ଅକ୍ଟୋବର ୭ ଗୁରୁବାରରୁ ଆରମ୍ଭ ହୋଇଛି ନବରାତ୍ରି। ଠିକ୍ ୮ ଦିନ ପରେ ଅର୍ଥାତ ଅକ୍ଟୋବର ୧୪ରେ ଏହା ଶେଷ ହେବ। ନବରାତ୍ରିରେ ମା’ ଦୁର୍ଗାଙ୍କ ନଅ ରୂପର ପୂଜା କରାଯାଇଥାଏ। ଏହି ସମୟରେ କିଛି ରାଶିର ଜାତକଧାରୀଙ୍କ ଉପରେ ମା’ ଦୁର୍ଗାଙ୍କ କୃପା ବୃଷ୍ଟି ହୋଇଥାଏ। ସେମାନଙ୍କର ସମସ୍ତ ଦୁଃଖ ଦୂର ହେବା ସହ ଘର ଧନଧାନ୍ୟରେ ପରିପୂର୍ଣ୍ଣ ହୋଇଯାଏ।
ଜ୍ୟୋତିଷଶାସ୍ତ୍ର ଅନୁଯାୟୀ ନବରାତ୍ରି ଆରମ୍ଭରୁ ୩୦ ଅକ୍ଟୋବର ମଧ୍ୟରେ ତିନୋଟି ରାଶିର ଜାତକଧାରୀଙ୍କ ଉପରେ ମା’ ଲକ୍ଷ୍ମୀ ପ୍ରସନ୍ନ ରହିବେ। ସେମାନଙ୍କର ସମସ୍ତ ଅଟକିଥିବା କାମ ପୂର୍ଣ୍ଣ ହେବ ଏବଂ ସମସ୍ତ ଆର୍ଥିକ ସଙ୍କଟ ଦୂର ହୋଇଯିବ। ଆସନ୍ତୁ ଜାଣିବା:-
ମିଥୁନ ରାଶି: ଏହି ରାଶିର ଜାତକଧାରୀଙ୍କ ପାଇଁ ଏହି ସମୟ ଅତ୍ୟନ୍ତ ଶୁଭ। ଚାକିରି ଏବଂ ବ୍ୟାପାରରେ ଏମାନେ ଉନ୍ନତି କରିବେ। କର୍ମକ୍ଷେତ୍ରରେ ପ୍ରଶଂସା ବୃଦ୍ଧି ପାଇବ। ମା’ ଲକ୍ଷ୍ମୀଙ୍କ କୃପାରୁ ଘର ଧନଧାନ୍ୟରେ ପୂରି ଉଠିବ। ଜୀବନସାଥୀଙ୍କ ସହ ସମ୍ପର୍କ ମଜଭୂତ ହେବ। ଅଟକି ରହିଥିବା ସମସ୍ତ କାର୍ଯ୍ୟ ସମ୍ପୂର୍ଣ୍ଣ ହେବ।
କନ୍ୟା ରାଶି: ଏହି ରାଶିର ଜାତକଧାରୀଙ୍କ ମାନସମ୍ମାନ-ଆତ୍ମବିଶ୍ୱାସ ବୃଦ୍ଧି ହେବ। ଏହି ରାଶିର ଜାତକଧାରୀଙ୍କ ପାଇଁ ଏହି ସମୟ ଉତ୍କୃଷ୍ଟ ହୋଇଥିବାରୁ ପଦ-ପ୍ରତିଷ୍ଠା ବୃଦ୍ଧି ହେବ। ଏହି ସମୟରେ ସମସ୍ତ କାର୍ଯ୍ୟରେ ସଫଳ ହେବେ। ଆର୍ଥିକ ଲାଭ ହେବ। ଧାର୍ମିକ ଏବଂ ଆଧ୍ୟାତ୍ମିକ କାର୍ଯ୍ୟରେ ରୁଚି ବଢ଼ିବ।
କର୍କଟ ରାଶି: ଏହି ସମୟ ମଧ୍ୟରେ କର୍କଟ ରାଶିର ଜାତକଧାରୀଙ୍କ ଧନ ଲାଭ ହେବ। ଏହି ରାଶିର ଜାତକଧାରୀଙ୍କ ପାଇଁ ସମୟ କୌଣସି ବରଦାନ ଠାରୁ କମ୍ ନୁହନ୍ତି। ପରିବାରରେ ଖୁସି ବଢ଼ିବ। ମା’ ଲକ୍ଷ୍ମୀଙ୍କ କୃପାରୁ ସମସ୍ତ କାର୍ଯ୍ୟ ହେବ। ଜୀବନରେ ସୁଖ ସମୃଦ୍ଧି ବଢ଼ିବ।
