିଲ୍ମ ମୁକ୍ତିଲାଭ କରିବାପୁ ପ୍ରସ୍ତୁତ ହେଉଛି।
