୩୦ରେ ଡାକ ଅଦାଲତ
11:06 amDecember 12, 2020December 12, 2020 / 43

ଭୁବନେଶ୍ୱର,୧୨ା୧୨(ବ୍ୟୁରୋ): ୧୧୯ତମ ସର୍କଲସ୍ତରୀୟ ଡାକ ଅଦାଲତ ଆସନ୍ତା ଡିସେମ୍ବର ୩୦ ପୂର୍ବାହ୍ନ ୧୧ଟାରେ ଭୁବନେଶ୍ୱରସ୍ଥିତ ଚିଫ୍‌ ପୋଷ୍ଟ ମାଷ୍ଟର ଜେନେରାଲ କାର୍ଯ୍ୟାଳୟରେ ଅନୁଷ୍ଠିତ ହେବ। ସାଧାରଣତଃ ଏହି ଡାକ ଅଦାଲତ ତ୍ରୈମାସିକ ଭାବେ ପ୍ରତି ଡିଭିଜନ ଏବଂ ସର୍କଲ ସ୍ତରରେ ମାର୍ଚ୍ଚ, ଜୁନ୍‌, ସେପ୍ଟେମ୍ବର ଓ ଡିସେମ୍ବରରେ ଆୟୋଜିତ ହୋଇଥାଏ। ସାଧାରଣ ଲୋକେ ନିଜସ୍ବ ଅଭିଯୋଗକୁ ପ୍ରଥମେ ଡିଭିଜନସ୍ତରୀୟ ଡାକ ଅଦାଲତରେ ଉପସ୍ଥାପିତ କରିବେ। ସେଠାରୁ ସନ୍ତୋଷଜନକ ସମାଧାନ ନ ମିଳିଲେ ଅଭିଯୋଗକାରୀ ତାଙ୍କ ଅଭିଯୋଗକୁ ସର୍କଲସ୍ତରୀୟ ଡାକ ଅଦାଲତରେ ଉପସ୍ଥାପିତ କରିପାରିବେ। ତେବେ ଡାକଘର ସମ୍ବନ୍ଧିତ ଅଭିଯୋଗକୁ ତିନି କିତାରେ ଦାଖଲ କରିବାକୁ ପଡ଼ିଥାଏ। ଅଭିଯୋଗ ପରିସରଭୁକ୍ତ ଡାକଘର ରସିଦ୍‌ ଓ ପ୍ରମାଣପତ୍ର, ଅଭିଯୋଗ ବିବରଣୀ ଓ ଅଭିଯୋଗକାରୀଙ୍କର ନାମ ଏବଂ ସମ୍ପୂର୍ଣ୍ଣ ଡାକଠିକଣା ସହ ପୋଷ୍ଟମାଷ୍ଟର ଜେନେରାଲ୍‌ କିମ୍ବା ସହାୟକ ପୋଷ୍ଟମାଷ୍ଟର ଜେନେରାଲଙ୍କ କାର୍ଯ୍ୟାଳୟ ଠିକଣାରେ ପଠାଇବାକୁ ପଡିଥାଏ। ତେବେ ଡାକଘର ସ୍ଥାପନା, ନୂତନ ପଦବୀ ସୃଷ୍ଟି ଓ ଡାକଘର ଭଡ଼ା
ସମ୍ବନ୍ଧିତ ଅଭିଯୋଗ ଡାକ ଅଦାଲତର ବିଚାର ପରିସରଭୁକ୍ତ ନୁହେଁ ବୋଲି ଆସିଷ୍ଟାଣ୍ଟ ପିଏମ୍‌ଜି (ଗ୍ରିଭାନ୍ସ) ଜଣାଇଛନ୍ତି।