ନୂଆଦିଲ୍ଲୀ/ଇସଲାମାବାଦ,୧୮ ।୩: ଭାରତକୁ ଏକ ପ୍ରତିନିଧିମଣ୍ଡଳ ପଠାଇବା ପାଇଁ ପାକିସ୍ତାନ ପକ୍ଷରୁ ପ୍ରତିବଦ୍ଧତା ସତ୍ତ୍ୱେ ଟେଲି କନଫରେନସିଂ ଜରିଆରେ ନୂଆଦିଲ୍ଲୀରେ ଅନୁଷ୍ଠିତ ସାଂଘାଇ ସହଯୋଗ ସଙ୍ଗଠନ(ଏସସିଓ) ବୈଠକରେ ପାକ ପ୍ରଧାନମନ୍ତ୍ରୀ ଶେହବାଜ ଶରିଫଙ୍କର ଜଣେ ଉପଦେଷ୍ଟା ଅଶଂଗ୍ରଣ କରିଥିଲେ । ଭାରତ ଏବେ ଏସସିଓର ଅଧ୍ୟକ୍ଷତା କରୁଛି । ଏଥିରେ ଚାଇନା, ଭାରତ, କାଜାକାସ୍ତାନ, କିର୍ଗିଜସ୍ଥାନ,ରୁଷିଆ, ପାକିସ୍ତାନ, ତାଜିକିସ୍ତାନ ଓ ଉଜବେକିସ୍ତାନ ଅନ୍ତର୍ଭୁକ୍ତ ।
ପାକ ବୈଦେଶିକ କାର୍ଯ୍ୟାଳୟର ପ୍ରବକ୍ତା ମମତାଜ ଜାହରା ବଲୋଚ ଶୁକ୍ରବାର ଦିନ ସପ୍ତାହିକ ସଂକ୍ଷିପ୍ତ ବୈଠକରେ କହିଛନ୍ତି ଯେ ପର୍ଯ୍ୟଟନ ଓ କ୍ରୀଡା ଉପରେ ପ୍ରଧାନମନ୍ତ୍ରଙ୍କ ପରାମର୍ଶଦାତା ଅନ ଚୌଧୁରି ଅନଲାଇନ ମାଧ୍ୟମରେ ଏସସିଓ(ହେଡସ୍ ଅଫ ଟୁରିଜିମ ଆଡମିନିଷ୍ଟ୍ରେଶନ) ବୈଠକରେ ପାକିସ୍ତାନକୁ ପ୍ରତିନିଧିତ୍ୱ କରିଛନ୍ତି । ସେ କହିଛନ୍ତି ଯେ ଜଣେ ସଦସ୍ୟ ଭାବେ ପାକିସ୍ତାନ ଏସସିଓ କାର୍ଯ୍ୟକ୍ରମରେ ଅଂଶଗ୍ରହଣ ଜାରି ରଖିବ ଏବଂ ଏଥିରେ ମଧ୍ୟ ଗଠନମୂଳକ ଅବଦାନ ରହିବ ।
ସୂଚନାଯୋଗ୍ୟ, ମେ’ରେ ଗୋଆରେ ଏସସିଓ ବୈଦେଶିକ ମନ୍ତ୍ରୀଙ୍କ ବୈଠକ ହେବାକୁ ଥିବା ବେଳେ ପ୍ରତିରକ୍ଷାମନ୍ତ୍ରୀଙ୍କ ବୈଠକ ଏପ୍ରିଲରେ ନୂଆଦିଲ୍ଲୀରେ ଅନୁଷ୍ଠିତ ହେବ । ମେ’ରେ ହେବାକୁ ଥିବା ବୈଠକ ପାଇଁ ପାକିସ୍ତାନର ବୈଦେଶିକ ମନ୍ତ୍ରୀବିଲାୱଲ ଭୁଟ୍ଟୋ ଓ ଚାଇନା ବୈଦେଶିକ ମନ୍ତ୍ରୀ କିଙ୍ଗ ଗାଙ୍ଗଙ୍କ ସମେତ ଭାରତ ସରକାର ଏସସିଓ ସଦସ୍ୟ ରାଷ୍ଟ୍ରର ବୈଦେଶିକ ମନ୍ତ୍ରୀଙ୍କୁ ଆମନ୍ତ୍ରଣ କରିଛି ।
