ବିପଦରେ ପାରାଦୀପ ଭ୍ୟୁ ଟାୱାର

ପାରାଦୀପ,୧୨ା୧(ସ୍ବ.ପ୍ର.): ପାରାଦୀପର ପର୍ଯ୍ୟଟକଙ୍କ ପାଇଁ ସବୁଠାରୁ ଆକର୍ଷଣ ସ୍ଥାନ ନେହେରୁବଙ୍ଗଳା ମନ୍ମଦ ଉଦ୍ୟାନ ଅଞ୍ଚଳ। ଏବେ ଏହା ବିପଦରେ। କାରଣ ମହାନଦୀ ମୁହାଣରେ ତଟକ୍ଷୟ ବର୍ଷେ ହେଲା ହେବାରେ ଲାଗିଛି। ଏପରିକି ମୁହାଣ ପଥରବନ୍ଧଠାରୁ ମାଛଧରା ବନ୍ଦର ପର୍ଯ୍ୟନ୍ତ ନଦୀ ତଟ କ୍ଷୟ ହେବା ଯୋଗୁ ପ୍ରାୟ ୧୦୦ଏକର ଜାଗା ଲୀନ ହୋଇଗଲାଣି। ସେଥିରେ ଥିବା ଶତାଧିକ ଗଛ ନଷ୍ଟ ହୋଇଯାଇଛି। ଏବେବି କେତେକ ଗଛ ଅଧା ପାଣିରେ ଅଣେଇ ହୋଇ ରହିଛି। ସାମାନ୍ୟ ପାଗ ପ୍ରତିକୂଳ ହେଲେ ନଦୀତଟରେ ପାଣି ମାଡୁଛି। ବିଶେଷକରି ସମୁଦ୍ର ଅଶାନ୍ତ କିମ୍ବା ବାତ୍ୟା, ବନ୍ୟା ବେଳେ ଅଧିକ ମାତ୍ରାରେ କୂଳ ଖାଇବାରେ ଲାଗିଛି। ସବୁଠାରୁ ବଡ଼ ଅସୁବିଧା ଏବେ ପାରାଦୀପର ଏକମାତ୍ର ଭ୍ୟୁ ଟାୱାର ପ୍ରତି ରହିଛି। ଉକ୍ତ ଘରର ତଳଭାଗ ଏକ ତୃତୀୟାଂଶ ଖାଇ ଗଲାଣି। ଶୌଚାଳୟ ପାଣିରେ ଯାଇଛି। ଏବେ ସେହି ଭ୍ୟୁ ଟାୱାର ଘର ଯେକୌଣସି ସମୟରେ ଭୁଶୁଡି ପଡିବାର ଆଶଙ୍କା ରହିଛି। ଉକ୍ତ ଭ୍ୟୁ ଟାୱାର ପାରାଦୀପ ବନ୍ଦର ପ୍ରଶାସନ ପକ୍ଷରୁ ୧୯୯୨ରେ ନିର୍ମାଣ କରାଯାଇଥିଲା। ସେହି ଘରକୁ ସେଠାକାର ସ୍ବର୍ଣ୍ଣମୟୀ ମହିଳା ସ୍ବୟଂ ସହାୟକ ଗୋଷ୍ଠୀ ପରିଚାଳନା କରୁଛନ୍ତି। ପର୍ଯ୍ୟଟକଙ୍କ ପାଇଁ ମହିଳାମାନେ ଆନୁଷଙ୍ଗିକ ସହାୟତା ଯୋଗାଇ ଦେଇଥାନ୍ତି। ସେହି ଘରର ଉପର ମହଲାରେ ମହାନଦୀ ମୁହାଣ ସ୍ଥଳର ମିଳନ ସ୍ଥଳ ଦେଖିବାର ସୁଯୋଗ ଅଛି। ଏବେ ଘର ବିପଦସଙ୍କୁଳ ଭାବେ ଥିବାରୁ ଉପର ମହଲାକୁ ଲୋକଙ୍କ ପାଇଁ ଆମେ ମନା କରୁଛୁ ବୋଲି ଏସ୍‌ଏଚ୍‌ଜି ମହିଳା ପୁରବୀ ମଣ୍ଡଳ କହିଛନ୍ତି। ମନ୍ମଦ ଉଦ୍ୟାନର ପାରାଦୀପ ବନ୍ଦର କେତେକ ଆକର୍ଷଣୀୟ ବଗିଚା ରହିଛି। ପାନୀୟ ଜଳ ଟାଙ୍କି ମଧ୍ୟ କରାଯାଇଛି। ପାରାଦୀପ ପୌରପାଳିକା ମଧ୍ୟ ସେଠାରେ ପିଲାଙ୍କ ପାଇଁ ମୁକ୍ତ ବ୍ୟାୟାମ ଉପକରଣ ଲଗାଇଛନ୍ତି। ଏହାବାଦ୍‌ ଚାଲିବା ପାଇଁ ଟାଇଲ ରାସ୍ତା, ଶୌଚାଳୟ, ଭୋଜି ପାଇଁ ପିଣ୍ଡି, ଗାଡି ପାର୍କିଂ ପାଇଁ କଙ୍କ୍ରିଟ୍‌ ରାସ୍ତା ଆଦି କରାଯାଇଛି। ଏସବୁ ସୌନ୍ଦର୍ଯ୍ୟକରଣ ରାସ୍ତା ଓ ପିଲାଙ୍କ ଖେଳନା ଦୋଳି ଆଦି ନଦୀରେ ଲୀନ ହୋଇଗଲାଣି।
ସୂଚନାଯୋଗ୍ୟ, ପାରାଦୀପ ବନ୍ଦର ୧୯୬୨ ଜାନୁୟାରୀ ୩ରେ ନେହେରୁ ବଙ୍ଗଳାଠାରେ ସ୍ଥାପନା ହୋଇଥିଲା। ସେଠାରେ ପ୍ରଥମେ ଟାଉନଶିପ ହୋଇଥିଲା। ଜବାହର ଅତିଥି ଭବନ, ଓଡ଼ିଶାର ପ୍ରଥମ ବହୁତଳ ବିଲ୍ଡିଂ ଆଦି ୧୯୭୦ ଦଶକରେ ହୋଇଥିଲା। କିନ୍ତୁ ଯେଉଁ ସ୍ଥାନରେ ପ୍ରାକ୍ତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ଓ ତତ୍କାଳୀନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ ଭିତ୍ତିପ୍ରସ୍ତର ସ୍ଥାପନ କରିଥିଲେ ତାହା ସମୁଦ୍ରରେ ଲୀନ ହୋଇଯାଇଛି। ସମୁଦ୍ର କୂଳ ଖାଇବା ଯୋଗୁ ପାରାଦୀପ ବନ୍ଦର ପକ୍ଷରୁ ୧୯୮୨ରେ ପଥର ବନ୍ଧ ନିର୍ମାଣ କରାଯାଇଥିଲା। ମହାନଦୀ ମୁହାଣଠାରୁ ବନ୍ଦର ୧ ନଂ. ଗେଟ୍‌ ପର୍ଯ୍ୟନ୍ତ ପଥରବନ୍ଧ ହୋଇଛି। ପ୍ରତିବର୍ଷ ପଥର ସମୁଦ୍ରରେ କିଛିମାତ୍ରାରେ ଯାଉଛି। କିନ୍ତୁ ପ୍ରତିବର୍ଷ ପଥର ପକାଯାଉଥିବାରୁ ତାହା ଆଉ ବିଶେଷ କ୍ଷତି କରୁନାହିଁ ବୋଲି କୁହାଯାଉଛି। ଅପରପକ୍ଷେ ମୁହାଣଠାରୁ ଇଫ୍‌କୋ ସାର କାରଖାନା ପର୍ଯ୍ୟନ୍ତ ମହାନଦୀର ଜଗତ୍‌ସିଂହପୁର ଜିଲା ସୀମା ୨୦୧୨ପରଠାରୁ କ୍ଷୟ ହେବାରେ ଲାଗିଛି। ଏପରିକି ପାରାଦୀପ ମାଛଧରା ବନ୍ଦର ପୋତାଶ୍ରୟ ମଧ୍ୟରେ ଥିବା ୧୮୦ ମିଟର ବର୍ଥ ୨୦୧୩ ରେ ଲୀନ ହୋଇଯାଇଥିଲା। ପରେ ମତ୍ସ୍ୟ ବିଭାଗ ସେଠାରେ କୋଟିଏରୁ ଊଦ୍ଧର୍‌ବ ଟଙ୍କା ବ୍ୟୟ ଅଟକଳରେ ପଥର ପ୍ୟାକିଂ କରିଛି। କିନ୍ତୁ ମାଛଧରା ବନ୍ଦରଠାରୁ ମନ୍ମଦ ଉଦ୍ୟାନ ପର୍ଯ୍ୟନ୍ତ ଲୁଣା ଜଙ୍ଗଲ କ୍ଷୟ ହେବାରେ ଲାଗିଛି। ଏହାକୁ ସଂରକ୍ଷଣ କରିବା ପାଇଁ ବନ୍ଦର ପ୍ରଶାସନ ପକ୍ଷରୁ ଉଦ୍ୟମ ଆରମ୍ଭ ହୋଇଥିବା ଜଣାପଡିଛି। ଏପରିକି ବୈଷୟିକ ଟିମ୍‌ ଯାଇ ଥରେ ଅନୁଧ୍ୟାନ କରିଛନ୍ତି ବୋଲି ସୂଚନା ମିଳିଛି। ଏ ସମ୍ପର୍କରେ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ୱାଳଙ୍କୁ ପଚାରିବାରେ ଏହାର ପ୍ରତିକାର ପାଇଁ ପୌରପାଳିକା ପାଖରେ ସମ୍ବଳ ନାହିଁ। ମତ୍ସ୍ୟ ବିଭାଗ କିମ୍ବା ଜଳ ସମ୍ପଦ ବିଭାଗ ପକ୍ଷରୁ ବିହିତ ପଦକ୍ଷେପ ପାଇଁ କହିଛୁ। ସାମୁଦ୍ରିକ ମତ୍ସ୍ୟ ଅଧିକାରୀ ଜଗନ୍ନାଥ ରାଓ କୁହନ୍ତି, ଆମ ବିଭାଗର ଉଚ୍ଚ ଅଧିକାରୀମାନେ ଆସି ତଟକ୍ଷୟର ସ୍ଥିତି ପରଖିକରି ଯାଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଇଣ୍ଡିଆ ଫ୍ୟାଶନ କାର୍ନିିଭାଲ

ଭୁବନେଶ୍ୱର,୨୪।୭(ବ୍ୟୁରୋ): ଓଡ଼ିଶାର କଳା, ସଂସ୍କୃତିର ପ୍ରଚାର ପ୍ରସାର ଲାଗି ‘ଦ ଲିଡିଙ୍ଗ୍‌ ଏଜ୍‌’ ପକ୍ଷରୁ ଶନିବାର ସ୍ଥାନୀୟ ଏକ ହୋଟେଲରେ ‘ଇଣ୍ଡିଆ ଫ୍ୟାଶନ କାର୍ନିଭାଲ’ ଆୟୋଜିତ...

ଚାଲାଣବେଳେ ପୋଲିସ ଚଢ଼ାଉ: ସରକାରୀ ବସ୍‌ରୁ ୧୨ ଯୁବତୀ, ୫ ନାବାଳିକା ଉଦ୍ଧାର, ଦଲାଲ ଗିରଫ

ଜୟପୁର, ୩୧ା୧୦ (ନି.ପ୍ର.): ନବରଙ୍ଗପୁର ଜିଲା ପାପଡାହାଣ୍ଡି, ରାଇଘର, ନୂଆକୋଟି ଅଞ୍ଚଳର ୧୨ ଯୁବତୀ ଓ ୫ ନାବାଳିକାକୁ ରାଇଘରଠାରୁ ବିଶାଖାପାଟଣା ଯାଉଥିବା ଓଏସ୍‌ଏସ୍‌ଆରଟିସି ବସ୍‌ରେ...

ଥାନାରେ ହାଜର ହେଲେ ଓଏଏସ୍‌ ଅଫିସର

ବାଲିଚନ୍ଦ୍ରପୁର,୧୦।୧୧(ସ୍ବ.ପ୍ର.): ଯାଜପୁର ଜିଲା ବାଲିଚନ୍ଦ୍ରପୁର ଥାନା ଅଞ୍ଚଳର ଜଣେ ଆଦିବାସୀ ନାବାଳିକାଙ୍କୁ ବଳାତ୍କାର ଘଟଣାରେ ଓଏଏସ୍‌ ଅଫିସର ପ୍ରମୋଦ ପୃଷ୍ଟି ରବିବାର ବିଳମ୍ବିତ ରାତିରେ ଥାନାରେ...

ଜଙ୍ଗଲ ଜମିରେ ଅମୃତ ସରୋବର ପୋଖରୀ

କାମାକ୍ଷାନଗର, ୧୩।୭(ଡି.ଏନ୍‌.ଏ) – ଢେଙ୍କାନାଳ ଜିଲା କାମାକ୍ଷାନଗର ବ୍ଲକ କଣ୍ଟାପାଳ ପଞ୍ଚାୟତ ପକ୍ଷରୁ ଅମୃତ ସରୋବର ଯୋଜନାରେ ଖୋଳାଯାଇଥିବା ପୋଖରୀକୁ ନେଇ ବିବାଦ ସୃଷ୍ଟି ହୋଇଛି।...

ନାବାଳିକାଙ୍କୁ ବ୍ଲାକ୍‌ମେଲ କରି ଦେଢ଼ଲକ୍ଷ ଟଙ୍କା, ଗହଣା ଲୁଟିଲେ

ଭୁବନେଶ୍ୱର, ୩୦।୪(ବ୍ୟୁରୋ): ନାବାଳିକାଙ୍କୁ ପ୍ରେମ ଜାଲରେ ଫସାଇବା ପରେ ବ୍ଲାକ୍‌ମେଲ୍‌ କରି ଟଙ୍କା ଓ ସୁନା ଗହଣା ଲୁଟିବା ଅଭିଯୋଗରେ ନୟାପଲ୍ଲୀ ଥାନା ପୋଲିସ ଠକ...

ଦୋଷ ମାନିଲେ ଅନୁପ

ଝାରସୁଗୁଡ଼ା ଅଫିସ,୧୫ା୨: ଝାରସୁଗୁଡ଼ା ଜିଲା ବ୍ରଜରାଜନଗରର ପୂର୍ବତନ ବିଧାୟକ ଅନୁପ ସାଏ ଜଣେ ହତ୍ୟାକାରୀ। ଛତିଶଗଡ଼ ରାଜ୍ୟ ରାୟଗଡ ଜିଲା ଚକ୍ରଧରନଗର ଥାନା ଅଧୀନ ହମିରପୁର...

ଛାତ୍ର ନେତା ଇତିଶଙ୍କ ସମେତ ୨ ଗିରଫ

ଭୁବନେଶ୍ୱର,୧୧।୧(ବ୍ୟୁରୋ): କଂଗ୍ରେସ ଭବନରେ ପେଟ୍ରୋଲ ପକାଇ ନିଆଁ ଲଗାଇବା ଘଟଣାରେ କ୍ୟାପିଟାଲ ଥାନା ପୋଲିସ ସଂପୃକ୍ତ ୨ ଅଭିଯୁକ୍ତଙ୍କୁ ଗିରଫ କରି ସୋମବାର କୋର୍ଟ ଚାଲାଣ...

ସରକାରୀ ଜମି ଅବରୋଧ ପ୍ରତିବାଦରାସ୍ତା ଅବରୋଧ କଲେ ଶ୍ରୀଜଙ୍ଗ ଗ୍ରାମବାସୀ

ବାହାନଗା,୨୪।୭(ଡି.ଏନ.ଏ.)-ଖନ୍ତାପଡ଼ା ଥାନା ଅଧୀନସ୍ଥ ରେମୁଣା ବ୍ଲକର ଶ୍ରୀଜଙ୍ଗ ଗ୍ରାମର ସରକାରୀ ଗୋଚର ଓ ଆଡ଼ିବନ୍ଧକୁ ପ୍ରଭାବଶାଳୀ ଲୋକମାନେ ଜବରଦସ୍ତ ଅବରୋଧ କରି ରଖିଥିବାରୁ ଗ୍ରାମବାସୀ ଏହାର...

Advertisement
Archives

Model This Week