ଭୁବନେଶ୍ୱର, ୨୪।୫ (ବ୍ୟୁରୋ): ଭାରତୀୟ ରାଜନୀତିରୁ ପରିବାରବାଦକୁ ସମାପ୍ତ କରିବା ପାଇଁ ଯୁବ ଚେତନା ସଂଗ୍ରାମ କରୁଛି। ଗଁା, ଗରିବ ଶ୍ରେଣୀ, ଚାଷୀ, ଶ୍ରମିକ ଏବଂ ଯୁବବର୍ଗଙ୍କ ଉତ୍ଥାନ ପାଇଁ ପ୍ରୟାସ ଜାରି ରଖିଛି। ଗ୍ରାମ ସ୍ତରରେ ଯୁବ ଚେତନାର ସଂଗଠନକୁ ସଶକ୍ତ କରିବାକୁ ପଡିବ। ଭାରତ ମାତାକୁ ବିଶ୍ୱଗୁରୁ କରିବା ପାଇଁ ପ୍ରତ୍ୟେକ ବ୍ୟକ୍ତିଙ୍କୁ ଆଗକୁ ଆସିବାକୁ ପଡ଼ିବ ବୋଲି ଦେଶ ଭ୍ରମଣରେ ଥିବା ଯୁବ ଚେତନାର ରାଷ୍ଟ୍ରୀୟ ସଂଯୋଜକ ରୋହିତ କୁମାର ସିଂହ କହିଛନ୍ତି। ରୋହିତ ସୋମବାର ଭୁବନେଶ୍ୱରଠାରେ ଗଣମାଧ୍ୟମକୁ ସୂଚନା ଦେଇ କହିଛନ୍ତି, ଗାନ୍ଧୀ ଓ ଆମ୍ବେଡ଼କରଙ୍କ ଦେଶରେ ଲୋକତନ୍ତ୍ର ଏବଂ ସମ୍ବିଧାନକୁ କେବେ ବି ବିପଦ ଆସିପାରିବ ନାହିଁ। ତେବେ ଦେଶର ଜନତାଙ୍କୁ ଏକ ନୂଆ ବିକଳ୍ପ ଆବଶ୍ୟକ। ଆମ ଦେଶବାସୀ ପ୍ରଭୁ ରାମଙ୍କ ଉପରେ ବିଶ୍ୱାସ ରଖୁଛନ୍ତି। ତେଣୁ ଦେଶର ଯୁବପିଢ଼ିଙ୍କୁ ଶ୍ରୀରାମଙ୍କ ଜୀବନୀରୁ ଶିକ୍ଷା ନେବା ଆବଶ୍ୟକ। ଆମେ ଅସ୍ଫାକୁଲ୍ଲାହ ଖାନ୍ ଓ ଡ. ଏପିଜେ ଅବ୍ଦୁଲ କଲାମ ଦେଖାଇଥିବା ପଥରେ ଅଗ୍ରସର ହେଉଥିବାବେଳେ ଓରଙ୍ଗଜେବ ଭଳି ଅତ୍ୟାଚାରୀଙ୍କୁ ବିରୋଧ କରୁଛୁ। ଦେଶବାସୀ କଲାମ୍ଙ୍କ ନିକଟରେ ଋଣୀ ଅଟନ୍ତି। ଓଡ଼ିଶାର ଲୋକମାନେ ଦେଶର ଉତ୍ଥାନରେ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି। ତେଣୁ ରାଜ୍ୟର ୩୦ ଜିଲାରେ ଯୁବ ଚେତନାର ସଂଗଠନକୁ ସଶକ୍ତ କରାଯିବ। ଏଠାକାର ଯୁବବର୍ଗଙ୍କୁ ଯୁବ ଚେତନା ସହ ଯୋଡ଼ିବା ପାଇଁ ଗଁା ସ୍ତରରେ ଅଭିଯାନ ଆରମ୍ଭ କରାଯିବ ବୋଲି ରୋହିତ କହିଛନ୍ତି।
