ଜେରୁଜେଲମ,୯।୧୦: ଆତଙ୍କବାଦୀ ସଂଗଠନ ହମାସ ଏବଂ ଇସ୍ରାଏଲ ମଧ୍ୟରେ ବିବାଦ ଜାରି ରହିଛି। ବର୍ତ୍ତମାନ ପର୍ଯ୍ୟନ୍ତ ଏହି ଆକ୍ରମଣରେ ଏକ ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି। ହମାସର ଆକ୍ରମଣ ପରେ ଅନେକ ଦେଶ ହମାସର ଆକ୍ରମଣକୁ ବିରୋଧ କରୁଥିବାବେଳେ ବର୍ତ୍ତମାନ ଭାରତରେ ପାଲେଷ୍ଟାଇନର ରାଷ୍ଟ୍ରଦୂତ ଅଦନାନ ଅବୁ ଅଲ ହୈଜା ଏକ ଆଶ୍ଚର୍ଯ୍ୟଜନକ ବିବୃତ୍ତି ଦେଇଛନ୍ତି। ସେ କହିଛନ୍ତ, ହମାସ କାହିଁକି ଆକ୍ରମଣ କରିଛି ତାହା ଜାଣିବାର ଆବଶ୍ୟକତା ରହିଛି।
ପାଲେଷ୍ଟାଇନର ରାଷ୍ଟ୍ରଦୂତ କହିଛନ୍ତି , କୌଣସି ସଂଘର୍ଷ ଯେତେବେଳେ ଆରମ୍ଭ ହୋଇଥାଏ, ତାହା ଖରାପ ହୋଇଥାଏ। ତେବେ ହମାସ କାହିଁକି ଇସ୍ରାଏଲ ଉପରେ ଆକ୍ରମଣ କରିଛି ତାହା ଜାଣିବାର ଆବଶ୍ୟକତା ରହିଛି। ସେ କହିଛନ୍ତି, ଆମକୁ ମଧ୍ୟ ବର୍ଷ ବର୍ଷ ପଛକୁ ଯାଇ ଇସ୍ରାଏଲ ବାହିନୀ ଦ୍ୱାରା କରାଯାଇଥିବା ହତ୍ୟାକାଣ୍ଡକୁ ଦେଖିବା ଆବଶ୍ୟକ। ଚଳିତ ବର୍ଷ ଆରମ୍ଭ ନେଇ ଏବେ ପର୍ଯ୍ୟନ୍ତ ଇସ୍ରାଏଲ, ପାଲେଷ୍ଟାଇନ ଏବଂ ଓ୍ବେଷ୍ଟ ବ୍ୟାଙ୍କରେ ୨୬୦ରୁ ଅଧିକ ଲୋକଙ୍କୁ ହତ୍ୟା କରିଛି। ଏ ବିଷୟରେ କେହି ଆଲୋଚନା କରନ୍ତିନି।
ସେ କହିଛନ୍ତି ଯେ, ଇସ୍ରାଏଲୀୟମାନଙ୍କ ଦ୍ୱାରା ହୋଇଥିବା ହତ୍ୟାକାଣ୍ଡ ବିଷୟରେ ମଧ୍ୟ ଆଲୋଚନା ହେବା ଉଚିତ୍। ଏମାନଙ୍କୁ ନିନ୍ଦା କରାଯିବା ଉଚିତ୍। ଯାହା କେହି କରନ୍ତି ନାହିଁ। ଇସ୍ରାଏଲୀୟମାନେ ପ୍ରତ୍ୟେକ ଦେଶ ଦଖଲ କରିଛନ୍ତି ବୋଲି ହୈଜାଅଭିଯୋଗ କରିଛନ୍ତି। କେବଳ ଏତିକି ନୁହେଁ, ସେମାନେ ଲୋକଙ୍କୁ ଜେଲକୁ ପଠାଇଦିଅନ୍ତି। ଏପରିକି ସେମାନେ ଲୋକଙ୍କୁ ହତ୍ୟା କରନ୍ତି।
