ନୂଆଦିଲ୍ଲୀ,୨୮।୨ : ଲିଭ୍-ଇନ୍ ସମ୍ପର୍କର ପଞ୍ଜୀକରଣ ଏବଂ ଏହାକୁ ବାଧ୍ୟତାମୂଳକ ଭାବେ କାର୍ଯ୍ୟକାରୀ କରିବା ପାଇଁ ସୁପ୍ରିମକୋର୍ଟରେ ଏକ ଆବେଦନ କରାଯାଇଛି। ଏହି ଆବେଦନରେ ଶ୍ରଦ୍ଧା ୱାକର ଏବଂ ନିକ୍କି ଯାଦବଙ୍କ ହତ୍ୟା ମାମଲା ଉଲ୍ଲେଖ କରାଯାଇଛି। ଆବେଦନରେ କୁହାଯାଇଛି ଯେ, ଏପରି ସମ୍ପର୍କ ଏକ ଗୁପ୍ତ ଢଙ୍ଗରେ ଚାଲିଛି। କ୍ରମାଗତ ଭାବେ ଏହା ଜଘନ୍ୟ ଅପରାଧର କାରଣ ପାଲଟିଛି।
ଲିଭ୍-ଇନ୍ ପାର୍ଟନରଙ୍କ ସୁରକ୍ଷା ପାଇଁ ପୋଲିସ ସେମାନଙ୍କ ସମ୍ପର୍କ ବିଷୟରେ ସୂଚନା ପାଇବା ଆବଶ୍ୟକ। ସୁପ୍ରିମକୋର୍ଟର ଓକିଲ ମମତା ରାନୀଙ୍କ ଆବେଦନରେ ଲିଭ୍-ଇନ୍ରେ ରହୁଥିବା ଲୋକଙ୍କ ସଂଖ୍ୟା ସମ୍ପର୍କରେ ତଥ୍ୟ ସଂଗ୍ରହ କରିବାକୁ ମଧ୍ୟ ଦାବି କରାଯାଇଛି।
ଏନେଇ କୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେବା ଉଚିତ ବୋଲି ଆବେଦନରେ କୁହାଯାଇଛି। ଆବେଦନକାରୀ ଯୁକ୍ତି କରିଛନ୍ତି ଯେ ଲିଭ୍-ଇନ୍ ସମ୍ପର୍କର ପଞ୍ଜୀକରଣ ବାଧ୍ୟତାମୂଳକ କରାଯିବା ପରେ ହିଁ ଏହି ସଂଖ୍ୟା ସମ୍ବନ୍ଧୀୟ ସୂଚନା ଉପଲବ୍ଧ ହେବ।
ଆବେଦନରେ ଏହା ମଧ୍ୟ କୁହାଯାଇଛି ଯେ ଅନେକ ଆଦେଶରେ ସୁପ୍ରିମକୋର୍ଟ ଲିଭ୍-ଇନ୍ରେ ସମ୍ପର୍କରେ ରହୁଥିବା ଲୋକଙ୍କୁ ବିପଦର ସମ୍ମୁଖୀନ ହେଉଛନ୍ତି। ଏହିପରି ସମ୍ପର୍କଗୁଡିକ ମୌ ଳିକ ଅଧିକାରର ପରିସର ମଧ୍ୟରେ ବିବେଚନା କରାଯାଏ, କିନ୍ତୁ ଏହିପରି ସମ୍ପର୍କର ପଞ୍ଜୀକରଣ ପାଇଁ କୌଣସି ବ୍ୟବସ୍ଥା ନାହିଁ ।
