ମୁମ୍ବାଇ, ୪।୨: ବଲିଉଡ୍ରେ ‘ରଙ୍ଗିଲା ଗର୍ଲ’ ଭାବେ ପରିଚିତି ହାସଲ କରିଥିବା ଉର୍ମିଳା ମାତୋଣ୍ଡକରଙ୍କୁ ଗୁରୁବାର ୪୭ ବର୍ଷ ପୂରଣ ହୋଇଛି। ସେ ୪୮ ବର୍ଷରେ ପାଦ ଥାପିଛନ୍ତିି। ସେ ୧୯୭୪ ଜାନୁୟାରୀ ୪ରେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ତାଙ୍କ ମା ରୁକ୍ଶାନା ସୁଲତାନା ଜଣେ ମୁସଲମାନ ଥିବାବେଳେ ପିତା ଶିବିନ୍ଦର ସିଂ ଜଣ ପଞ୍ଜାବୀ ହିନ୍ଦୁ। ୧୯୭୭ରେ ସେ କର୍ମ ଫିଲ୍ମରେ ଅଭିନୟ କରିଥିଲେ। ତେବେ ୧୯୮୩ରେ ମାସୁମ ଫିଲ୍ମରେ ଶିଶୁ କଳାକାର ଭାବେ ଉର୍ମିଳାଙ୍କ ଅଭିନୟ ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା। ୧୯୯୧ରେ ସେ ନରସିଂହ୍ମାରେ ଅଭିନୟ କରିଥିଲେ। ୧୯୯୫ରେ ରାମଗୋପାଳ ବର୍ମାଙ୍କ ଫିଲ୍ମ ରଙ୍ଗିଲାରେ ଉର୍ମିଳାଙ୍କୁ ଷ୍ଟାର ଡମ ମିଳିଥିଲା। ୧୯୯୭ରେ ଜୁଦାଇ,୧୯୯୮ରେ ସତ୍ୟା, ୧୯୯୯ରେ ଖୁବସୁରତ୍, ୨୦୦୦ରେ ଜଙ୍ଗଲୀ ଆଦି ଫିଲ୍ମରେ ସେ ଉଲ୍ଲେଖନୀୟ ଅଭିନୟ କରିଥିଲେ। ରାମଗୋପାଳଙ୍କ ସହିତ ଉର୍ମିଳାଙ୍କ ପ୍ରେମ ସମ୍ପର୍କ ନେଇ ବଲିଉଡ୍ରେ ଚର୍ଚ୍ଚା ହୋଇଥିଲା। ତେବେ ୨୦୧୬ରେ ସେ ନିଜଠାରୁ ୧୦ ବର୍ଷ ବୟସ ସାନ କଶ୍ମୀର ବିଜନେସ ମ୍ୟାନ ମୋହସିନ ଅଖତର ମୀରଙ୍କୁ ଲୁଚାଛପାରେ ବିବାହ କରିଥିଲେ। ପରବର୍ତ୍ତୀ ସମୟରେ ସେ ରାଜନୀତିରେ ପାଦ ଦେଇ ୨୦୧୯ରେ ପ୍ରଥମେ କଂଗ୍ରେସ ଏବଂ ୨୦୨୦ରେ ଶିବସେନାରେ ଯୋଗ ଦେଇଛନ୍ତି।
