ପୁରୀ ଅଫିସ,୨୯ା୩: ପୁରୀ ରେଳ ଷ୍ଟେଶନ ନିକଟରେ ସୋମବାର ଅପରାହ୍ନରେ ଏକ ଅଘଟଣ ଘଟିଛି। ଗୁଣପୁର-ପୁରୀ ଏକ୍ସପ୍ରେସ ଟ୍ରେନଟି ସଂଟିଙ୍ଗ କରୁଥିବା ସମୟରେ ଦୁଇଟି ବଗି ଲାଇନ୍ଚ୍ୟୁତ ହୋଇଛି। ଅପରାହ୍ନ ପ୍ରାୟ ୨ଟା ୫୦ରେ ଗୁଣପୁର-ପୁରୀ ଏକ୍ସପ୍ରେସ ଟ୍ରେନ ନଂ. ୧୮୪୧୮ଟି ରେଳ ଷ୍ଟେଶନରେ ପହଞ୍ଚତ୍ବା ପରେ ଯାତ୍ରୀମାନେ ସବୁ ଓହ୍ଲାଇ ପଡ଼ିଥିଲେ। ପରେ ପ୍ରାୟ ଅପରାହ୍ନ ୩ଟାରୁ ୩ଟା ୩୦ମଧ୍ୟରେ ଏହି ଟ୍ରେନଟି ପଛକୁ ଫେରି ବହି ର୍ବିଭାଗ ସ୍ଥାନରେ ସଂଟିଙ୍ଗ କରୁଥିବା ସମୟରେ ହଠାତ୍ ଟ୍ରେନ୍ର ଶେଷ ଦୁଇ ବଗି(ନଂ.୧୪୪୭୭୨ ଏବଂ ୧୫୪୨୪୨) ଲାଇନ୍ଚ୍ୟୁତ ହୋଇଯାଇଥିଲା। ଖବରପାଇ ତତ୍କ୍ଷଣାତ ରେଳ କର୍ମଚାରୀ ଓ ଅଧିକାରୀ ଘଟଣାସ୍ଥଳରେ ପହଞ୍ଚତ୍ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ପରେ ଟ୍ରେନ ସୁରକ୍ଷିତ ଥିବା ଅନ୍ୟ ୧୦ଟି ବଗିକୁ ଲାଇନ୍ଚ୍ୟୁତ ହୋଇଥିବା ୨ବଗିରୁ ସୁରକ୍ଷିତ ଭାବେ ଅଲଗା କରି ସେଠାରୁ ସ୍ଥାନାନ୍ତର କରାଯାଇଥିଲା। ପରେ ଦୁର୍ଘଟଣାଗ୍ରସ୍ତ ୨ଟି ବଗିକୁ ସ୍ଥାନାନ୍ତର ପାଇଁ ଖୋର୍ଦ୍ଧା ରେଳ ଡିଭିଜନରୁ କ୍ରେନ ଓ ଅନ୍ୟାନ୍ୟ ଯନ୍ତ୍ରାଂଶ ମଗାଯାଇଥିଲା। ଅପରପକ୍ଷେ ଡାଉନ ଲାଇନ ନିକଟରେ ଏହି ରେଳ ବଗି ଲାଇନଚ୍ୟୁତ ହୋଇଥିବା ସତ୍ତ୍ୱେ ରେଳ ଚଳାଚଳରେ କୌଣସି ପ୍ରଭାବ ପଡ଼ି ନଥିବା ଜଣାପଡିଛି। ଦୁର୍ଘଟଣାଗ୍ରସ୍ତ ଟ୍ରେନରେ ସୌଭାଗ୍ୟବଶତଃ କୌଣସି ପାସେଞ୍ଜର ନ ଥିବା ହେତୁ ବଡ଼ଧରଣର ଦୁର୍ଘଟଣାରୁ ବର୍ତ୍ତିଯାଇଛି। ପରେ ଖୋର୍ଦ୍ଧା ଡିଭିଜନର ଡିଏନ୍ ହେଡକ୍ୱାର୍ଟର ଚନ୍ଦ୍ରଭାନୁ ନାୟକ ଘଟଣାସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଥିଲେ। ତାଙ୍କର କହିବା ଅନୁଯାୟୀ, ଟ୍ରେନ୍ର ଗୋଟିଏ ବଗି ସମ୍ପୂର୍ଣ୍ଣ ଭାବେ ଲାଇନଚ୍ୟୁତ ହୋଇଛି ଏବଂ ଅନ୍ୟ ଏକ ବଗି ସାମାନ୍ୟ ଲାଇନଚ୍ୟୁତ ହୋଇଛି। ଟ୍ରେନ୍ ଚଳାଚଳରେ ଯେପରି କୌଣସି ଅସୁବିଧା ନହେବ, ସେଥିପାଇଁ ରେଳ ବିଭାଗ ପକ୍ଷରୁ ବ୍ୟବସ୍ଥା କରାଯାଇଛି। ଅନ୍ୟ ଲାଇନ ଦେଇ ଅନ୍ୟ ସମସ୍ତ ଗାଡିଗୁଡିକ ନିର୍ଦ୍ଧାରିତ ସମୟରେ ଯାତାୟାତ କରୁଛି। ତେବେ କିଭଳି ଓ କେଉଁ ପରିସ୍ଥିତିରେ ଟ୍ରେନର ବଗି ଲାଇନଚ୍ୟୁତ ହୋଇଛି ତାହା ତଦନ୍ତ ହେବ। ଏଥିପାଇଁ ଟିମ୍ ଆସି ଅନୁସନ୍ଧାନ କରିବେ ବୋଲି ନାୟକ କହିଛନ୍ତି। ଅପରପକ୍ଷେ ଘଟଣା ଘଟିବାର ପ୍ରାୟ ୩ ଘଣ୍ଟା ପରେ ଖୋର୍ଦ୍ଧା ରୋଡରୁ ଟୁଲ କିଟ୍ ରେଳ ଭ୍ୟାନ ବିଭିନ୍ନ ସରଞ୍ଜାମ ସହ ଘଟଣାସ୍ଥଳରେ ପହଞ୍ଚତ୍ଥିଲା। ଲାଇନ୍ଚ୍ୟୁତ ହୋଇଥିବା ୨ବଗିକୁ କିପରି ଲାଇନକୁ ଅଣାଯିବ, ସେନେଇ ପ୍ରୟାସ ଆରମ୍ଭ କରିଛି। ଏଥିପାଇଁ କର୍ମଚାରୀମାନଙ୍କ ପକ୍ଷରୁ ଟ୍ରେନ ଲାଇନର ମାପଚୁପ କରାଯିବା ସହ ବିଭିନ୍ନ ଯନ୍ତ୍ର ସଂଯୋଗ କରାଯାଇ କାର୍ଯ୍ୟ ଆରମ୍ଭ କରାଯାଇଛି। ବଗିଗୁଡିକୁ ଲାଇନକୁ ଆଣିବା ପାଇଁ ଘଟଣାସ୍ଥଳରେ ରେଳ ବିଭାଗର ବରିଷ୍ଠ ଅଧିକାରୀଙ୍କ ସମେତ ମେକାନିକାଲ ବିଭାଗର ଅଧିକାରୀ ଓ କର୍ମଚାରୀମାନେ ଉପସ୍ଥିତ ରହି କାର୍ଯ୍ୟକୁ ତ୍ୱରାନ୍ବିତ କରୁଛନ୍ତି।
