ଭୁବନେଶ୍ୱର,୧୮।୯:ଦେଶର ପ୍ରମୁଖ ବାଣିଜି୍ୟକ ସଂସ୍ଥା ଆଦିତ୍ୟ ବିର୍ଲା ଗ୍ରୁପ୍ର ରିଟେଲ ୟୁନିଟ୍ ପାଣ୍ଟାଲୁନ୍ସର ସ୍ଥାନୀୟ ଶହୀଦନଗର ଏକ୍ସକ୍ଲୁସିଭ ଷ୍ଟୋରର ନବକଳେବର ସହ ଷ୍ଟୋରର ପୁନଃ ଶୁଭାରମ୍ଭ ହୋଇଯାଇଛି। ଏହି ପରିପ୍ରେକ୍ଷୀରେ ପାଣ୍ଟାଲୁନ୍ସ ପକ୍ଷରୁ ଶନିବାର ଏକ ସ୍ବତନ୍ତ୍ର ଉଦ୍ଘାଟନୀ କାର୍ଯ୍ୟକ୍ରମର ଆୟୋଜନ ମଧ୍ୟ କରାଯାଇଥିଲା। ଏହି ଅବସରରେ ଓଲିଉଡ୍ ଅଭିନେତ୍ରୀ ଭୂମିକା ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଷ୍ଟୋର ସ୍ବତ୍ୱାଧିକାରୀ (ମାଲିକ) ବିଶ୍ୱମୋହନ ପଟ୍ଟନାୟକ ଏବଂ ଜୟଶ୍ରୀ ପଟ୍ଟନାୟକଙ୍କ ସମେତ ପାଣ୍ଟାଲୁନ୍ସର ସିଓଓ କରନ୍ ମେହେଟା ପ୍ରମୁଖ ଉପସ୍ଥିତ ଥିଲେ।
ଏ ସମ୍ପର୍କରେ ପାଣ୍ଟାଲୁନ୍ସର ସିଓଓ ମେହେଟା କହିଛନ୍ତି, ଶହୀଦନଗର ଜନପଥ ରୋଡ୍ସ୍ଥିତ ସୁରୁଚି ପ୍ଲାଜାଠାରେ ଅବସ୍ଥିତ ପାଣ୍ଟାଲୁନ୍ସ ଷ୍ଟୋରର ପୁନଃ ଶୁଭାରମ୍ଭ ନେଇ ଆମେ ବେଶ୍ ଆନନ୍ଦିତ। ବିଶେଷକରି ଏହାର ଆକର୍ଷଣୀୟ ଡିଜାଇନ ଓ ସୌନ୍ଦର୍ଯ୍ୟ ସାଙ୍ଗକୁ ଗୁଣବତ୍ତା ସାମଗ୍ରୀର ସମ୍ଭାର ଏବଂ ସେବା ସମସ୍ତଙ୍କ ହୃଦୟକୁ ଜିତିପାରିଛି। ଚଳିତ ପାର୍ବଣ ଋତୁର ଆଗମନ ସହ ଉକ୍ତ ଷ୍ଟୋରରେ ଆମେ ଅଧିକ ଗ୍ରାହକଙ୍କ ଆଗମନ ଆଶା କରୁଛୁ। ଫଳରେ ଗ୍ରାହକଙ୍କ ଅଭିଳାଷ ପୂରା କରିବା ଲାଗି ଏଠାରେ ଆମେ ସମସ୍ତ ପ୍ରକାରର ସାମଗ୍ରୀ ଉପଲବ୍ଧ କରାଇଛୁ ବୋଲି ସେ ମତବ୍ୟକ୍ତ କରିଛନ୍ତି। ଉକ୍ତ କାର୍ଯ୍ୟକ୍ରମରେ ଷ୍ଟୋରର ବହୁ ବରିଷ୍ଠ ଅଧିକାରୀ ଓ କର୍ମଚାରୀମାନେ ଉପସ୍ଥିତ ରହିଥିଲେ।
