ସଙ୍କଟରେ ତାଳପତ୍ର କାରିଗରଙ୍କ ଜୀବିକା

ପୁରୀ ଅଫିସ, ୭।୯:  ତାଳପତ୍ର ହିଁ ଦେଖାଇଛି ବଞ୍ଚିବାର ରାହା। ପରିଚୟ ପଛରେ ବି ତାଳପତ୍ରର ନାଁ। ଏହାକୁ ନେଇ ସେମାନେ ସ୍ବପ୍ନ ଦେଖନ୍ତି ଆଉ ସମ୍ଭାବନା ସୃଷ୍ଟି କରନ୍ତି। ସକାଳୁ ରାତି ଯାଏ ତାଳପତ୍ର ପାଲଟିଯାଏ ସେମାନଙ୍କ ସାଥୀ। ନିଜ ଭିତରେ ଥିବା ପ୍ରତିଭାକୁ ଖୋଦେଇ କରନ୍ତି ତାଳପତ୍ର ଛାତିରେ। ବୈଷୟିକ ଯୁଗରେ ବି ଜୀବନ ଜୀବିକା ପାଇଁ ଓଡ଼ିଶାର ଏହି ପ୍ରାଚୀନ କଳା ଓ ଭାସ୍କର୍ଯ୍ୟ ପରମ୍ପରାର କୌଳିକ ବୃତ୍ତିକୁ ଜାବୁଡ଼ି ଧରିଛନ୍ତି ଅନେକ କାରିଗର। କିନ୍ତୁ ମହାମାରୀ କରୋନା ପାଇଁ ସେମାନଙ୍କ ଜୀବନ ଜୀବିକା ଏବେ ସଙ୍କଟରେ।ସମୟ ଥିଲା ତାଳପତ୍ର କାରିଗର ଭଲ ଦି’ ପଇସା ରୋଜଗାର କରୁଥିଲେ। ଖରାଦିନେ ବିଞ୍ଚଣା ଆଉ ବର୍ଷାଦିନେ ପଖିଆ ବ୍ୟବହାର କରୁଥିଲେ ଲୋକେ। ଘରେ ଘରେ ଚଟେଇ ଆଉ ତାଳପତ୍ରରେ ତିଆରି ଖେଳଣା ବ୍ୟବହାର ବି କମ୍‌ ନ ଥିଲା। ଧୀରେ ଧୀରେ ସମୟ ବଦଳିଲା। ତାଳପତ୍ର ସାମଗ୍ରୀର ଚାହିଦା କମିଗଲା। ତଥାପି କେତେଜଣ କାରିଗର ଏହି ବୃତ୍ତିକୁ ଆପଣେଇ ନିଜସ୍ବ ଜ୍ଞାନକୌଶଳରେ ତାଳପତ୍ରକୁ ବିଭିନ୍ନ ରୂପ ଦେଇ ପରିବାର ପ୍ରତିପୋଷଣ କରୁଛନ୍ତି। ମାତ୍ର ଏବେ ମହାମାରୀ କରୋନା ସେମାନଙ୍କ ହାତ ବାନ୍ଧି ଦେଇଛି।
ପୁରୀ ସଦର ବ୍ଲକ ମାଳତିପାଟପୁର ପଞ୍ଚାୟତର ନାୟକପାଟଣା ଗାଁ। ଏଠାକାର ପ୍ରତିଟି ଘରେ ତାଳପତ୍ର କାରିଗରିର ଛାପ। ତାଳପତ୍ର ଖୋଦେଇ ହିିଁ ସେମାନଙ୍କ ଜୀବନ ଜୀବିକାର ମୁଖ୍ୟ ଉତ୍ସ। ତାଳପତ୍ରରେ ପୋଥି, ଗୀତା ରଥ, କନ୍ଦର୍ପ ହାତୀ, କନ୍ଦର୍ପ ଘୋଡ଼ା, କନ୍ଦର୍ପ ରଥ, ରାମାୟଣ, କୃଷ୍ଣଲୀଳା, ମହାଭାରତ ସମେତ ପୁରାଣର ବିଭିନ୍ନ ବିଷୟବସ୍ତୁକୁ ଦର୍ଶାଇଥାନ୍ତି। ନୂଆପିଢିର କାରିଗରମାନେ ଅଳଙ୍କାର ବାକ୍ସ, କାଚ ଫ୍ରେମ୍‌, ବିଭିନ୍ନ ପ୍ରକାର ଅଳଙ୍କାର, ସିନ୍ଦୁର ଫରୁଆ, ପେନ୍‌ ଷ୍ଟାଣ୍ଡ, ଟେବୁଲ ମ୍ୟାଟ୍‌, ଲ୍ୟାମ୍ପ ସେଟ୍‌ ଆଦି ନାନା ସୂକ୍ଷ୍ମ କାରୁକାର୍ଯ୍ୟପୂର୍ଣ୍ଣ ଖୋଦେଇ ସାମଗ୍ରୀ ତିଆରି କରିଥାନ୍ତି। ମାତ୍ର ଏସବୁ ସାମଗ୍ରୀ ବିକ୍ରି ପାଇଁ ବିଶେଷ ସୁବିଧା ନାହିଁ। ତେଣୁ ସେମାନେ ମେଳା, ପ୍ରଦର୍ଶନୀକୁ ଯାଇ ବିକିଥାନ୍ତି। ଏହାବ୍ୟତୀତ ଉତ୍କଳିକାକୁ ମଧ୍ୟ ଦେଇଥାନ୍ତି। ସରକାରୀ ଭାବେ ଏହି ସାମଗ୍ରୀ ବିକ୍ରି ପାଇଁ ପର୍ଯ୍ୟାପ୍ତ ବ୍ୟବସ୍ଥା ନ ଥିବାରୁ କାରିଗର ହଇରାଣ ହେଉଛନ୍ତି। ଗାଁର କେତେଜଣ ଯୁବକ ପୁରୀ ସହରସ୍ଥ ବିଭିନ୍ନ ହୋଟେଲ, ଯାତ୍ରୀନିବାସ ସହ ଯୋଗାଯୋଗ କରି ପର୍ଯ୍ୟଟକଙ୍କୁ ସାମଗ୍ରୀ ବିକିଥାନ୍ତି। ହେଲେ କରୋନା ପାଇଁ ପ୍ରାୟ ୬ମାସ ହେବ ସବୁ ବନ୍ଦ ରହିବାରୁ ଆଗଭଳି କାମ ହେଲାନାହିଁ। କେବଳ ତାଳପତ୍ର କାରିଗର ନୁହଁନ୍ତି ହସ୍ତଶିଳ୍ପକୁ ଜୀବିକା କରିଥିବା ହେରିଟେଜ ଭିଲେଜ ରଘୁରାଜପୁର, ହସ୍ତଶିଳ୍ପ ଗ୍ରାମ ଦାଣ୍ଡସାହି, ନାୟକପାଟଣାର ପ୍ରାୟ ୩୫୦ରୁ ଊର୍ଦ୍ଧ୍ୱ ପରିବାର ଜୀବିକା ହରାଇଛନ୍ତି। ଅନେକ କାରିଗର ବୃତ୍ତି ଛାଡ଼ିି ପରିବାର ଚଳାଇବା ପାଇଁ ଅନ୍ୟ ବେଉସା କଲେଣି ବୋଲି ନାୟକପାଟଣାର ତାଳପତ୍ର କାରିଗର ମାଗା ନାୟକ କହିଛନ୍ତି। ଓଡ଼ିଶାର ଏହି ପ୍ରାଚୀନ କଳା ଓ ଭାସ୍କର୍ଯ୍ୟକୁ ବଞ୍ଚାଇ ରଖିବାକୁ ହେଲେ କାରିଗରମାନଙ୍କୁ ସରକାରୀ ସହାୟତାର ଆବଶ୍ୟକତା ରହିଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

ମା’ ସମଲେଶ୍ୱରୀଙ୍କ ଦର୍ଶନ କରି ଆଶୀର୍ବାଦ ନେଲେ ବବି

ସମ୍ବଲପୁର,୨୯ା୩: ସମ୍ବଲପୁର ଲୋକ ସଭା ଆସନରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି)ଙ୍କ ନାଁ ଘୋଷଣା କରିବା ପରେ...

ଶ୍ୱଶୁରଙ୍କୁ ଛୁରି ଭୁସି ହତ୍ୟା କଲେ ଜ୍ୱାଇଁ

କୋରାପୁଟ,୨୯ା୩: ଶ୍ୱଶୁରଙ୍କୁ ଛୁରି ଭୁସି ଜ୍ୱାଇଁ  ହତ୍ୟା କରିଥିବା ଅଭିଯୋଗ ହୋଇଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କୋରାପୁଟ ଜିଲା ନାରାୟଣପାଟଣା ଥାନା...

ଫୁଲଚାଷ ପ୍ରତି ବଢୁଛି ଆଗ୍ରହ

ସମ୍ବଲପୁର,୨୯ା୩ (ଭବାନୀ ଶଙ୍କର ଭୋଇ): ସମ୍ବଲପୁର ଜିଲାରେ ଧାନଫସଲରେ ପୂର୍ବଭଳି ଲାଭ ହେଉ ନ ଥିବାବେଳେ ଚାଷୀମାନେ ପନିପରିବା ଓ ଅନ୍ୟ ଅର୍ଥକରୀ ଫସଲ ଚାଷ...

ଭାଜପା ଆଶାୟୀ ପ୍ରାର୍ଥୀଙ୍କ ନିଦ ଗାଏବ

ଅନୁଗୋଳ,୨୯ା୩(ଅମିତ କୁମାର ସାମଲ): ବିଜେଡି-ଭାଜପା ମଧ୍ୟରେ ମେଣ୍ଟ ହେବ ବୋଲି ପ୍ରଥମେ ଶୁଣାଗଲା। ଏହାକୁ ନେଇ ଉଭୟ ଦଳ ପକ୍ଷରୁ ଘନ ଘନ ବୈଠକ ହେଲା।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri