କେସିଙ୍ଗା,୧୦।୬( ତୁମେଶ୍ୱର ସାହୁ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦାରା ଗର୍ଭବତୀ ମହିଳା ଙ୍କନିରାପଦ ମାତୃତ୍ୱ ପ୍ରୋତ୍ସାହିତ ପାଇଁ ଗତ ୨୦୧୬ରେ ଆରମ୍ଭ କରାଯାଇଥିବା ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନକୁ ମଙ୍ଗଳବାର ୧୦ ବର୍ଷ ପୂର୍ତ୍ତି ହୋଇଛି। ଏହି ଉପଲକ୍ଷେ କେସିଙ୍ଗା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିସରରେ ମେଡ଼ିକାଲର ସୁପରିଟେଣ୍ଡେଣ୍ଟ ଡ଼.ରବୀନ୍ଦ୍ରନାଥ ଖଟୁଆଙ୍କ ନେତୃତ୍ୱରେ ଆଖ ପାଖ ଅଞ୍ଚଳ ପ୍ରାୟ ୧୦୧ ଜଣ ଗର୍ଭବତୀ ମହିଳାଙ୍କ ପାଇଁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ୧୦୦ରୁ ଉର୍ଦ୍ଧ୍ୱ ଗର୍ଭବତୀ ମହିଳାଙ୍କୁ ମାଗଣାରେ ବିଶେଷଜ୍ଞ ଡାକ୍ତର ଦାରା ବିଭିନ୍ନ ପରାମର୍ଶ ଦେବା ସହିତ ମାଗଣାରେ ଅଲଟ୍ରାସାଉଣ୍ଡ, ବିପଦ ସଙ୍କୁଳ ଗର୍ଭାବସ୍ଥା, ରକ୍ତସ୍ରାବ, ପରିସ୍ରା ପରୀକ୍ଷା, ଲୌହସାର ଓ କ୍ୟାଲସିୟମ ବାଟିକା ଓ ଟୀକାକରଣ, ସୁରକ୍ଷିତ ପ୍ରସବ ପାଇଁ ନିକଟତମ ପ୍ରଥମ ରେଫରାଲ ୟୁନିଟ ସହିତ ସମ୍ପର୍କ,ପୁଷ୍ଟିକର ଓ ସନ୍ତୁଳିତ ଆହାର ଭୋଜନ କରିବା ପାଇଁ ପରାମର୍ଶ ଦେଇଥିଲେ।
ଏହି କାର୍ଯ୍ୟକ୍ରମରେ ପରିବାର ନିୟୋଜନ ଉପରେ ବିଶେଷ ପରାମର୍ଶ ଦିଆଯାଇଥିଲା। ମାସର ପ୍ରତ୍ୟେକ ୯ ତାରିଖରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହେଉଥିଲେ ମଧ୍ୟ ଚଳିତ ମାସ ୯ ତାରିଖ ରେ ଉକ୍ତ ଯୋଜନାକୁ ୧୦ ବର୍ଷ ପୂର୍ତ୍ତି ହୋଇ ଥିବାରୁ ମାଗଣାରେ ଗର୍ଭବତୀ ମହିଳାଙ୍କ ପାଇଁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉକ୍ତ ସୁରକ୍ଷିତ ମାତୃତ୍ୱ ଅଭିଯାନର କାର୍ଯ୍ୟକ୍ରମରେ କେସିଙ୍ଗା ମେଡିକାଲ ର ଅଧିକ୍ଷକ ଡା. ରବିନ୍ଦ୍ର ନାଥ ଖଟୁଆ, ଗାଇନିକ ସ୍ପେଶିଆଲିଷ୍ଟ ଡା.ପ୍ରୟାଗ ପ୍ରତିଶ୍ରୁତି ମାଝୀ,ଫାର୍ମାସୀ ଅଫିସର ଗୋପାଳକ୍ରିଷ୍ଣ ପାଣିଗ୍ରାହୀ, ନର୍ସିଂ ଅଫିସର ସାରଥୀ ଦେଇ, ଆକାଉଣ୍ଟ ମେନେଜର ବିଶ ଭୂଷଣ ପ୍ରଧାନୀ,ଭଗବାନ ଗହିର, ଡିପ୍ତିମୟୀ ଧଙ୍ଗଡାମାଝି, ସରିତା ଶର୍ମା, ବିଭୁପ୍ରସାଦ ମହାପାତ୍ର, ଜୀତେନ୍ଦ୍ର କୁମାର ଦାସ, ସେୱତବହାନ ଭୋଇ, କ୍ଷୀରୋଦ ବେହେରା ଓ ରାଜକୁମାର ଭୋଇଙ୍କ ସମେତ ଅନ୍ୟ କର୍ମଚାରୀ ମାନେ ମଧ୍ୟ ଉପସ୍ଥିତ ରହି ଏହି କାର୍ଯ୍ୟକ୍ରମ ସଫଳ କରିଥିଲେ।
Dharitri – Odisha’s No.1 Odia Daily
