ନୂଆଦିଲ୍ଲୀ,୩।୨: ଠିକ୍ ସମୟରେ ନିର୍ବାଚନ ପରିଚାଳନା କରିବାରେ ବିଫଳ ହେବାରୁ କ୍ରୀଡା ମନ୍ତ୍ରଣାଳୟ ଶନିବାର ଭାରତର ପାରାଲିମ୍ପିକ୍ କମିଟି(ପିସିଆଇ)କୁ ନିଲମ୍ବନ କରିବାକୁ ନିଷ୍ପତ୍ତି ନେଇଛି। ଏକ ବିବୃତ୍ତିରେ କ୍ରୀଡା ମନ୍ତ୍ରଣାଳୟ କହିଛି ଯେ ମାର୍ଚ୍ଚ ୨୮ ରେ ନିର୍ବାଚନ ଅନୁଷ୍ଠିତ ହେବ ବୋଲି ପିସିଆଇ ଘୋଷଣା କରିଛି, ଯାହା ପୂର୍ବ କାର୍ଯ୍ୟନିର୍ବାହୀ କମିଟିର କାର୍ଯ୍ୟକାଳ ଶେଷ ହେବାର ଦୁଇମାସ ବ୍ୟବଧାନ ପରେ ହେବ।
“ପିସିଆଇ ଶେଷ ନିର୍ବାଚନ ସେପ୍ଟେମ୍ବର ୨୦୧୯ ରେ ଅନୁଷ୍ଠିତ ହୋଇଥିଲା କିନ୍ତୁ ଦିଲ୍ଲୀ ହାଇକୋର୍ଟ ନିର୍ବାଚନର ବିଜ୍ଞପ୍ତି ଋଦ୍ଧ କରିଥିଲେ ଏବଂ ରିଟର୍ଣ୍ଣିଂ ଅଫିସର ମଧ୍ୟ ଫଳାଫଳ ଘୋଷଣା କରିବାକୁ ବାରଣ କରାଯାଇଥିଲା। ଏହିପରି, ନିର୍ବାଚନର ଫଳାଫଳ ଘୋଷଣା କରାଯାଇ ନଥିଲା। ଉକ୍ତ ଆବେଦନ ପରେ ଦିଲ୍ଲୀ ହାଇକୋର୍ଟର ଉପରୋକ୍ତ ଆଦେଶ ଅନୁଯାୟୀ ରିଟର୍ଣ୍ଣିଂ ଅଫିସର ୩୧.୦୧.୨୦୨୦ ରେ ନିର୍ବାଚନ ଫଳାଫଳ ଘୋଷଣା କରିଥିଲେ। ଏହାପରେ ପିସିଆଇର କାର୍ୟ୍ୟନିର୍ବାହୀ କମିଟିର ଚାରି ବର୍ଷର କାର୍ୟ୍ୟକାଳ ୩୧ ଜାନୁଆରୀ ୨୦୨୪ରେ ଶେଷ ହୋଇଛି।
ଅନ୍ୟପଟେ କ୍ରୀଡା ମନ୍ତ୍ରଣାଳୟ ଏହାର ବିବୃତ୍ତିରେ କହିଛି ଯେ ମାର୍ଚ୍ଚ ୨୮ ରେ ନିର୍ବାଚନ କରିବାକୁ ପିସିଆଇର ଏହି ପଦକ୍ଷେପ ବିନା କୌଣସି ଯାତାର୍ଥ କାରଣ ବିନା ଉଦ୍ଦେଶ୍ୟମୂଳକ ନିଷ୍ପତ୍ତି। ଏହିପରି ବିଫଳତା ଗଣତାନ୍ତ୍ରିକତାକୁ କ୍ଷୁର୍ଣ୍ଣ କରୁଛି। ନ୍ୟାସନାଲ ସ୍ପୋର୍ଟସ୍ ଡେଭଲପମେଣ୍ଟ୍ କୋଡ୍ ଅଫ୍ ଇଣ୍ଡିଆ ଅଧୀନରେ ବାଧ୍ୟତାମୂଳକ ପ୍ରକ୍ରିୟା ଏବଂ ଉତ୍ତମ ଶାସନର ନୀତିଗୁଡିକ। ଅନ୍ୟାନ୍ୟ ଜାତୀୟ କ୍ରୀଡ଼ା ଫେଡେରେସନ୍ ସହିତ ସମାନ ଭାବରେ ଭାରତୀୟ କ୍ରୀଡ଼ାରେ ସ୍ୱଚ୍ଛ ତଥା ଗଣତାନ୍ତ୍ରିକ ଶାସନକୁ ସୁନିଶ୍ଚିତ କରିବା ପାଇଁ କ୍ରୀଡ଼ା ସଂକେତ ପାଳନ କରିବା ଜରୁରୀ ଅଟେ। “