ନୂଆଦିଲ୍ଲୀ,୨୬।୧୨: ଭାରତୀୟ ରେଲଓ୍ବକୁ ଏକ ନୂଆ ରୂପ ଏବଂ ଗତି ଦେଇଥିବା ବନ୍ଦେ ଭାରତ ଏକ୍ସପ୍ରେସ ପରେ ବର୍ତ୍ତମାନ ଅମୃତ ଭାରତ ଏକ୍ସପ୍ରେସ ଟ୍ରାକରେ ଚାଲିବାକୁ ପ୍ରସ୍ତୁତ ଅଛି। ଡିସେମ୍ବର ୩୦ରେ ଅଯୋଧ୍ୟାରେ ରାମ ମନ୍ଦିର ଉଦ୍ଘାଟନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇଟି ଅମୃତ ଭାରତ ଏକ୍ସପ୍ରେସ ଟ୍ରେନକୁ ଦେଶକୁ ଉତ୍ସର୍ଗ କରିବେ। କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ସୋମବାର ନୂଆଦିଲ୍ଲୀ ରେଳ ଷ୍ଟେଶନରେ ଅମୃତ ଭାରତ ଟ୍ରେନ ର଼୍ୟାକ ଯାଞ୍ଚ କରିଛନ୍ତି। ରେଳ ମନ୍ତ୍ରୀ ଅମୃତ ଭାରତ ଟ୍ରେନରେ ବ୍ୟବହୃତ ଆଧୁନିକ ଏବଂ ଉନ୍ନତ ଜ୍ଞାନକୌଶଳକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଅମୃତ ଭାରତ ଟ୍ରେନ ପୁସ-ପୁଲ ଟେକ୍ନୋଲୋଜି ଉପରେ ଆଧାରିତ। ପ୍ରଥମ ଅମୃତ ଭାରତ ଏକ୍ସପ୍ରେସ ଟ୍ରେନ ୟୁପିର ଅଯୋଧ୍ୟା ଠାରୁ ବିହାରର ଦରଭଙ୍ଗା ଏବଂ ଦ୍ୱିତୀୟଟି ବେଙ୍ଗାଲୁରୁରୁ ମାଲଦା ପର୍ଯ୍ୟନ୍ତ ଚଳାଚଳ କରିବ।
