ମୁମ୍ବାଇ ପୋଲିସ ଯବାନ ଅମୋଲ ଯଶଓ୍ବନ୍ତ କାମ୍ବଲେ ଆଜିକାଲି ସୋସିଆଲ ମିଡିଆରେ ବେଶ୍ ଚର୍ଚ୍ଚା ହେଉଛନ୍ତି। କାମ୍ବଲେଙ୍କ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ୟୁଜରମାନେ ବେଶ୍ ପସନ୍ଦ କରିଛନ୍ତି।
୩୮ ବର୍ଷୀୟ କାମ୍ବଲେ ନିଜର ଡ୍ୟାନ୍ସ କ୍ଲିପ୍ର ଏକ ଭିଡିଓ ଇନ୍ଷ୍ଟାଗ୍ରାମରେ ଶେୟାର କରିଥିଲେ। ଯାହା ଖୁବ୍ ଲୋକପ୍ରିୟ ହୋଇଛି। ଲୋକେ ଏହି ଭିଡିଓକୁ ବହୁ ମାତ୍ରାରେ ଲାଇକ୍ ଏବଂ ଶେୟାର କରୁଛନ୍ତି।
କାମ୍ବଲେ ପୋଷ୍ଟ କରିଥିବା ଭିଡିଓରେ ‘ଆପୁ ରାଜା’ ଫିଲ୍ମର ଏକ ଗୀତରେ ଜବରଦସ୍ତ ଡ୍ୟାନ୍ସ କରିଥିବା ନଜର ଆସିଛନ୍ତି। ଏହି ଭିଡିଓକୁ ୨ ଲକ୍ଷରୁ ଅଧିକ ଥର ଦେଖାସରିଲାଣି।
କାମ୍ବଲେ ନାୟଗାଁ ପୋଲିସ ମୁଖ୍ୟାଳୟରେ ଚାକିରି କରିଛନ୍ତି। ତାଙ୍କର ଖୁବ୍ ସୁନ୍ଦର ଡ୍ୟାନ୍ସ ୟୁଜରଙ୍କ ମନ ଜିଣୁଛି। ସେ ବଲିଉଡ୍ ସୁପରଷ୍ଟାର ଗୋବିନ୍ଦାଙ୍କ ଷ୍ଟାଇଲ୍ରେ ଡ୍ୟାନ୍ସ କରିଛନ୍ତି। କାମ୍ବଲେଙ୍କର ୨୪ ଲକ୍ଷ ୮ ହଜାର ଫଲୋଅର୍ସ ଅଛନ୍ତି। କାମ୍ବଲେ କୁହନ୍ତି, ପିଲାଦିନରୁ ତାଙ୍କର ଡ୍ୟାନ୍ସ ପ୍ରତି ରୁଚି ଥିଲା। ମାତ୍ର ସେ କାହାଠାରୁ ତାଲିମ ନେଇନାହାନ୍ତି। ନକଲ କରୁ କରୁ ଡ୍ୟାନ୍ସ ଶିଖିଯାଇଛନ୍ତି।
